newsics.com
ವಿವಾಹಿತ ಮಹಿಳೆಯೊಬ್ಬಳು ತಿಂಗಳ 15 ದಿನ ಗಂಡನ ಜೊತೆ, ಇನ್ನೂ 15 ದಿನ ಪ್ರಿಯಕರನ ಜೊತೆ ಇರುತ್ತೇನೆ ಎಂದು ಪಂಚಾಯಿತಿಯಲ್ಲಿ ಎಲ್ಲರ ಎದುರು ಹೇಳಿದ್ದಾಳೆ. ಈ ಘಟನೆ ಉತ್ತರ ಪ್ರದೇಶದ ರಾಂಪುರದಲ್ಲಿ ನಡೆದಿದೆ.
ಪಕ್ಕದ ಗ್ರಾಮ ತಾಂಡಾ ಮೂಲದ ವ್ಯಕ್ತಿಯನ್ನ ಪ್ರೀತಿಸಿತ್ತಿದ್ದಳು ಆತನೊಂದಿಗೆ ಕಳೆದೊಂದು ವರ್ಷದಲ್ಲಿ ಒಟ್ಟು 9 ಬಾರಿ ಓಡಿಹೋಗಿದ್ದಾಳೆ. ಪ್ರತಿ ಬಾರಿಯೂ ಆಕೆಯನ್ನ ಮರಳಿ ಕರೆತರಲಾಗ್ತಿತಾದ್ರೂ, ಎಂಟು ದಿನಗಳ ಹಿಂದೆ ಮತ್ತೆ 10ನೇ ಬಾರಿಗೆ ಓಡಿ ಹೋಗಿದ್ಲು. ಅಜೀಮ್ ನಗರ ಪೊಲೀಸರು ಮತ್ತೆ ಕರೆತಂದಿದ್ರ, ವಿವಾಹಿತ ಮಹಿಳೆ ಕೇವಲ ಒಂದು ರಾತ್ರಿ ಮಾತ್ರ ತನ್ನ ಗಂಡನ ಮನೆಯಲ್ಲಿದ್ದು, ಮರುದಿನ ಬೆಳಿಗ್ಗೆ ತನ್ನ ಪ್ರಿಯಕರನ ಬಳಿಗೆ ಮರಳಿದ್ದಾಳೆ.
ಗಂಡ ತನ್ನ ಹೆಂಡತಿಯ ಮನವೊಲಿಸಲು ಪ್ರಿಯಕರನ ಮನೆಗೆ ತಲುಪಿದ್ದ, ಈ ವೇಳೆ ಅಲ್ಲಿ ರಾಜಿ-ಪಂಚಾಯ್ತಿ ನಡೆದಿದೆ. ಪಂಚಾಯತಿಯಲ್ಲಿ ಗಂಡ ತನ್ನ ಹೆಂಡತಿಯನ್ನ ಮನೆಗೆ ಬರುವಂತೆ ಕೈಮುಗಿದು ಬೇಡಿಕೊಂಡಿದ್ದಾನೆ. ಆದ್ರೆ, ಆ ಮಹಿಳೆ ವಿಶಿಷ್ಟ ಪ್ರಸ್ತಾವನೆ ಮಾಡಿದ್ದು, ನಾನು ಅವರಿಬ್ಬರ ಜೊತೆಗೂ ಇರಲು ಬಯಸುತ್ತೇನೆ. ನಾನು ತಿಂಗಳಿನಲ್ಲಿ 15 ದಿನಗಳು ನನ್ನ ಗಂಡನ ಮನೆಯಲ್ಲಿ ಮತ್ತು 15 ದಿನಗಳು ನನ್ನ ಪ್ರಿಯಕರನ ಮನೆಯಲ್ಲಿ ಕಳೆಯುತ್ತೇನೆ ಎಂದಿದ್ದಾಳೆ.
ಇದನ್ನು ಕೇಳಿ ಎಲ್ಲರೂ ದಂಗಾಗಿದ್ದಾರೆ. ಹೆಂಡತಿಯ ಈ ವರ್ತನೆ ಗಂಡನಿಗೆ ನಿರಾಶೆ ಉಂಟು ಮಾಡಿದ್ದು, ಆಕೆಗೆ ಕೈಮುಗಿದ ಗಂಡ, ನೀನು ನಿನ್ನ ಪ್ರೇಮಿಯೊಂದಿಗೆ ಇರು ಎಂದು ಹೇಳಿ ಬಂದು ಬಿಟ್ಟಿದ್ದಾನೆ.
