newsics.com
ಸಂಗಾತಿಗಳ ಮಿಲನ ಮಹೋತ್ಸವ ಕುರಿತಂತೆ ಇಂಗ್ಲೆಂಡ್ನ ಪ್ರಸಿದ್ಧ ಟ್ಯಾಬ್ಲಾಯ್ಡ್ ಪತ್ರಿಕೆ ದಿ ಸನ್ ಇತ್ತೀಚೆಗೆ ಮಹತ್ವದ ಅಧ್ಯಯನ ನಡೆಸಿದೆ.
ಸಂಗಾತಿಗಳು ಮಿಲನ ಮಹೋತ್ಸವ ವೇಳೆ ಎಷ್ಟು ನಿಮಿಷಕ್ಕೊಮ್ಮೆ ಕಾಂಡೋಮ್ ಬದಲಾಯಿಸಬೇಕು ಎನ್ನುವ ಬಗ್ಗೆ ದಿ ಸನ್ ಅಧ್ಯಯನ ನಡೆಸಿದೆ.
ಸುಮಾರು 500 ಜೋಡಿಗಳ ಮೇಲೆ ಈ ಅಧ್ಯಯನ ನಡೆಸಲಾಗಿದೆ. ವಿಶ್ವದ ಅನೇಕ ಕಡೆ ಕಾಂಡೋಮ್ ಅತ್ಯಂತ ಪ್ರಖ್ಯಾತ ಗರ್ಭನಿರೋಧಕ. ಸೆಕ್ಸ್ನ ಮೂಲಕ ಹರಡಬಲ್ಲ ರೋಗಗಳನ್ನು ತಡೆಗಟ್ಟಲು ವ್ಯಾಪಕವಾಗಿ ಕಾಂಡೋಮ್ ಬಳಕೆಯಾಗುತ್ತದೆ. ಆದರೆ, ಮಿತಿಮೀರಿದ ಬಳಕೆ ಹಾಗೂ ಇವುಗಳನ್ನು ಸರಿಯಾಗಿ ಬಳಸದೇ ಇದ್ದಲ್ಲಿ ಅಪಾಯ ಕಟ್ಟಿಟ್ಟ ಬುತ್ತಿ.
ಲೈಂಗಿಕ ರೋಗಗಳ ತಜ್ಞರು ಹೇಳುವ ಪ್ರಕಾರ, ದೀರ್ಘಕಾಲದವರೆಗೆ ದೈಹಿಕ ಸಂಪರ್ಕ ಸಾಧಿಸುವ ವೇಳೆ ಕಾಂಡೋಮ್ ಬದಲಾವಣೆ ಮಾಡುವುದು ಅತ್ಯಂತ ಅಗತ್ಯ ಎಂದಿದ್ದಾರೆ.
ಲೈಂಗಿಕ ಸಂಪರ್ಕ ಸಮಯದಲ್ಲಿ ಪ್ರತಿ 30 ನಿಮಿಷಕ್ಕೆ ಕಾಂಡೋಮ್ ಬದಲಾಯಿಸಬೇಕು ಎಂದು ಹೇಳಲಾಗಿದೆ. ಇಲ್ಲದೇ ಇದ್ದಲ್ಲಿ ಸೆಕ್ಸ್ನಿಂದ ಹರಡಬಹುದಾದ ಕಾಯಿಲೆಯ ಅಪಾಯ ಹೆಚ್ಚಿರುತ್ತದೆ.
ಇನ್ನೂ ಕೆಲವರು ಡಬಲ್ ಬ್ಯಾಂಗಿಂಗ್ ಅಂದರೆ ಏಕಕಾಲಕ್ಕೆ ಎರಡು ಕಾಂಡೋಮ್ ಧರಿಸುವ ಸಾಹಸ ಮಾಡುತ್ತಾರೆ. ಇದು ಭಾರೀ ಅಪಾಯದ ಕೆಲಸ. ಹೀಗೆ ಮಾಡಿದಲ್ಲಿ ಎರಡೂ ಕಾಂಡೋಮ್ಗಳು ಹರಿದುಹೋಗುತ್ತವೆ ಎಂದು ಬ್ರಿಟನ್ನ ವೈದ್ಯಕೀಯ ಸಂಶೋಧನೆ ತಿಳಿಸಿದೆ.
