newsics.com
ಸುರೇಶ್ ಗೋಪಿ ಮತ್ತು ನಟಿ ಅನುಪಮಾ ಪರಮೇಶ್ವರನ್ ಅಭಿನಯದ ಜಾನಕಿ ವರ್ಸಸ್ ಸ್ಟೇಟ್ ಆಫ್ ಕೇರಳ ಸಿನಿಮಾಕ್ಕೆ ರಿಲೀಸ್ಗೂ ಮೊದಲೇ ಸಂಕಷ್ಟ ಎದುರಾಗಿದೆ.
ಸಿನಿಮಾ ಟೈಟಲ್ ಅನ್ನು ಬದಲಾವಣೆ ಮಾಡುವಂತೆ ಸೆನ್ಸರ್ ಬೋರ್ಡ್ ಫಾರ್ ಫಿಲ್ಮ ಸರ್ಟಿಫಿಕೇಶನ್ (ಸಿಬಿಎಫ್ಸಿ) ಹೇಳಿದೆ.ಜೂನ್ 27 ರಂದು ಬಿಡುಗಡೆ ಆಗಲಿರುವ ಈ ಸಿನಿಮಾವು ಲೈಂ*ಗಿಕ ದೌರ್ಜನ್ಯಕ್ಕೆ ಒಳಗಾದ ಹಾಗೂ ಕಾನೂನು ಹೋರಾಟ ನಡೆಸುವ ಮಹಿಳೆಯ ಕಥೆಯನ್ನು ಒಳಗೊಂಡಿದೆ.
ರಾಮಾಯಣದಲ್ಲಿ ಶ್ರೀರಾಮನ ಪತ್ನಿ ಸೀತೆಯ ಇನ್ನೊಂದು ಹೆಸರು ಜಾನಕಿ ಎಂದು ಇದೆ. ಆದ ಕಾರಣ ಧಾರ್ಮಿಕ ಕಾಳಜಿಯಿಂದ ಜಾನಕಿ ವರ್ಸಸ್ ಸ್ಟೇಟ್ ಆಫ್ ಕೇರಳ ಸಿನಿಮಾದ ಹೆಸರನ್ನು ಬದಲಾವಣೆ ಮಾಡುವಂತೆ ಸಿಬಿಎಫ್ಸಿ ಸಿನಿಮಾ ನಿರ್ಮಾಪಕರಿಗೆ, ನಿರ್ದೇಶಕರಿಗೆ ಹೇಳಿದೆ.
ಕೇರಳದ ತಿರುವನಂತಪುರಂನಲ್ಲಿ ಇರುವ ಸಿಬಿಎಫ್ಸಿ ಈ ಸಿನಿಮಾಗೆ ಯಾವುದೇ ಸೆನ್ಸರ್ ಹೇಳದೇ ಯು/ಎ ಸರ್ಟಿಫಿಕೆಟ್ ಅನ್ನು ನೀಡಿದೆ. ಇದಾದ ಮೇಲೆ ಮುಂಬೈನಲ್ಲಿ ಮುಖ್ಯ ಕಚೇರಿ ಇರುವ ಸಿಬಿಎಫ್ಸಿಗೆ ಈ ಸಿನಿಮಾವನ್ನು ಕಳುಹಿಸಲಾಗಿತ್ತು. ಆದರೆ ಮುಂಬೈನಲ್ಲಿ ಸಿಬಿಎಫ್ಸಿ ಅಧಿಕಾರಿಗಳು ಸಿನಿಮಾದ ಟೈಟಲ್ ಬದಲಾವಣೆ ಮಾಡುವಂತೆ ಹೇಳಿದ್ದಾರೆ.
