newsics.com
ಬಿಕ್ಕಟ್ಟಿನ ಸಂದರ್ಭ ದೇಶದಿಂದ ಹೊರ ಹೋಗಿದ್ದ ಚಿನ್ನದ ಗಟ್ಟಿಗಳು ವಾಪಸ್ ಬಂದಿವೆ. ದೇಶದ ಹಣಕಾಸು ನಿಯಂತ್ರಕ ಎನಿಸಿದ ಭಾರತೀಯ ರಿಸವ್ರ್ ಬ್ಯಾಂಕ್ (ಆರ್ಬಿಐ) ಈಗಷ್ಟೆ ಆ ಸಾಹಸ ಮಾಡಿ ಮುಗಿಸಿದೆ.
2024-25ರ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ವಿದೇಶಗಳಿಂದ 100.32 ಮೆಟ್ರಿಕ್ ಟನ್ ಚಿನ್ನವನ್ನು ದೇಶಕ್ಕೆ ಹಿಂದಿರುಗಿಸಿದೆ. ಇದು ಸುಮಾರು 1,00,320 ಕೆಜಿ ಚಿನ್ನ. ಇದ್ರೊಂದಿಗೆ, ಭಾರತದ ಒಟ್ಟು ಭೌತಿಕ ಚಿನ್ನದ ಹಿಡುವಳಿ 200.06 ಮೆಟ್ರಿಕ್ ಟನ್ ಗಳನ್ನು ತಲುಪಿದೆ.
ಭಾರತವು ವಿದೇಶಿ ಮೀಸಲುಗಳಲ್ಲಿ ಚಿನ್ನವನ್ನು ಸಂಗ್ರಹಿಸುತ್ತಿತ್ತು. ಆದ್ರೆ ಇತ್ತೀಚಿನ RBI ಮಾಹಿತಿಯ ಪ್ರಕಾರ, ವಿದೇಶಗಳಲ್ಲಿ ಚಿನ್ನದ ಮೀಸಲು ಮಾರ್ಚ್ 31, 2024 ರಂದು 413.79 ಮೆಟ್ರಿಕ್ ಟನ್ ಗಳಿಂದ ಮಾರ್ಚ್ 31, 2025 ರಂದು 367.60 ಮೆಟ್ರಿಕ್ ಟನ್ ಗಳಿಗೆ ಇಳಿದಿದೆ. ಇದು 46.19 ಮೆಟ್ರಿಕ್ ಟನ್ ಗಳ ಇಳಿಕೆಯಾಗಿದೆ. ಇದು ಚಿನ್ನದ ಮಾರಾಟದಿಂದಾಗಿ ಅಲ್ಲ, ಆದ್ರೆ ಉತ್ತಮ ಕಾರ್ಯತಂತ್ರದ ಕ್ರಮವಾಗಿ ಅಂದರೆ, ವಿದೇಶದಿಂದ ತಾಯ್ನಾಡಿಗೆ ಚಿನ್ನವನ್ನು ಸಾಗಿಸುವುದಾಗಿದೆ.
