newsics.com
ಮನೆಯಂದರೆ ಸೊಳ್ಳೆಗಳು, ಜಿರಳೆಗಳು, ಹಲ್ಲಿಗಳು, ಇರುವೆಗಳ ಕಾಟ ತಪ್ಪಿದ್ದಲ್ಲ. ಸಾಧಾರಣವಾಗಿ ಇವುಗಳ ಜೊತೆಗೆ ಜೀವನ ನಡೆಸುವುದು ಜನರಿಗೆ ಕಿರಿಕಿರಿ ಉಂಟುಮಾಡುತ್ತದೆ. ಹಾಗಾಗಿ ಇವುಗಳನ್ನು ಮನೆಯಿಂದ ಓಡಿಸಲು ವಿವಿಧ ಬಗೆಯ ರಾಸಾಯನಿಕ ವಸ್ತುಗಳನ್ನು ಬಳಕೆ ಮಾಡುತ್ತೇವೆ. ಆದರೆ ಮಕ್ಕಳಿರುವ ಮನೆಯಲ್ಲಿ ರಾಸಾಯನಿಕ ವಸ್ತುಗಳನ್ನು ಮಾಡುವುದು ಸರಿಯಲ್ಲ ಇದರಿಂದ ಮಕ್ಕಳ ಆರೋಗ್ಯ ಜೊತೆಗೆ ದೊಡ್ಡವರಿಗೂ ಇದರಿಂದ ಸಮಸ್ಯೆ ಉಂಟಾಗಬಹುದುಹಾರ ದೊರೆಯುವುದಿಲ್ಲ.
ಇವುಗಳ ಕಾಟದಿಂದ ತಪ್ಪಿಸಿಕೊಳ್ಳಲು ಜನ ನಾನಾ ಪ್ರಯತ್ನಿಗಳನ್ನು ಮಾಡಿದರೂ ಅವು ಮನೆಬಿಟ್ಟು ಹೋಗುವುದಿಲ್ಲ. ಹಾಗಾಗಿ ನಾವಿಂದು ಕೆಲ ಟಿಪ್ಸ್ ನೀಡುವ ಮೂಲಕ ಇರುವೆಗಳನ್ನು ಮನೆಯಿಂದ ಓಡಿಸುವುದು ಹೇಗೆ ಎಂದು ತಿಳಿಸುತ್ತೇವೆ.
ಒಂದು ಬೌಲ್ನಲ್ಲಿ ಎರಡು ಮೂರು ಟೇಬಲ್ ಚಮಚ ಆಗುವಷ್ಟು ನಿಂಬೆ ರಸ ತಗೊಂಡು, ಅದಕ್ಕೆ ಒಂದು ಚಮಚ ಉಪ್ಪು ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಂಡು, ಇರುವೆಗಳು ಇರುವ ಜಾಗಕ್ಕೆ ಸಿಂಪಡಿಸಿ. ಹೀಗೆ ಮಾಡುವುದರಿಂದ ಇರುವೆಗಳು ಬೇಗನೇ ಅಲ್ಲಿಂದ ಜಾಗ ಖಾಲಿ ಮಾಡಿಬಿಡುತ್ತದೆ.
ನಿಮ್ಮ ಮನೆಯಲ್ಲಿ ಮಕ್ಕಳು ಅಥವಾ ಸಾಕುಪ್ರಾಣಿಗಳಿದ್ದರೆ, ಬೇಕಿಂಗ್ ಸೋಡಾವನ್ನು ಇರುವೆ ನಿವಾರಕವಾಗಿ ಬಳಸುವುದು ಅಪಾಯಕಾರಿ. ಏಕೆಂದರೆ ಇದರ ವಾಸನೆಯು ಮಕ್ಕಳ ವಾಂತಿಗೆ ಕಾರಣವಾಗಬಹುದು. ಒಂದು ವೇಳೆ ಮಕ್ಕಳು ಮತ್ತು ಪ್ರಾಣಿಗಳಿಲ್ಲದಿದ್ದರೆ ಇರುವೆಗಳು ಬರುವ ಕಡೆಗೆ ಅಡಿಗೆ ಸೋಡಾವನ್ನು ಉದುರಿಸಬಹುದು. ಮನೆಯಲ್ಲಿ ಕಸವನ್ನು ಎಸೆಯುವ ಡಸ್ಟ್ ಬಿನ್ ಸುತ್ತ ಅಡುಗೆ ಸೋಡಾ ಸಿಂಪಡಿಸಿದರೆ ಇರುವೆ ಬರುವುದಿಲ್ಲ.
ನಮಗೆ ದಾಲ್ಚಿನ್ನಿ ವಾಸನೆ ಇಷ್ಟವಾಗುತ್ತದೆ. ಆದರೆ ಇರುವೆಗಳು ಇದನ್ನು ಇಷ್ಟಪಡುವುದಿಲ್ಲ. ಹಾಗಾಗಿ ಇರುವೆ ಗೂಡುಗಳ ಬಳಿ ದಾಲ್ಚಿನ್ನಿ ಪುಡಿಯನ್ನು ಹಾಕಿದರೆ ಅವು ಬೇರೆಡೆ ಹೋಗುತ್ತವೆ. ಇಲ್ಲದಿದ್ದರೆ ದಾಲ್ಚಿನ್ನಿ ಎಣ್ಣೆಯ ಬಾಟಲಿಯನ್ನು ಖರೀದಿಸಿ, ಅದರ ಕೆಲವು ಹನಿಗಳನ್ನು ನೀರಿಗೆ ಮಿಕ್ಸ್ ಮಾಡಿ ಇರುವೆಗಳು ಬರುವ ಜಾಗದಲ್ಲಿ ಚಿಮುಕಿಸಿ. ಇದರಿಂದ ಇರುವೆಗಳು ಇನ್ನು ಮುಂದೆ ಬರುವುದಿಲ್ಲ. ಹಾಗೆಯೇ ಕಿಟಕಿ, ಬಾಗಿಲುಗಳ ಮೂಲೆಗಳಲ್ಲಿ ದಾಲ್ಚಿನ್ನಿ ಇಟ್ಟರೆ, ಇರುವೆಯಷ್ಟೇ ಅಲ್ಲ ಮತ್ತಿತರ ಕೀಟಗಳು ಬರುವುದಿಲ್ಲ.
ಒಂದು ಕಪ್ ನೀರಿಗೆ ಸ್ವಲ್ಪ ಪುದೀನಾ ಎಣ್ಣೆ ಅಥವಾ ಪೆಪ್ಪರ್ ಮಿಂಟ್ ಎಸೆನ್ಶಿಯಲ್ ಆಯಿಲ್ ಮಿಶ್ರಣ ಮಾಡಿ, ಮನೆಗೆ ಇರುವೆಗಳು ಪ್ರವೇಶಿಸುವ ಸ್ಥಳಕ್ಕೆ ಸಿಂಪಡಿಸಿ, ಇಲ್ಲಾಂದರೆ ಇರುವೆಗಳ ಗೂಡಿನ ಬಳಿ ಸಿಂಪಡಿಸಿ. ಬೆಳಗ್ಗೆ – ಸಂಜೆ ದಿನಕ್ಕೆ ಎರಡು ಬಾರಿ ಈ ರೀತಿ ಮಾಡುವುದರಿಂದ ಅತ್ಯಂತ ಪರಿಣಾಮಕಾರಿಯಾಗಿ ಇರುವೆಗಳಿಂದ ನೀವು ಮುಕ್ತಿ ಪಡೆಯಬಹುದು.
