newsics.com
ಬೆಂಗಳೂರು : ರಸ್ತೆ ಬದಿ ಚಾಟ್ ಮಾರಿಕೊಂಡೇ ಕೋಟ್ಯಾಧಿಪತಿಯಾದ ವ್ಯಕ್ತಿಯ ಬಗ್ಗೆ ಕೇಳಿದ್ದೀರಾ? ದೆಹಲಿಯ ಜನಸಂದಣಿ ಭರಿತ ಪ್ರದೇಶವಾದ ನೆಹರು ಪ್ಲೇಸ್ನಲ್ಲಿ ಶರ್ಮಾ ಚಾಟ್ ಹೆಸರಿನ ಚಾಟ್ ಸೆಂಟರ್ ಅಲ್ಲಿರುವ ಟೆಕ್ ಉದ್ಯೋಗಿಗಳಿಗೆ, ಓಡಾಡುವವರಿಗೆ ಮೆಚ್ಚಿನ ತಾಣವಾಗಿದೆ.
ಶರ್ಮಾ ಚಾಟ್ ಅನ್ನು ನಡೆಸುತ್ತಿರುವವರು ಮುಖೇಶ್ ಶರ್ಮಾ. ಇವರಿಗೆ ಕೋಟ್ಯಾಧಿಪತಿ ಚಾಟ್ವಾಲಾ ಎಂಬ ಹೆಸರೂ ಇದೆ. ಚಾಟ್ ವ್ಯಾಪಾರದಲ್ಲಿಯೇ ಕೋಟ್ಯಾಧಿಪತಿಯಾದ ಮುಖೇಶ್ ಶರ್ಮಾ, ತಮ್ಮ ವಿಭಿನ್ನ, ವಿಶಿಷ್ಟ ರುಚಿಯ ಚಾಟ್ಗಳಿಂದ ಅಸಂಖ್ಯ ಗ್ರಾಹಕರ ಮನ ಗೆದ್ದಿದ್ದಾರೆ.
ಒಂದು ಟೇಬಲ್ ಹಾಕಿ ತಮ್ಮ ಕಾರಿನಲ್ಲಿ ತುಂಬಿಕೊಂಡು ಬಂದ ತರೇಹವಾರಿ ಚಾಟ್ ತಿನಿಸುಗಳನ್ನಿರಿಸಿಕೊಂಡು ಶರ್ಮಾಜಿ ಚಾಟ್ ಮಾರಲು ಆರಂಭಿಸುತ್ತಾರೆ. ಚಿಕ್ಕದಾಗಿ ಆರಂಭಿಸಿದ ಚಾಟ್ ವ್ಯವಹಾರ ಇಂದು ಶರ್ಮಾ ಅವರನ್ನು ಕೋಟ್ಯಾಧಿಪತಿಯನ್ನಾಗಿಸಿದೆ.
1989 ರಲ್ಲಿ ದಹಿ ಭಲ್ಲಾ ಮೂಲಕ ತಮ್ಮ ವ್ಯಾಪಾರ ಆರಂಭಿಸಿದ ಶರ್ಮಾ, ಆ ಕಾಲದಲ್ಲಿ ಒಂದು ಪ್ಲೇಟ್ಗೆ 2 ರೂ ವಿಧಿಸುತ್ತಿದ್ದರು. ಆದರೀಗ ಒಂದು ಪ್ಲೇಟ್ಗೆ ರೂ 40 ರಂತೆ ದಹಿ ಭಲ್ಲಾ ಮಾರಾಟ ಮಾಡುತ್ತಾರೆ. ಸ್ವಚ್ಛತೆ ಹಾಗೂ ನೈರ್ಮಲ್ಯಕ್ಕೆ ಆದ್ಯತೆ ನೀಡುತ್ತಾ ರುಚಿಯಲ್ಲಿ ಕಾಂಪ್ರಮೈಸ್ ಮಾಡಿಕೊಳ್ಳದೆ ಅಂದಿನಿಂದ ಇಂದಿನವರೆಗೆ ಶರ್ಮಾ ಚಾಟ್ ಬ್ಯುಸಿನೆಸ್ ಮಾಡಿಕೊಂಡು ಬರುತ್ತಿದ್ದಾರೆ. ಶರ್ಮಾಜಿ ತಮ್ಮ ಬಿಎಮ್ಡಬ್ಲ್ಯೂ ಕಾರಿನಲ್ಲಿ ಬಂದು ಸ್ಟಾಲ್ ಹಾಕುತ್ತಾರೆ. ಇದರಿಂದಾಗಿಯೇ ಅವರು ಸಾಮಾಜಿಕ ತಾಣದಲ್ಲಿ ಬಹುಬೇಗನೇ ಸುದ್ದಿಯಾದರು.
