newsics.com
ವಿಕ್ಕಿ ಕೌಶಲ್ ರಶ್ಮಿಕಾ ಮಂದಣ್ಣ ಕಾಂಬಿನೇಷನ್ನಲ್ಲಿ ಮೂಡಿಬಂದಿರುವ ಐತಿಹಾಸಿಕ ಸಿನಿಮಾ ರಿಲೀಸ್ ಆದ ಮೊದಲನೇ ದಿನವೇ ಬಾಕ್ಸ್ ಆಫೀಸ್ನಲ್ಲಿ ಭಾರೀ ಸದ್ದು ಮಾಡಿದೆ. ಬರೋಬ್ಬರಿ 31 ಕೋಟಿ ಗಳಿಸಿ 2025 ರ ಅತಿದೊಡ್ಡ ಬಾಲಿವುಡ್ ಓಪನಿಂಗ್ ಸಿನಿಮಾ ಆಗಿದೆ. ಎಷ್ಟೇ ಟ್ರೋಲ್ ಮಾಡಿದ್ರೂ ಸರಿ, ರಶ್ಮಿಕಾ ಅವರ ಕ್ರೇಜ್ ಇಳಿಯಲ್ಲ. ಅವರ ಸಿನಿಮಾಗೆ ಅದು ಎಫೆಕ್ಟ್ ಆಗಲ್ಲ ಎನ್ನುವುದಕ್ಕೆ ಇದು ಸಾಕ್ಷಿಯಾಗಿದೆ.
ಈ ಹಿಂದೆ ವಿಕ್ಕಿ ಕೌಶಾಲ್ ನಟನೆಯ ಬ್ಯಾಡ್ ನ್ಯೂಸ್ 8 ಕೋಟಿ 62 ಲಕ್ಷ ಗಳಿಸಿದ್ದರೆ, ಉರಿ ಸಿನಿಮಾ 8 ಕೋಟಿ 20 ಲಕ್ಷ ಗಳಿಸಿತ್ತು. ಅದಾದ ಮೇಲೆ ಅವರ ಸೋಲೋ ಬಿಡುಗಡೆಯ ಸಿನಿಮಾಗಳು ಈ ಮಟ್ಟದ ಗಳಿಕೆ ಕಂಡಿರಲಿಲ್ಲ. ಈಗ ಛಾವಾ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ sacnilk ವರದಿ ಪ್ರಕಾರ ಮೊದಲ ದಿನವೇ 31 ಕೋಟಿ ಬಿಜಿನೆಸ್ ಮಾಡಿದೆ ಈ ಸಿನಿಮಾ. ಈ ವರ್ಷದ ಮೊದಲ ದಿನದಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಬಾಲಿವುಡ್ ಸಿನಿಮಾ ಎಂಬ ಖ್ಯಾತಿಯನ್ನೂ ಪಡೆದಿದೆ.
ಲಕ್ಷ್ಮಣ್ ಉಟೇಕರ್ ನಿರ್ದೇಶನದ ‘ಛಾವಾ’ ಈ ವರ್ಷದ ಅತಿದೊಡ್ಡ ಓಪನರ್ ಆಗಿ ಹೊರಹೊಮ್ಮಿದೆ. ಇದಕ್ಕೂ ಮೊದಲು ಅಕ್ಷಯ್ ಕುಮಾರ್ ಅವರ ಸ್ಕೈ ಫೋರ್ಸ್ ಚಿತ್ರದ ಹೆಸರಿನಲ್ಲಿ ಈ ದಾಖಲೆ ಇತ್ತು. ಸ್ಕೈ ಫೋರ್ಸ್ ಸಿನಿಮಾ ಆರಂಭಿಕ ದಿನದಂದು 15.30 ಕೋಟಿ ರೂ.ಗಳ ಕಲೆಕ್ಷನ್ ಮಾಡಿತ್ತು. ಇದೀಗ ಛಾವಾ ಈ ದಾಖಲೆಯನ್ನು ಮುರಿದಿದೆ. ಗಳಿಕೆಯ ಅಂಕಿಅಂಶಗಳನ್ನು ಪರಿಗಣಿಸಿದರೆ, ಈ ಚಿತ್ರವು ಮೊದಲ ವಾರಾಂತ್ಯದಲ್ಲೇ 100 ಕೋಟಿ ಕ್ಲಬ್ಗೆ ಸೇರುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.
ಫೆ 14ರ ಶುಕ್ರವಾರ ವಿಶ್ವದಾದ್ಯಂತ ಬಿಡುಗಡೆ ಆದ ಛಾವಾ ಸಿನಿಮಾ, ಆರಂಭದಿಂದಲೂ ಹೈಪ್ ಗಿಟ್ಟಿಸಿಕೊಂಡಿತ್ತು. ಇದೀಗ ಸಿನಿಮಾ ಬಿಡುಗಡೆ ಬಳಿಕವೂ ಅದು ಮುಂದುವರಿದಿದೆ.
ಈ ‘ಛಾವಾ’ ಸಿನಿಮಾದಲ್ಲಿ ವಿಕ್ಕಿ ಕೌಶಲ್ ಛತ್ರಪತಿ ಶಿವಾಜಿ ಮಹಾರಾಜ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ರಾಣಿ ಯೇಸುಬಾಯಿ ಪಾತ್ರ ಮಾಡಿದ್ರೆ, ಅಕ್ಷಯ್ ಖನ್ನ ಮೊಘಲ್ ಚಕ್ರವರ್ತಿ ಔರಗಜೇಬ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಲಕ್ಷಣ್ ಉಟೇಕರ್ ಈ ಛಾವಾ ಸಿನಿಮಾಗೆ ಆಯಕ್ಷನ್ ಕಟ್ ಹೇಳಿದ್ದಾರೆ.