ಸಾಮಾನ್ಯವಾಗಿ ಸರಾಸರಿ ಲೈಂಗಿಕ ಸಂಪರ್ಕ ಸಮಯ 5 ನಿಮಿಷ ಎಂದು ವರದಿ ಹೇಳಿದೆ.
ಕೆಲ ಜೋಡಿಗಳು ಲೈಂಗಿಕ ಸಂಪರ್ಕ ಹೊಂದಲು 0.55 ಸೆಕೆಂಡ್ ತೆಗೆದುಕೊಂಡರೆ, ಇನ್ನೂ ಕೆಲವರು 44.1 ನಿಮಿಷಗಳವರೆಗೆ ಸಮಯ ತೆಗೆದುಕೊಂಡರು ಎಂದು ಈ ಅಧ್ಯಯನ ವಿವರಿಸಿದೆ.
ತೀರಾ ತೆಳುವಾದ ಕಾಂಡೋಮ್ಗಳನ್ನು ಧರಿಸುವುದೂ ಅಪಾಯಕಾರಿ. ಲೈಂಗಿಕ ಸಂಪರ್ಕ ವೇಳೆ ಘರ್ಷಣೆಯಿಂದಾಗಿ ಇವು ಹರಿದುಹೋಗುವ ಅಪಾಯ ಜಾಸ್ತಿ ಎಂದಿದ್ದಾರೆ.
ಪುರುಷರು ಕಾಂಡೋಮ್ ಸರಿಯಾಗಿ ಬಳಸಿದರೆ, ಮಹಿಳೆಯರಲ್ಲಿ ಗರ್ಭಧಾರಣೆಯ ಸಾಧ್ಯತೆಯು ಶೇ. 98ರಷ್ಟು ಕಡಿಮೆಯಾಗುತ್ತದೆ. ಆದರೆ ಕಾಂಡೋಮ್ಗಳನ್ನು ಸರಿಯಾಗಿ ಬಳಸದಿದ್ದರೆ ಮಹಿಳೆಯರು ಗರ್ಭ ಧರಿಸುವ ಅಪಾಯ ಹೆಚ್ಚು ಎಂದು ಲಾಯ್ಡ್ಸ್ ಫಾರ್ಮಸಿ ಜಿಪಿ ಡಾ. ನೀಲ್ ಪಟೇಲ್ ಹೇಳಿದ್ದಾರೆ.
‘ಲೈಂಗಿಕ ಸಂಪರ್ಕ ಸಮಯದಲ್ಲಿ ನಮ್ಮ ಜನ ತುಂಬಾ ತಪ್ಪು ಮಾಡ್ತಾರೆ. ಸಂಪರ್ಕ ಪ್ರಾರಂಭವಾದ ನಂತರ ಕಾಂಡೋಮ್ ಹಾಕಿಕೊಳ್ಳಲು ಯೋಚಿಸುತ್ತಾರೆ. ಆದರೆ, ಇದು ಲೈಂಗಿಕ ಸಂಪರ್ಕ ಸಮಯದಲ್ಲಿ ಜಾರಿ ಹೋಗುವುದು ಅಥವಾ ಹರಿದುಹೋಗುತ್ತದೆ. ಇಂಥ ಚಿಂತೆಗಳಿಂದ ಮುಕ್ತವಾಗಿ ಸೆಕ್ಸ್ ಆನಂದಿಸಬೇಕೆಂದಿದ್ದರೆ, ಸಂಪರ್ಕಕ್ಕೂ ಮುನ್ನವೇ ಕಾಂಡೋಮ್ ಬಳಸಬೇಕು. ಮಿಲನ ಮಹೋತ್ಸವ ಆರಂಭವಾಗಿ 30 ನಿಮಿಷ ಕಳೆದರೆ, ಕಾಂಡೋಮ್ ಬದಲಾವಣೆ ಮಾಡಿ. ಸೆಕ್ಸ್ನ ಟೈಮ್ನಲ್ಲಿ ಕಾಂಡೋಮ್ನ ಶಕ್ತಿ ಕೂಡ ಕ್ಷೀಣಿಸುತ್ತದೆ ಎಂಬುದು ನೆನಪಿರಲಿ.
