newsics.com
ಚಳಿ ಎಂದು ನಿತ್ಯದ ಸರಳ ವ್ಯಾಯಾಮಗಳನ್ನು ನಿಲ್ಲಿಸಿದರೆ, ದೇಹಕ್ಕೆ ಆಲಸ್ಯ ಹೆಚ್ಚುತ್ತದೆ. ಅಲ್ಲದೆ ಕೆಲವೊಂದು ಆರೋಗ್ಯ ಸಮಸ್ಯೆಯೂ ಕಾಡಲು ಶುರು ಮಾಡುತ್ತದೆ.
ಶೀತ ವಾತಾವರಣವು ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ. ಅತಿಯಾದ ಚಳಿಯು ರಕ್ತ ಹೆಪ್ಪುಗಟ್ಟುವಿಕೆಯ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ. ಹೀಗಾಗಿ ಚಳಿಗಾಲದಲ್ಲಿ ಹೃದಯಾಘಾತದ ಅಪಾಯ ಹೆಚ್ಚು. ಒತ್ತಡ, ಜ್ವರ ಮತ್ತು ಕಡಿಮೆ ಕ್ರಿಯಾಶೀಲತೆಯಿಂದ ಈ ಅಪಾಯ ಹೆಚ್ಚಾಗುತ್ತದೆ.
ಚಳಿಗೆ ಮನೆಯಿಂದ ಹೊರಬರಲು ಹೆಚ್ಚಿವರು ಹಿಂದೆ ಮುಂದೆ ನೋಡುತ್ತಾರೆ. ಹೀಗಾಗಿ ದೇಹ ವಿಟಮಿನ್ ಡಿಗೆ ಒಡ್ಡಿಕೊಳ್ಳುವುದು ಕಡಿಮೆಯಾಗುತ್ತದೆ. ಬೆಳಗ್ಗಿನ ಸೂರ್ಯನ ಕಿರಣಗಳು ದೇಹಕ್ಕೆ ತಾಕುವುದು ಒಳ್ಳೆಯದು. ಇದು ತಪ್ಪಿದರೆ, ದೇಹಕ್ಕೆ ಬೇಕಾದ ಅಗತ್ಯ ವಿಟಮಿನ್ ಸಿಗುವುದಿಲ್ಲ. ಇದು ದೇಹಕ್ಕೆ ದಣಿದ ಅಥವಾ ಆಯಾಸದ ಅನುಭವ ಹೆಚ್ಚಿಸುತ್ತದೆ.
ದೇಹದ ಉಷ್ಣತೆಯು 95 ° Fಗಿಂತ ಕಡಿಮೆಯಾಗುವುದಾಗಿದೆ. ದೇಹವು ನಡುಗುವುದು, ಕೈಕಾಲುಗಳಲ್ಲಿ ಬಿಗಿತ, ನಿದ್ರಾಹೀನತೆ, ಅಸ್ಪಷ್ಟ ಮಾತು ಮತ್ತು ಹೃದಯದ ಬಡಿತದಲ್ಲಿ ಏರಿಳಿತವಾಗುವುದು ಇದರ ಸಾಮಾನ್ಯ ಲಕ್ಷಣಗಳು.
ವಾರದಲ್ಲಿ ಕನಿಷ್ಠ 2ರಿಂದ 3 ಗಂಟೆಯ ವಾಕಿಂಗ್ ದೇಹಕ್ಕೆ ಅಗತ್ಯವಿದೆ. ದೈಹಿಕ ಚಟುವಟಿಕೆಯಿಂದ ದೇಹ ಸಕ್ರಿಯವಾಗಿರುತ್ತದೆ. ಇದು ಹೃದ್ರೋಗ, ಪಾರ್ಶ್ವವಾಯು, ಮಧುಮೇಹ, ಬೊಜ್ಜು ಮತ್ತು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಕಡಿಮೆ ಮಾಡಲು ನೆರವಾಗುತ್ತದೆ
