newsics.com
ಪಂಜಾಬ್: ಸಂಗ್ರೂರ್ನಲ್ಲಿ ಬೋಳು ತಲೆಗೆ ಕೂದಲು ಬೆಳೆಸಲು ಆಯೋಜಿಸಿದ್ದ ಕ್ಯಾಂಪ್ನಲ್ಲಿ ಕೊಟ್ಟ ಎಣ್ಣೆ ಹಚ್ಚಿದ್ದರಿಂದ 20 ಜನರಿಗೆ ಕಣ್ಣಿನ ಸೋಂಕು ಉಂಟಾಗಿದೆ.
ಕಣ್ಣಲ್ಲಿ ಉರಿ ಮತ್ತು ನೋವು ಎಂದು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಭಾನುವಾರ ಸ್ಥಳೀಯ ಮಾತಾ ಕಾಳಿ ದೇವಿ ದೇವಸ್ಥಾನದಲ್ಲಿ ಬೋಳು ತಲೆಗೆ ಟ್ರೀಟ್ಮೆಂಟ್ ಎಂದು ತಲೆಗೆ ಎಣ್ಣೆ ಹಚ್ಚಿದ್ದರಿಂದ ಸುಮಾರು 20 ಜನರಿಗೆ ಕಣ್ಣಿನ ಸೋಂಕು ಉಂಟಾಗಿದೆ.
ಮಾತಾ ಕಾಳಿ ದೇವಿ ದೇವಸ್ಥಾನದಲ್ಲಿ ಬೋಳು ತಲೆಯಿಂದ ಬೇಜಾರಾಗಿದ್ದ ಜನರಿಗಾಗಿ ಒಬ್ಬ ವ್ಯಕ್ತಿ ಕೂದಲು ಬೆಳೆಸೋ ಉದ್ದೇಶದಿಂದ ಕ್ಯಾಂಪ್ ಹಾಕಿದ್ದ. ಈ ಕ್ಯಾಂಪ್ನಲ್ಲಿ ಔಷಧ ತಗೊಳ್ಳೋಕೆ ಸಂಗ್ರೂರ್ ಜತೆಗೆ ಬರ್ನಾಲಾ ಮತ್ತು ಮಾನ್ಸಾ ಜಿಲ್ಲೆಗಳಿಂದಲೂ ಜನ ಬಂದಿದ್ದರು. ಕ್ಯಾಂಪ್ ಹಾಕಿದ ವ್ಯಕ್ತಿ ಜನರ ತಲೆಗೆ ಎಣ್ಣೆ ಹಚ್ಚಿ 20 ನಿಮಿಷದ ನಂತರ ತಲೆ ತೊಳೆದುಕೊಳ್ಳಿ ಎಂದು ಹೇಳಿದ್ದ.
ಜನ ಮನೆಗೆ ಹೋಗಿ ತಲೆ ತೊಳೆದ ತಕ್ಷಣ ಕಣ್ಣಲ್ಲಿ ಉರಿ, ಸಿಕ್ಕಾಪಟ್ಟೆ ನೋವು, ಕಣ್ಣು ಕೆಂಪಾಗೋಕೆ ಶುರುವಾಯ್ತು. ನೋವಿನಿಂದ ಬಳಲುತ್ತಿದ್ದ ಜನ ಟ್ರೀಟ್ಮೆಂಟ್ಗಾಗಿ ಸಿಟಿಯ ಸರ್ಕಾರಿ ಆಸ್ಪತ್ರೆಯ ಎಮರ್ಜೆನ್ಸಿ ವಾರ್ಡ್ಗೆ ಬಂದರು.
ಆಸ್ಪತ್ರೆಯಲ್ಲಿ ಸಾಯಂಕಾಲ ಆಗ್ತಾ ಆಗ್ತಾ ಪೇಷೆಂಟ್ಗಳ ಸಂಖ್ಯೆ ಜಾಸ್ತಿ ಆಯ್ತು. ಎಮರ್ಜೆನ್ಸಿಯಲ್ಲಿ ಇದ್ದ ಡಾಕ್ಟರ್ ಪ್ರಕಾರ, ಭಾನುವಾರ ರಾತ್ರಿ 7 ಗಂಟೆವರೆಗೆ 20ಕ್ಕಿಂತ ಹೆಚ್ಚು ಜನ ಟ್ರೀಟ್ಮೆಂಟ್ಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಸೋಮವಾರ ಕಣ್ಣಿನ ಸ್ಪೆಷಲಿಸ್ಟ್ಸ್ ಪರಿಶೀಲಿಸಿದರು.
ಉಕ್ರೇನ್ ಮೇಲಿನ ರಷ್ಯಾ ಅಣುಬಾಂಬ್ ದಾಳಿ ತಡೆದದ್ದು ಮೋದಿ!: ಪೋಲೆಂಡ್ ಸಚಿವ ವ್ಲಾಡಿಸ್ಲಾವ್ ಅಚ್ಚರಿ ಹೇಳಿಕೆ
