newsics.com
ನಮ್ಮ ಅತಿಯಾದ ಯೋಚನೆ ಮೇಲ್ನೋಟಕ್ಕೆ ಯಾವುದೇ ಹಾನಿಯನ್ನುಂಟು ಮಾಡದೇ ಇದ್ದರೂ ನಿಧಾನವಾಗಿ ಮಾನಸಿಕವಾಗಿ ಒತ್ತಡವುಂಟಾಗುತ್ತದೆ.
ಇದರಿಂದ ನೀವು ಸಮಸ್ಯೆಯ ಬಗ್ಗೆಯೇ ಹೆಚ್ಚು ಯೋಚಿಸುತ್ತೀರಿ ಹಾಗೂ ವಿಷಾದ ವ್ಯಕ್ತಪಡಿಸುತ್ತೀರಿ. ಇದೊಂದು ನಿರಂತರ ಮಾನಸಿಕ ಪ್ರಚೋದನೆ ಎಂದೆನಿಸಿದ್ದು ನಿಮ್ಮ ಆಲೋಚನೆಗಳಿಗಿಂತ ನಿಮ್ಮ ನಿದ್ರೆ, ಗಮನ ಹಾಗೂ ಸಂಬಂಧಗಳ ಮೇಲೂ ದುಷ್ಪರಿಣಾಮ ಬೀರುತ್ತದೆ. ಮನಸ್ಸು ಈ ಸಮಯದಲ್ಲಿ ದಣಿಯುತ್ತದೆ, ಆಗ ಒತ್ತಡ ಇನ್ನಷ್ಟು ಹೆಚ್ಚುತ್ತದೆ ಎಂದು ಭವ್ಯಾ ಸೂಚಿಸುತ್ತಾರೆ.
ಅತಿಯಾದ ಯೋಚನೆಯ ಪರಿಣಾಮಗಳು
ಅತಿಯಾಗಿ ಯೋಚಿಸುವುದು ಮಾನಸಿಕ ಅಡಚಣೆಗಳನ್ನು ಸೃಷ್ಟಿಸುತ್ತದೆ ಎಂದು ಹಲವಾರು ತಜ್ಞರು ತಿಳಿಸಿದ್ದು ನೀವು ಯಾವುದಾದರೂ ವಿಷಯದ ಬಗ್ಗೆ ಹೆಚ್ಚು ಸಮಯ ಯೋಚಿಸಿದಾಗ, ನಿಮ್ಮ ಮೆದುಳು ಅದೇ ಆಲೋಚನೆಗಳನ್ನು ಪ್ರಕ್ರಿಯೆಗೊಳಿಸುತ್ತಲೇ ಇರುತ್ತದೆ. ಹೊಸದಕ್ಕೆ ಸ್ವಲ್ಪ ಅವಕಾಶ ನೀಡುತ್ತದೆ. ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆಯು ನಿಧಾನಗೊಳ್ಳುತ್ತದೆ, ಅವಕಾಶಗಳು ದೂರವಾಗಬಹುದು ಮತ್ತು ವೈಯಕ್ತಿಕ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ.
ಕೆಲವರು ತಪ್ಪುಗಳು, ವಿಷಾದಗಳು ಅಥವಾ ನಕಾರಾತ್ಮಕ ಪ್ರತಿಕ್ರಿಯೆಗಳ ಬಗ್ಗೆ ಚಿಂತಿಸುತ್ತಾ ಹಳೆಯದನ್ನೇ ನೆನಪಿಸಿಕೊಳ್ಳುತ್ತಾರೆ ಇನ್ನು ಕೆಲವರು ಇನ್ನೂ ಕೆಲವರು ಭವಿಷ್ಯದ ಬಗ್ಗೆ ಯೋಚಿಸಿ ಭಯಭೀತರಾಗುತ್ತಾರೆ. ನಮ್ಮ ಆಲೋಚನೆ ಹೇಗಿರಬೇಕೆಂದರೆ ಹೆಚ್ಚಿನ ಕ್ರಿಯೆಗೆ ಹಾಗೂ ಶಾಂತಿಗೆ ಪೂರಕವಾಗಿರಬೇಕು, ಹೆಚ್ಚಿನ ಚಿಂತೆ ಇಲ್ಲವೇ ಮಾನಸಿಕ ಅಸ್ವಸ್ಥತೆಯನ್ನು ಉಂಟು ಮಾಡುವಂತಿರಬಾರದು ಎನ್ನುತ್ತಾರೆ. ಹಾಗಿದ್ದರೆ ಈ ಸಮಯದಲ್ಲಿ ಏನು ಮಾಡಬೇಕು ಎಂದು ಭವ್ಯಾ ತಿಳಿಸಿದ್ದು ಮನಸ್ಸನ್ನು ಹಗುರಗೊಳಿಸುವ ಹಾಗೂ ಅತಿಯಾದ ಯೋಚನೆಗಳನ್ನು ಕಡಿಮೆಗೊಳಿಸಲು ಕೆಲವೊಂದು ಸಲಹೆಗಳನ್ನು ಹಂಚಿಕೊಳ್ಳುತ್ತಾರೆ.
