newsics.com
ಸೀರೆ ಉಡುವುದು ಅನೇಕ ಮಹಿಳೆಯರಿಗೆ ಇಷ್ಟವಾದ ವಿಷಯ. ಅದರಲ್ಲೂ ಪಟ್ಟು ಸೀರೆ ಅಥವಾ ಜರಿ ಸೀರೆ ತಮ್ಮನ್ನು ಇನ್ನಷ್ಟು ಸುಂದರವಾಗಿ ಕಾಣಿಸುತ್ತದೆ ಎಂದು ಮಹಿಳೆಯರಿಗೆ ಚೆನ್ನಾಗಿ ತಿಳಿದಿದೆ. ಆದ್ರೆ, ಪಟ್ಟು ಸೀರೆ ಖರೀದಿಸಿದಾಗ ಹೇಗಿತ್ತೋ ಹಾಗೆ ಹೊಸದಾಗಿ ಕಾಣಲು ಈ ರೀತಿ ಮಾಡಿ.
ಪಟ್ಟು ಸೀರೆಗಳನ್ನು ಸುರಕ್ಷಿತವಾಗಿಡುವುದು ಮತ್ತು ಹೊಸದರಂತೆ ಕಾಪಾಡುವುದು ದೊಡ್ಡ ಟಾಸ್ಕ್. ಅದನ್ನು ಸರಿಯಾಗಿ ನಿರ್ವಹಿಸಿದರೆ, ಎಷ್ಟೋ ವರ್ಷಗಳಾದರೂ ಹೊಸದರಂತೆ ಇರುತ್ತದೆ.
ನೀವು ಪಟ್ಟು ಸೀರೆಗಳನ್ನು ಯಾವಾಗಲೂ ಉಡುವುದಿಲ್ಲ. ಅದಕ್ಕಾಗಿ ತಿಂಗಳುಗಟ್ಟಲೆ ಒಂದೇ ಸ್ಥಳದಲ್ಲಿ ಹಾಗೆಯೇ ಇಡಬಾರದು. ಸುಮಾರು 3 ರಿಂದ 6 ತಿಂಗಳಿಗೊಮ್ಮೆ ಅದನ್ನು ಬೀರುವಿನಿಂದ ಹೊರತೆಗೆದು ಗಾಳಿಯಾಡುವಂತೆ ಮಾಡುವುದು ಅವಶ್ಯಕ. ಮನೆಯೊಳಗೆ ನೆರಳಿನಲ್ಲಿ ಒಣಗಿಸುವುದರಿಂದ ಅವು ತೇವಾಂಶದಿಂದ ಕೂಡಿರುವುದಿಲ್ಲ. ವಿಶೇಷವಾಗಿ ಅವುಗಳನ್ನು ಮತ್ತೆ ಮಡಚಿ ಹಳೆಯ ಮಡಿಕೆಗಳನ್ನು ಬದಲಾಯಿಸಿ ಇಡಬೇಕು.
ನೀವು ಸೀರೆಯನ್ನು ಮಡಚಿ ಹಾಗೆಯೇ ಬೀರುವಿನಲ್ಲಿಟ್ಟರೆ ಅದು ಬೇಗನೆ ಹಾಳಾಗಬಹುದು. ಪ್ಲಾಸ್ಟಿಕ್ ಸ್ಟೋರೇಜ್ ಕವರ್ನಲ್ಲಿಟ್ಟರೂ ಅದು ಸೀರೆಯನ್ನು ಹಾಳುಮಾಡಬಹುದು. ದೀರ್ಘಕಾಲದವರೆಗೆ ಪಟ್ಟು ಸೀರೆಯನ್ನು ಹೊಸದರಂತೆ ಇಡಬೇಕೆಂದರೆ ಮಲ್ ಮಲ್ ಬ್ಯಾಗ್ ಅಥವಾ ಕಾಟನ್ ಬ್ಯಾಗ್ನಲ್ಲಿ ಹಾಕಿಡಿ.
ಬೀರುವಿನಲ್ಲಿ ಹುಳುಗಳು ಬರದಂತೆ ತಡೆಯಲು, ಪರಿಮಳಕ್ಕಾಗಿ ನ್ಯಾಫ್ತಲೀನ್ ಉಂಡೆಗಳನ್ನು ಖರೀದಿಸಿ ಇಡುತ್ತೇವೆ. ಸಿಲ್ಕ್ ಸೀರೆ ಇಡುವಾಗ ಅದರಲ್ಲಿ ಪರಿಮಳಕ್ಕಾಗಿ ಇಡುವ ನ್ಯಾಫ್ತಲೀನ್ ಉಂಡೆಗಳು, ಪರ್ಫ್ಯೂಮ್ ಕವರ್ಗಳನ್ನು ತಪ್ಪಿಸಬೇಕು. ಇವು ಸೀರೆಯನ್ನು ಹಾಳು ಮಾಡಬಹುದು.
ನಾವು ಹೊರಗಡೆ ಹೋಗುವಾಗ ಸುವಾಸನೆ ಇರಲಿ ಅಂತ ಪರ್ಫ್ಯೂಮ್ ಹಾಕೊಳ್ತೀವಿ. ತುಂಬಾ ಹೊತ್ತು ಆ ಸುವಾಸನೆ ಇರಲಿ ಅಂತ ಡ್ರೆಸ್ಸಿನ ಮೇಲೆ ವಿಪರೀತವಾಗಿ ಹೊಡೆದುಕೊಳ್ಳುವವರು ಕೂಡ ಇದ್ದಾರೆ. ಸಿಲ್ಕ್ ಸೀರೆಗಳನ್ನು ಕಟ್ಟಿಕೊಳ್ಳುವಾಗ ಈ ತಪ್ಪು ಮಾಡಬಾರದು. ಸೀರೆಗೆ ಹತ್ತಿರದಲ್ಲಿ ಸ್ಪ್ರೇ ಮಾಡದೇ ದೂರ ನಿಂತು ಸ್ಪ್ರೇ ಮಾಡೋದು ಒಳ್ಳೆಯದು. ನಿಮ್ಮ ಸೀರೆಯೊಳಗೆ ಸ್ಪ್ರೇ ಮಾಡದೇ ಮೊಣಕೈ ಮಡಚೋ ಭಾಗದಲ್ಲಿ, ಕುತ್ತಿಗೆಗೆ ಭಾಗದಲ್ಲಿ ಪೂಸಿಸಿದರೆ ತುಂಬಾ ಹೊತ್ತು ಸುವಾಸನೆ ಇರುತ್ತೆ. ಸೀರೆಯೊಳಗೆ ರಾಸಾಯನಿಕಗಳೊಂದಿಗೆ ಸೇರಿದ ಪರ್ಫ್ಯೂಮ್ ಬಿದ್ರೆ ಅದು ಹಾಳಾಗುತ್ತೆ.
ಮಿಕ್ಕ ಸೀರೆಗಳ ಜೊತೆ ರೇಷ್ಮೆ ಸೀರೆಗಳನ್ನು ಒಂದರ ಮೇಲೆ ಒಂದು ಸೇರಿಸಿ ಜೋಡಿಸಿ ಇಡಬೇಕು. ಸಿಲ್ಕ್ ಸೀರೆಗಳಿಗಾಗಿಯೇ ಒಂದು ಜಾಗವನ್ನು ಮೀಸಲಿಟ್ಟು ಅದರಲ್ಲಿ ಇಡಿ. ಸ್ವಲ್ಪ ಖಾಲಿ ಇರುವ ಹಾಗೆ ಇಡೋದು ಒಳ್ಳೆಯದು.
