newsics.com
ಉತ್ತರ ಪ್ರದೇಶ: ಹದಿನೆಂಟು ವರ್ಷಗಳ ಹಿಂದೆ ಕಳೆದುಹೋಗಿದ್ದ ತನ್ನ ಸಹೋದರನನ್ನು ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ಮೂಲಕ ಪತ್ತೆ ಹಚ್ಚಿದ ಮಹಿಳೆ ಅಚ್ಚರಿಯ ಘಟನೆಯೊಂದು ಉತ್ತರ ಪ್ರದೇಶದ ಕಾನ್ಪುರದಲ್ಲಿ ನಡೆದಿದೆ.
ಹದಿನೆಂಟು ವರ್ಷಗಳ ಹಿಂದೆ ಸಹೋದರನನ್ನು ಕಳೆದುಕೊಂಡ ಮಹಿಳೆಗೆ ಇದು ಅವಳ ಜೀವನದಲ್ಲಿ ವಾಸಿಯಾಗದ ಗಾಯದಂತೆ ಹಾಗೆ ಉಳಿದುಬಿಟ್ಟಿತ್ತು.
ಇತ್ತೀಚೆಗೆ ಒಂದು ದಿನ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ನೋಡುತ್ತಿದ್ದಾಗ ಒಂದು ದೃಶ್ಯ ಗಮನ ಸೆಳೆಯಿತು. ಆ ಯುವಕನನ್ನು ನೋಡಿದ ಹಾಗೆ ಅನಿಸಿತು. ಅವನ ಮುರಿದ ಹಲ್ಲನ್ನು ನೋಡಿದಾಗ ಅವಳಿಗೆ ತನ್ನ ಸಹೋದರನ ನೆನಪಾಯಿತು. ಇದರಿಂದ ಸಂಶಯಗೊಂಡ ಆಕೆ ಸಾಮಾಜಿಕ ಜಾಲತಾಣಗಳ ಮೂಲಕ ಆತನನ್ನು ಸಂಪರ್ಕಿಸಿದ್ದಾಳೆ. ಇಬ್ಬರೂ ತಮ್ಮ ಬಾಲ್ಯದ ದಿನಗಳನ್ನು ಮೆಲುಕು ಹಾಕಿದರು. ಕೊನೆಗೆ ಅವನು ತನ್ನ ಸಹೋದರನೆಂದು ತಿಳಿದು ಖುಷಿಪಟ್ಟಿದ್ದಾಳೆ.
ಉತ್ತರ ಪ್ರದೇಶದ ಹಾಥಿಪುರ ಗ್ರಾಮದವರಾದ ರಾಜಕುಮಾರಿ ಅವರ ಸಹೋದರ ಬಾಲ ಗೋವಿಂದ್ ಅವರು ಬಾಲ್ಯದಲ್ಲಿ ಸ್ನೇಹಿತರೊಂದಿಂಗೆ ಉದ್ಯೋಗಕ್ಕಾಗಿ ಮುಂಬೈಗೆ ಹೋಗಿದ್ದರು. ಅದಾದ ಬಳಿಕ ಅವನು ತನ್ನ ಸ್ನೇಹಿತರಿಂದ ದೂರವಾಗಿ ಬೇರೆ ಕೆಲಸವನ್ನು ಪ್ರಾರಂಭಿಸಿದನು.
ಕೆಲಸಕ್ಕಾಗಿ ಬೇರೆ ಕಡೆ ಹೋಗಿದ್ದರೂ ಸಹ ತಮ್ಮ ಸಂಬಂಧಿಕರು ಮತ್ತು ಕುಟುಂಬದವರೊಂದಿಗೆ ಯಾವಾಗಲೂ ಸಂಪರ್ಕದಲ್ಲಿರುತ್ತಿದ್ದರು. ನಂತರ ಅವರೊಂದಿಗಿನ ಸಂಬಂಧ ಕ್ರಮೇಣ ದುರ್ಬಲಗೊಂಡಿತು. ಅವರ ಎಲ್ಲಾ ಸ್ನೇಹಿತರು ತಮ್ಮ ಊರಿಗೆ ಮರಳಿದರು, ಆದರೆ ಬಾಲ ಗೋವಿಂದ್ ಮುಂಬೈನಲ್ಲಿಯೇ ಇದ್ದರು.
ಸೆಕ್ಯೂರಿಟಿ ಗಾರ್ಡ್ನನ್ನು ಚಾಕುವಿನಿಂದ ಇರಿದು ಕೊಂದ ವಿದ್ಯಾರ್ಥಿ ಅರೆಸ್ಟ್
