newsics.com
ಮುಂಬೈ : 500 ಕೋಟಿ ರೂಪಾಯಿ ಮೊಬೈಲ್ ಆಪ್ ಹೂಡಿಕೆ ಹಗರಣದಲ್ಲಿ ಭಾರತಿ ಸಿಂಗ್ ಮತ್ತು ಎಲ್ವೀಸ್ ಯಾದವ್ ಸೇರಿದಂತೆ ಐವರಿಗೆ ದೆಹಲಿ ಪೊಲೀಸರು ಸಮನ್ಸ್ ಜಾರಿ ಮಾಡಿದ್ದಾರೆ.
ಹಿಬಾಕ್ಸ್(HIBOX) ಎಂಬ ಮೊಬೈಲ್ ಅಪ್ಲಿಕೇಷನ್ನಲ್ಲಿ ಹೂಡಿಕೆ ಮಾಡುವಂತೆ ಅನೇಕ ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ಗಳು ಹಾಗೂ ಯೂಟ್ಯೂಬರ್ಗಳು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಈ ಹಿಬಾಕ್ಸ್ ಬಗ್ಗೆ ಪ್ರಚಾರ ಮಾಡಿ ಜನರನ್ನು ಈ ಆಪ್ನಲ್ಲಿ ಹಣ ಹೂಡುವುದಕ್ಕೆ ಪ್ರೇರಣೆ ಮಾಡಿದ್ದಾರೆ ಎಂದು 500ಕ್ಕೂ ಹೆಚ್ಚು ದೂರುಗಳು ಪೊಲೀಸರಿಗೆ ಬಂದಿವೆ ಎಂದು ಅಧಿಕಾರಿ ಹೇಳಿದ್ದಾರೆ. ಈ ಹಿಬಾಕ್ಸ್ ಮೊಬೈಲ್ ಆಪ್ ಹಗರಣದ ಪ್ರಮುಖ ಆರೋಪಿಯನ್ನು ಈಗಾಗಲೇ ಪೊಲೀಸರು ಬಂಧಿಸಿದ್ದಾರೆ. ಚೆನ್ನೈ ಮೂಲದ 30 ವರ್ಷದ ಶಿವರಾಮ್ ಬಂಧಿತ ಆರೋಪಿ.
ಹೂಡಿಕ ಮಾಡಿದ ಮೊತ್ತಕ್ಕೆ ದಿನಕ್ಕೆ ಒಂದರಿಂದ ಶೇಕಡಾ 5ರಷ್ಟು ಆದಾಯ ನೀಡುವ ಭರವಸೆ ನೀಡಿದ್ದ, ಇದು ಒಂದು ತಿಂಗಳಲ್ಲಿ ಹೂಡಿಕೆಯ ಶೇಕಡಾ 30ರಿಂದ 90ರಷ್ಟು ಪ್ರತಿಶತದ ಆದಾಯವಾಗುತ್ತದೆ. ಈ ಆಪನ್ನು ಫೆಬ್ರವರಿ 2024ರಲ್ಲಿ ಲಾಂಚ್ ಮಾಡಲಾಗಿತ್ತು. 30 ಸಾವಿರಕ್ಕೂ ಹೆಚ್ಚು ಜನೀ ಆಪ್ನಲ್ಲಿ ಹೂಡಿಕೆ ಮಾಡಿದ್ದರು.
ಪ್ರಾರಂಭದ ಕೆಲ ತಿಂಗಳಲ್ಲಿ ಹೂಡಿಕೆದಾರರಿಗೆ ಭಾರಿ ಮೊತ್ತದ ಆದಾಯ ಸಿಕ್ಕಿದೆ. ಆದರೆ ಜುಲೈ ನಂತರ ತಾಂತ್ರಿಕ ತೊಂದರೆ, ಕಾನೂನು ತೊಡಕು, ಜಿಎಸ್ಟಿ ತೊಡಕು ಎಂದು ಒಂದೊಂದೇ ಕಾರಣ ಹೇಳಿ ಯಾವುದೇ ಹೂಡಿಕೆದಾರರಿಗೆ ಆದಾಯ ನೀಡಿಲ್ಲ. ಅಲ್ಲದೇ ನೋಯ್ಡಾದಲ್ಲಿದ್ದ ಈ ಸಂಸ್ಥೆಯ ಕಚೇರಿಯನ್ನು ಕೂಡ ಖಾಲಿ ಮಾಡಿಕೊಂಡು ಹೋಗಲಾಗಿದೆ.
