newsics.com
ಬೆಂಗಳೂರು: ಬಿಬಿಎಂಪಿ ನಗರದ ಜನರಿಗೆ ಶುದ್ಧ ಕುಡಿಯುವ ನೀರು ಪೂರೈಕೆ ಮಾಡಲು ನಗರದಲ್ಲಿ 600ಕ್ಕೂ ಅಧಿಕ ಶುದ್ಧ ಕುಡಿಯುವ ನೀರಿನ ಘಟಕವನ್ನು ನಿರ್ಮಾಣ ಮಾಡಿದೆ. ಆದರೆ ಬೆಂಗಳೂರಿನಲ್ಲಿ ಕುಡಿಯುವ ನೀರಿನ ವಿಚಾರದಲ್ಲಿ ಹೊಸ ವಂಚನೆಯೊಂದು ಬಯಲಾಗಿದೆ.
ಜನರಿಗೆ ಅನುಕೂಲ ಮಾಡಿಕೊಡಲು ಬಿಬಿಎಂಪಿ 5 ರೂ.ಗೆ ನೀರು ಸಿಗುವ ಶುದ್ಧ ಕುಡಿಯುವ ನೀರಿನ ಘಟಕವನ್ನು ಆರಂಭಿಸಿದೆ. ಆದರೆ ಇದನ್ನು ಉಪಯೋಗಿಸಿಕೊಳ್ಳುವ ಅಂಗಡಿಗಳು ಜನರನ್ನು ವಂಚಿಸುತ್ತಿವೆ.
ಈ ಶುದ್ಧ ಕುಡಿಯುವ ನೀರಿನ ಘಟಕದಿಂದ 5 ರೂ.ಗೆ ನೀರು ತುಂಬಿಕೊಂಡು ಹೋಗುವ ಕೆಲವು ಅಂಗಡಿಗಳನ್ನು ಅದನ್ನು ಎರಡು, ಮೂರು ಪಟ್ಟು ದರಕ್ಕೆ ಜನರಿಗೆ ಮಾರಾಟವನ್ನು ಮಾಡುತ್ತಿವೆ. ಜನರ ಅಸಹಾಯಕತೆಯನ್ನು ಬಂಡವಾಳ ಮಾಡಿಕೊಳ್ಳುವ ಇಂತಹ ಅಂಗಡಿಗಳು 5 ರೂ.ಗೆ 20 ಲೀಟರ್ ಕ್ಯಾನ್ ತುಂಬಾ ನೀರು ತುಂಬಿಕೊಂಡು ಹೋಗಿ, ಅದನ್ನು ಜನರಿಗೆ ಮೂರು ಪಟ್ಟು ಹೆಚ್ಚಿನ ದರಕ್ಕೆ ಮಾರಾಟ ಮಾಡುತ್ತವೆ. ನಗರದ ಹಲವು ಪ್ರದೇಶಗಳಲ್ಲಿ ಈ ಮಾದರಿ ಮಾರಾಟ ನಡೆಯುತ್ತಿದೆ ಎಂಬ ಮಾಹಿತಿ ಸಿಕ್ಕಿದೆ.