ಪ್ರಪಂಚದಾದ್ಯಂತ ಹೆಚ್ಚುತ್ತಿರುವ ರಾಜಕೀಯ ಮತ್ತು ಆರ್ಥಿಕ ಅಸ್ಥಿರತೆಯ ಹಿನ್ನೆಲೆ ಹಾಗೂ ಅಮೆರಿಕದಲ್ಲಿ ಸುಂಕಗಳು, ಆರ್ಥಿಕ ಹಿಂಜರಿತ ಮತ್ತು ಚುನಾವಣಾ ಬೆಳವಣಿಗೆಗಳ ಹಿನ್ನೆಲೆ ಅನೇಕ ದೇಶಗಳ ಕೇಂದ್ರ ಬ್ಯಾಂಕುಗಳು ಚಿನ್ನವನ್ನು ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸುತ್ತಿವೆ. ಅಂತಹ ಸಮಯದಲ್ಲಿ, ಆರ್ಬಿ ಐ ಕೂಡ ಕೆಲ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದು, ಭಾರತದಲ್ಲಿ ಚಿನ್ನವನ್ನು ಸಂಗ್ರಹಿಸುತ್ತಿದೆ. ಸದ್ಯದ ಯುದ್ಧದ ಪರಿಸ್ಥಿತಿಯಲ್ಲಿ, ಚಿನ್ನದ ಬೆಲೆಗಳು ಹೆಚ್ಚಾಗಬಹುದು ಅಥವಾ ಕಡಿಮೆಯಾಗಬಹುದಾಗಿದೆ. ಭಾರತದಲ್ಲಿ ಚಿನ್ನದ ಬೆಲೆ ಏರುತ್ತಲೇ ಇದೆ. ಚಿನ್ನದ ದರಗಳ ಪ್ರಸ್ತುತ ಸಂದರ್ಭದಲ್ಲಿ, ಕೆಲವು ಹಣಕಾಸು ತಜ್ಞರು ಅವುಗಳ ಬೆಲೆಗಳನ್ನ ನಿಯಂತ್ರಿಸಲು ಮನೆಗೆ ತರಲಾಗುತ್ತಿದೆ ಎಂದು ಭವಿಷ್ಯ ನುಡಿಯುತ್ತಿದ್ದಾರೆ. ಮುಂಬರುವ ದಿನಗಳಲ್ಲಿ ಚಿನ್ನದ ಬೆಲೆ ಸುಮಾರು ಅರ್ಧದಷ್ಟು ಕಡಿಮೆಯಾಗುವ ಸಾಧ್ಯತೆಯಿದೆ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.
ಭಾರತದಲ್ಲಿ ಭೌತಿಕ ಚಿನ್ನವಿದ್ದರೆ, ಅಗತ್ಯವಿದ್ದಾಗ ದೇಶೀಯ ಮಾರುಕಟ್ಟೆಯಲ್ಲಿ ಬೆಲೆಗಳನ್ನು ನಿಯಂತ್ರಿಸಲು ಆರ್ ಬಿಐ ಅದನ್ನು ಬಳಸಬಹುದು. ವಿದೇಶದಲ್ಲಿ ಹೊಂದಿರುವ ಚಿನ್ನವನ್ನು ವಿನಿಮಯ ದರ ಉದ್ದೇಶಗಳಿಗಾಗಿ ಬಳಸಬಹುದಾದರೂ, ಯುದ್ಧಗಳು ಮತ್ತು ರಾಜಕೀಯ ಉದ್ವಿಗ್ನತೆಗಳ ಸಮಯದಲ್ಲಿ ಅದು ಅಪಾಯಗಳಿಗೆ ಗುರಿಯಾಗುತ್ತದೆ. ಅದಕ್ಕಾಗಿಯೇ ಆರ್ ಬಿಐ ಭೌತಿಕ ಚಿನ್ನವನ್ನ ವಾಪಸ್ ತರಲು ಮುಂದಾಗಿದೆ.
ವಿದೇಶಗಳಲ್ಲಿ ಭಾರತದ ಚಿನ್ನದ ನಿಕ್ಷೇಪಗಳು ಇಂಗ್ಲೆಂಡ್ ನ ಬ್ಯಾಂಕ್ ಆಫ್ ಇಂಗ್ಲೆಂಡ್ ನಲ್ಲಿವೆ. ಇದನ್ನು ಅತ್ಯಂತ ಸುರಕ್ಷಿತ ಸಂಸ್ಥೆ ಎಂದು ಪರಿಗಣಿಸಲಾಗಿದೆ. ಇದಲ್ಲದೆ, ಕೆಲವು ಚಿನ್ನವನ್ನ ಸ್ವಿಟ್ಜರ್ ಲ್ಯಾಂಡ್ ನ ಬಾಸೆಲ್ ನಲ್ಲಿರುವ ಬ್ಯಾಂಕ್ ಫಾರ್ ಇಂಟರ್ನ್ಯಾಷನಲ್ ಸೆಟಲ್ ಮೆಂಟ್ಸ್ (ಬಿಐಎಸ್) ಮತ್ತು ಯುನೈಟೆಡ್ ಸ್ಟೇಟ್ಸ್ ನ ಫೆಡರಲ್ ರಿಸರ್ವ್ ಬ್ಯಾಂಕ್ ಆಫ್ ನ್ಯೂಯಾರ್ಕ್ ನಲ್ಲಿ ಸಂಗ್ರಹಿಸಲಾಗಿದೆ.