ಮೆದುಳಿನಿಂದ ಎಲ್ಲವನ್ನೂ ಹೊರಹಾಕುವುದು: ನಿಮ್ಮ ತಲೆಯಲ್ಲಿ ಏನಿದೆ ಅದೆಲ್ಲವನ್ನೂ ಒಂದು ಪೇಪರ್ನಲ್ಲಿ ಬರೆಯಿರಿ ಇದರಿಂದ ತಲೆಯಿಂದ ಅದೆಲ್ಲವನ್ನೂ ತೆಗೆದು ಹಾಕಿದಂತಾಗುತ್ತದೆ.
ಚಿಂತಿಸಲು ಒಂದು ಸಮಯ ನಿಗದಿಪಡಿಸುವುದು: ಯಾವುದೇ ಒಂದು ವಿಷಯದ ಬಗ್ಗೆ ಚಿಂತಿಸಲು 15-20 ನಿಮಿಷಗಳ ಕಾಲಾವಕಾಶ ನೀಡಿ ಆ ಸಮಯದ ಬಳಿಕ ನಿಮ್ಮ ಮನಸ್ಸನ್ನು ಬದಲಾಯಿಸಿ. ಇದೊಂದು ಅದ್ಭುತ ಟ್ರಿಕ್ ಆಗಿದ್ದು ಖಂಡಿತ ಅತಿಯಾದ ಯೋಚನೆಯನ್ನು ಕಡಿತಗೊಳಿಸುತ್ತದೆ.
ಇಂದ್ರಿಯಗಳ ಬಳಕೆ: ಸಂಗೀತ ಆಲಿಸಿ, ವಾಕ್ ಮಾಡಿ, ತಣ್ಣನೆಯ ನೀರಿನಿಂದ ಮುಖ ತೊಳೆದುಕೊಳ್ಳಿ. ನಿಮ್ಮ ದೇಹದ ಅಗತ್ಯತೆಗಳ ಕಡೆಗೆ ಗಮನ ಹರಿಸಿ ಇದರಿಂದ ಅತಿಯಾದ ಚಿಂತೆಗೆ ಬ್ರೇಕ್ ಬೀಳುತ್ತದೆ.
ಮಾತನಾಡಿ: ನಿಮ್ಮ ಸ್ನೇಹಿತರು, ಚಿಕಿತ್ಸಕರು ಇಲ್ಲವೇ ನಿಮ್ಮೊಳಗಿನ ತುಮುಲಗಳನ್ನು ಅರಿತುಕೊಳ್ಳುವ ಯಾರೊಂದಿಗಾದರೂ ಈ ವಿಷಯವನ್ನು ಹಂಚಿಕೊಳ್ಳಿ. ಕೆಲವೊಮ್ಮೆ ಮನಸ್ಸಿನಲ್ಲಿರುವುದನ್ನು ಹೊರಹಾಕುವುದು ಅತಿಯಾದ ಚಿಂತೆಗಿಂತ ಸ್ಪಷ್ಟತೆಗೆ ಅವಕಾಶವನ್ನು ನೀಡುತ್ತದೆ.
ಈ ಕಂಪನಿ ಮಾಡಿದ ಮಾಸ್ಟರ್ ಪ್ಲಾನ್ ಯಿಂದ ಸಾಲ ತೀರಿಸಿಲ್ಲ ಅಂದ್ರೂ ಇಲ್ಲಿ ಆರಾಂ ಆಗಿ ಇರಬಹುದಂತೆ!
