newsics.com
ಇಸ್ಲಾಮಾಬಾದ್: ಭಾರತದ ಸೇನೆಯ ಆಪರೇಶನ್ ಸಿಂದೂರ ದಾಳಿಯ ಬಳಿಕ ಕಂಗೆಟ್ಟು ಹೋಗಿರುವ ಪಾಕಿಸ್ತಾನದಲ್ಲಿ ಈಗಾಗಲೇ ಹಲವು ಉಗ್ರರು ನಿಗೂಢವಾಗಿ ಸಾವನ್ನಪ್ಪಿದ್ದರು. ಇದೀಗ ಅದಕ್ಕೊಂದು ಹೊಸ ಸೇರ್ಪಡೆ ಎಂಬಂತೆ ಜೈಶ್ ಎ ಮೊಹಮ್ಮದ್ ನ ಟಾಪ್ ಕಮಾಂಡರ್ ಅಬ್ದುಲ್ ಅಜೀಜ್ ಎಸಾರ್ ನಿಗೂಢವಾಗಿ ಸಾವನ್ನಪ್ಪಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ವರದಿ ಪ್ರಕಾರ’ ಪಾಕಿಸ್ತಾನದ ಪಂಜಾಬ್ ಜಿಲ್ಲೆಯಲ್ಲಿ ಅಬ್ದುಲ್ ಅಜೀಜ್ ಶವ ಪತ್ತೆಯಾಗಿದೆ. ಭಯೋತ್ಪಾದಕ ಅಬ್ದುಲ್ ಅಜೀಜ್ ಭಾರತ ವಿರೋಧಿ ಭಾಷಣಗಳ ಮೂಲಕವೇ ಪಾಕ್ ನಲ್ಲಿ ಜನಪ್ರಿಯನಾಗಿದ್ದ ಎಂದು ಮೂಲಗಳು ಹೇಳಿವೆ.
ಭಾನುವಾರ ಬೆಳಗ್ಗೆ ಅಜೀಜ್ ಶವವನ್ನು ನಿಕಟವರ್ತಿಗಳು ಗುರುತಿಸಿದ್ದು, ಆತ ನಿಗೂಢ ರೀತಿಯಲ್ಲಿ ಸಾವನ್ನಪ್ಪಿರುವ ಸ್ಥಿತಿಯಲ್ಲಿದ್ದಿರುವುದಾಗಿ ವರದಿ ತಿಳಿಸಿದೆ. ಮತ್ತೊಂದೆಡೆ ಜೈಶ್ ಎ ಮೊಹಮ್ಮದ್ ಸಂಯೋಜಿತ ಸಾಮಾಜಿಕ ಜಾಲತಾಣದಲ್ಲಿ ಎಸಾರ್ ಗುಂಡೇಟಿನಿಂದ ಸಾವನ್ನಪ್ಪಿದ್ದಾನೆ ಎಂಬ ವರದಿಯನ್ನು ಅಲ್ಲಗಳೆದಿದೆ.
ಅಬ್ದುಲ್ ಅಜೀಜ್ ಸಾ*ವಿನ ಬಗ್ಗೆ ಪಾಕಿಸ್ತಾನ ಅಧಿಕಾರಿಗಳು ಈವರೆಗೂ ಯಾವುದೇ ಅಧಿಕೃತ ಮಾಹಿತಿ ಬಿಡುಗಡೆ ಮಾಡಿಲ್ಲ. ಇದು ಜೆಇಎಂ ಭಯೋತ್ಪಾದನೆ ಸಂಘಟನೆಯೊಳಗಿನ ಆಂತರಿಕ ಕಚ್ಚಾಟದ ಪರಿಣಾಮವಾಗಿ ನಡೆದ ಘಟನೆಯೋ ಅಥವಾ ಇನ್ಯಾವುದೋ ದಾಳಿಯಿಂದ ಸಾವನ್ನಪ್ಪಿದ್ದಾನೆಯೇ ಎಂಬುದು ಪ್ರಶ್ನೆಯಾಗಿದೆ ಎಂದು ವರದಿ ತಿಳಿಸಿದೆ.
Karnataka Rain: ಇನ್ನೊಂದು ವಾರ ರಾಜ್ಯದಲ್ಲಿ ಭಾರೀ ಮಳೆ – IMD ಮುನ್ಸೂಚನೆ
