newsics.com
ಮುಂಬೈ: ಜಾಗತಿಕ ಅನಿಶ್ಚಿತತೆಗಳ ಜತೆಗೆ ಹ್ಯೂಮನ್ ಮೆಟಾನ್ಯೂಮೋ ವೈರಸ್ (ಎಚ್ಎಂಪಿವಿ) ಬಗ್ಗೆ ಹೆಚ್ಚುತ್ತಿರುವ ಆತಂಕದ ಹಿನ್ನೆಲೆಯಲ್ಲಿ ದೇಶೀಯ ಬೆಂಚ್ ಮಾರ್ಕ್ ಸೂಚ್ಯಂಕಗಳು ಸೋಮವಾರ ಶೇಕಡಾ 1.5 ಕ್ಕಿಂತ ಹೆಚ್ಚು ಕುಸಿದಿದ್ದರಿಂದ ಭಾರತೀಯ ಷೇರು ಮಾರುಕಟ್ಟೆ ಸೋಮವಾರ ತೀವ್ರ ನಷ್ಟ ಅನುಭವಿಸಿತು.
ನಿಫ್ಟಿಯಲ್ಲಿ ಪಿಎಸ್ಯು ಬ್ಯಾಂಕ್ ಷೇರುಗಳ ಭಾರಿ ಮಾರಾಟ ಕಂಡು ಬಂದಿದೆ. ಪಿಎಸ್ಯು ಬ್ಯಾಂಕ್ ವಲಯವು ಶೇಕಡಾ 4 ಕ್ಕಿಂತ ಹೆಚ್ಚು ಅಂಕಗಳ ಕುಸಿತ ಕಂಡಿದೆ. ಅಲ್ಲದೆ, ರಿಯಾಲ್ಟಿ, ಲೋಹ, ಇಂಧನ, ಪಿಎಸ್ಇ ಮತ್ತು ಸರಕು ವಲಯಗಳು ಸಹ ಶೇಕಡಾ 3ಕ್ಕಿಂತ ಹೆಚ್ಚು ಕುಸಿದವು.
ಸೋಮವಾರ ಸೆನ್ಸೆಕ್ಸ್ 1,258.12 ಪಾಯಿಂಟ್ ಅಥವಾ ಶೇಕಡಾ 1.59ರಷ್ಟು ಕುಸಿದು 77,964.99ರಲ್ಲಿ ಕೊನೆಗೊಂಡಿತು. ನಿಫ್ಟಿ 388.70 ಪಾಯಿಂಟ್ ಅಥವಾ 1.62 ಶೇಕಡಾ ಕುಸಿದು 23,616.05 ರಲ್ಲಿ ಕೊನೆಗೊಂಡಿತು. ವಹಿವಾಟಿನಲ್ಲಿ ಸೆನ್ಸೆಕ್ಸ್ 77,781.62 ಮತ್ತು ನಿಫ್ಟಿ 23,551.90ರ ಕನಿಷ್ಠ ಮಟ್ಟಕ್ಕಿಳಿದಿದ್ದವು.
ನಿಫ್ಟಿ ಬ್ಯಾಂಕ್ 1,066.80 ಪಾಯಿಂಟ್ ಅಥವಾ ಶೇಕಡಾ 2.09 ರಷ್ಟು ಕುಸಿದು 49,922 ರಲ್ಲಿ, ನಿಫ್ಟಿ ಮಿಡ್ ಕ್ಯಾಪ್ 100 ಸೂಚ್ಯಂಕ 1,564.10 ಪಾಯಿಂಟ್ ಅಥವಾ ಶೇಕಡಾ 2.70 ರಷ್ಟು ಕುಸಿದು 56,366.9 ರಲ್ಲಿ, ನಿಫ್ಟಿ ಸ್ಮಾಲ್ ಕ್ಯಾಪ್ 100 ಸೂಚ್ಯಂಕ 608.45 ಪಾಯಿಂಟ್ ಅಥವಾ ಶೇಕಡಾ 3.20 ರಷ್ಟು ಕುಸಿದು 18,425.25 ರಲ್ಲಿ ಕೊನೆಗೊಂಡವು.
ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ನಲ್ಲಿ (ಬಿಎಸ್ಇ) ನಲ್ಲಿ 3,472 ಷೇರುಗಳಲ್ಲಿ ನಷ್ಟವಾದರೆ, 657 ಷೇರುಗಳು ಲಾಭದಲ್ಲಿ ಕೊನೆಗೊಂಡಿವೆ. ಇನ್ನು 115 ಷೇರುಗಳಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ವಲಯವಾರು ಗಮನಿಸುವುದಾದರೆ ಎಲ್ಲಾ ವಲಯಗಳು ನಷ್ಟದಲ್ಲಿ ಕೊನೆಗೊಂಡಿವೆ.
ನಿಮ್ಮ ದೇಹದಲ್ಲಿ ಅಪಾಯಕಾರಿ HMPV ವೈರಸ್ ಇದೆ ಎಂದು ಈ ರೋಗಲಕ್ಷಣಗಳು ಸೂಚಿಸುತ್ತವೆ
HMPV in India ಹೊಸ ವೈರಸ್ ಅಲ್ಲ, ಭಯಪಡಬೇಡಿ; ಆರೋಗ್ಯ ಸಚಿವ ಜೆ.ಪಿ. ನಡ್ಡಾ
