ಅತ್ತೆಯನ್ನು ಕೋಣೆಯಲ್ಲಿ ಕೂಡಿಹಾಕಿ ಪ್ರಿಯಕರನೊಂದಿಗೆ ನವವಿವಾಹಿತೆ ಎಸ್ಕೇಪ್

newsics.com

ಉತ್ತರಾಖಂಡ: ನವ ವಿವಾಹಿತೆಯೊಬ್ಬಳು ತನ್ನ ಅತ್ತೆಯನ್ನು ರೂಮಿನಲ್ಲಿ ಕೂಡಿಹಾಕಿ ತನ್ನ ಮಾಜಿ ಪ್ರಿಯತಮನ ಜೊತೆಗೆ ಓಡಿ ಹೋಗಿರುವ ಘಟನೆ ಹರಿದ್ವಾರ್ ಜಿಲ್ಲೆಯ ಲಕ್ಸರ್ನಲ್ಲಿ ನಡೆದಿದೆ.

ಅತ್ತೆಯ ಕಿರುಚಾಟದ ಶಬ್ಧ ಕೇಳಿ ನೆರೆ ಹೊರೆಯವರು ರಕ್ಷಣೆಗೆ ಆಗಮಿಸಿದ್ದು, ಬಳಿಕ ಮಗನಿಗೆ ಸುದ್ದಿ ಮುಟ್ಟಿಸಿದ್ದರು. ಪರಾರಿಯಾದ ನವ ವಿವಾಹಿತೆ ಮತ್ತು ಆಕೆಯ ಪ್ರಿಯತಮ ನೇರವಾಗಿ ಪರ್ತಿ ಪೊಲೀಸ್ ಠಾಣೆಗೆ ಹೋಗಿದ್ದರು.

ಲಕ್ಸರ್ ನಿವಾಸಿಯಾಗಿರುವ ಯುವತಿ 15 ದಿನಗಳ ಹಿಂದೆಯಷ್ಟೇ ಪತ್ರಿ ಪ್ರದೇಶದ ವ್ಯಕ್ತಿಯನ್ನು ಮದುವೆಯಾಗಿದ್ದಳು. ಮದುವೆಗೆ ಮುನ್ನ ತನ್ನದೇ ಗ್ರಾಮದ ಯುವಕನ ಜೊತೆಗೆ ಪ್ರೀತಿಯಲ್ಲಿ ಬಿದ್ದಿದ್ದಳು. ಹಾಗಾಗಿ ಆತನನ್ನೇ ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ, ಇದನ್ನು ಕುಟುಂಬಸ್ಥರ ವಿರೋಧಿಸಿದ್ದು, ಆಕೆಗೆ ಬೇರೋಬ್ಬನ ಜೊತೆಗೆ ಮದುವೆ ಮಾಡಿದ್ದರು.

ತನ್ನ ಇಚ್ಛೆಗೆ ವಿರುದ್ಧವಾಗಿ ಈ ಮದುವೆ ಮಾಡಲಾಗಿದೆ. ತನ್ನ ಗಂಡನ ಜೊತೆ ಜೀವನ ನಡೆಸುವ ಉದ್ದೇಶವನ್ನು ತಾನು ಹೊಂದಿಲ್ಲ. ಪ್ರಿಯಕರನ ಜೊತೆಯೇ ಜೀವನ ನಡೆಸುತ್ತೇನೆ ಎಂದು ಪೊಲೀಸರಿಗೆ ತಿಳಿಸಿದ್ದಳು.