newsics.com
ಜರ್ಮನಿಯ: ಇಲ್ಲೊಬ್ಬಳು ಜರ್ಮನಿಯ ಮಾಡೆಲ್ ತನಗಿಂತ ದುಪ್ಪಟ್ಟು ವಯಸ್ಸಿನ ಬಾಯ್ ಫ್ರೆಂಡ್ ಪ್ರೀತಿಗಾಗಿ 3 ಕೋಟಿ ಖರ್ಚು ಮಾಡಿ, ಕಾಲು ಮುರ್ಕೊಂಡಿದ್ದಾಳೆ.
ಥೆರೆಸಿಯಾ ಫಿಶರ್ ಎನ್ನುವ ಈಕೆ ಜರ್ಮನಿಯ ರಿಯಾಲಿಟಿ ಟಿವಿ ಸ್ಟಾರ್. 32 ವರ್ಷದ ಈ ಮಾಡೆಲ್. ಥೆರೇಸಿಯಾ ಲೆಗ್ ಸ್ಟ್ರೆಚಿಂಗ್ ಮಾಡೋದಕ್ಕೋಸ್ಕರ ಭಯಾನಕ ಸರ್ಜರಿ ಮಾಡಿಸಿಕೊಂಡಿದ್ದಾರೆ. ಈ ಸರ್ಜರಿಯಲ್ಲಿ ಕಾಲಿನ ಮೂಳೆ ಮುರಿದು ಕಾಲಿಗೆ ರಾಡ್ ಹಾಕಲಾಗುತ್ತೆ. ಇದು ತುಂಬಾನೆ ನೋವಿನಿಂದ ಕೂಡಿದ ಸರ್ಜರಿಯಾಗಿದ್ದು, ಇದನ್ನ ಮಾಡೊದಕ್ಕೆ ಎರಡು ಮೂರು ವರ್ಷಗಳೇ ಬೇಕಾಗುತ್ತದೆ. ಕಾಲಿನ ಸರ್ಜರಿ ಆರಂಭವಾದುದು 2016ರಲ್ಲಿ, ಇದು ಕೊನೆಗೊಂಡಿದ್ದು 2022ರಲ್ಲಿ ಅಂದ್ರೆ ಬರೋಬ್ಬರಿ 8 ವರ್ಷಗಳ ಸುಧೀರ್ಘವಾದ ಸರ್ಜರಿ ಇದು. ಫ್ರೀಬರ್ಗ್ ಯೂನಿವರ್ಸಿಟಿ ಆಸ್ಪತ್ರೆಯಲ್ಲಿ ನಡೆಸಿದಂತಹ ಸರ್ಜರಿ. ಬರೋಬ್ಬರಿ ಎಂಟು ಸರ್ಜರಿಗಳ ಬಳಿಕ ಇದೀಗ 2018ರಲ್ಲಿ ಥೆರೇಸಿಯಾ ಮನೆಗೆ ಬಂದಿದ್ದಾರೆ. ಅಲ್ಲದೇ ತಮ್ಮ ಅಡ್ಜಸ್ಟೇಬಲ್ ರಾಡ್ ಕೂಡ ತೆಗೆಸಿದ್ದಾರೆ. ಸರ್ಜರಿಗಾಗಿ ಕಾಲಿನ ಮೂಳೆಗಳನ್ನು ಮುರಿದು, ಹೈಟ್ ಹೆಚ್ಚಿಸಲು ರಾಡ್ ಸೇರಿಸಲಾಗುತ್ತೆ, ನಂತರ ಅದನ್ನು ಸ್ಕ್ರೂನಿಂದ ಟೈಟ್ ಮಾಡಲಾಗುತ್ತೆ. ಮೂಳೆಗಳನ್ನು ಎಳೆದರೆ ಕಾಲಿನ ಉದ್ದ ಹೆಚ್ಚುತ್ತದೆ. ಇದರಿಂದಾಗಿ ಆಕೆಯ ಕಾಲು ಈಗ 5 ಇಂಚುಗಳಷ್ಟು ಹೆಚ್ಚು ಹೈಟ್ ಹೊಂದಿದೆ.
32 ವರ್ಷದ ಥೆರೇಸಿಯಾಗೆ ತನಗಿಂತ ದುಪ್ಪಟ್ಟು ವಯಸ್ಸಿನ ವ್ಯಕ್ತಿ ಸ್ಟೀಫನ್ ಕ್ಲೇಸರ್ ಮೇಲೆ ಲವ್ ಆಗಿತ್ತು. ಥೆರೇಸಿಯಾ ತನ್ನ ಹೈಟ್ ಹೆಚ್ಚಿಸಿದರೆ, ತಾನು ಹೆಚ್ಚು ಪ್ರೀತಿಸೋದಾಗಿ ಸ್ಟೀಫನ್ ಹೇಳಿದ್ದ. ಸ್ಟೀಫನ್ ಜೊತೆ ಬ್ರೇಕಪ್ ಆದ ಬಳಿಕ ತನ್ನ ಪ್ರೀತಿ ಉಳಿಸಿಕೊಳ್ಳಲು ಥೆರೇಸಿಯಾ ಹೈಟ್ ಹೆಚ್ಚಿಸಲು ಸರ್ಜರಿ ಮಾಡಿಕೊಂಡಳು. 5.5 ಇಂಚು ಹೈಟ್ ಹೊಂದಿದ್ದ ಥೆರೇಸಿಯಾ ಹೈಟ್ ಸರ್ಜರಿ ಬಳಿಕ ಸದ್ಯ 5.10 ಆಗಿದೆ. ಈಗ ಥೆರೇಸಿಯಾ ಬಾಯ್ ಫ್ರೆಂಡ್ ಸ್ಟೀಫನ್ ಸಹ ಮರಳಿ ಬಂದಿದ್ದಾನೆ.