ಆರ್ ಬಿಐ ಪ್ರಕಟಿಸಿದ ಅಂಕಿಅಂಶಗಳ ಪ್ರಕಾರ, ಬ್ಯಾಂಕಿಂಗ್ ವಲಯದಲ್ಲಿ ಚಿನ್ನದ ಆಸ್ತಿಯ ಮೌಲ್ಯವು ಮಾರ್ಚ್ 31, 2024 ರಂದು ₹2.74 ಲಕ್ಷ ಕೋಟಿಗಳಿಂದ ಮಾರ್ಚ್ 31, 2025 ರಂದು ₹4.31 ಲಕ್ಷ ಕೋಟಿಗಳಿಗೆ ಏರಿದೆ. ಇದು ಶೇ. 57.12 ರಷ್ಟು ಹೆಚ್ಚಳವಾಗಿದೆ. ಈ ಹೆಚ್ಚಳಕ್ಕೆ ಪ್ರಮುಖ ಕಾರಣಗಳೆಂದರೆ: 54.13 ಮೆಟ್ರಿಕ್ ಟನ್ ಚಿನ್ನದ ಹೆಚ್ಚುವರಿ ಖರೀದಿ, ಅಂತರರಾಷ್ಟ್ರೀಯ ಚಿನ್ನದ ಬೆಲೆಯಲ್ಲಿ ಹೆಚ್ಚಳ ಮತ್ತು ಭಾರತೀಯ ರೂಪಾಯಿಯ ಅಪಮೌಲ್ಯ.
ಮಾರ್ಚ್ 31, 2025ರ ಹೊತ್ತಿಗೆ, ಆರ್ ಬಿಐ ಒಟ್ಟು 879.58 ಮೆಟ್ರಿಕ್ ಟನ್ ಚಿನ್ನದ ದಾಸ್ತಾನು ಹೊಂದಿತ್ತು. ಇದು ಕಳೆದ ವರ್ಷ ಇದೇ ಸಮಯದಲ್ಲಿ ಹೊಂದಿದ್ದ 822.10 ಮೆಟ್ರಿಕ್ ಟನ್ ಗಳಿಗಿಂತ 57.48 ಮೆಟ್ರಿಕ್ ಟನ್ ಹೆಚ್ಚಾಗಿದೆ. ಇದರಲ್ಲಿ: 311.38 ಮೆಟ್ರಿಕ್ ಟನ್ ಚಿನ್ನ ಆರ್ ಬಿಐನ “ವಿತರಣಾ ಇಲಾಖೆ”ಗೆ ಸೇರಿದ್ದು (2024 ರಲ್ಲಿ 308.03 ಟನ್), ಉಳಿದ 568.20 ಮೆಟ್ರಿಕ್ ಟನ್ ಚಿನ್ನ “ಬ್ಯಾಂಕಿಂಗ್ ಇಲಾಖೆ”ಗೆ (2024 ರಲ್ಲಿ 514.07 ಟನ್) ಸೇರಿದೆ
ಜಾಗತಿಕ ಆರ್ಥಿಕ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ದೇಶದ ಆರ್ಥಿಕ ಭದ್ರತೆಗಾಗಿ ಆರ್ ಬಿಐ ದೇಶಕ್ಕೆ ಚಿನ್ನವನ್ನ ವಾಪಸ್ ತರುತ್ತಿದೆ ಎಂದು ವರದಿಗಳು ತಿಳಿಸಿದೆ. ಅಂತರರಾಷ್ಟ್ರೀಯ ಪ್ರಕ್ಷುಬ್ಧತೆಯ ಹಿನ್ನೆಲೆಯಲ್ಲಿ ಇದನ್ನ ಬಲವಾದ ಗುಣಮಟ್ಟದ ನಿರ್ಧಾರವೆಂದು ಪರಿಗಣಿಸಬಹುದು. ಬೆಲೆ ಏರಿಕೆಯನ್ನ ತಡೆಯಲು ಸರ್ಕಾರ ತೆಗೆದುಕೊಂಡ ಹೆಜ್ಜೆ ಇದಾಗಿದೆ.
Soldier dies while ploughing ಹಾಸನದಲ್ಲಿ ನಿಲ್ಲದ ಹೃದಯಾಘಾತ ಸಾವಿನ ಸರಣಿ: ಉಳುಮೆ ಮಾಡುತ್ತಿದ್ದ ಯೋಧ ಸಾವು
