newsics.com
ನ್ಯೂಯಾರ್ಕ್(ಅಮೆರಿಕ): ಕೆಂಪು ಸಮುದ್ರದಲ್ಲಿ ಯೆಮೆನ್ನ ಹೌತಿ ಬಂಡುಕೋರರ ಅಟ್ಟಹಾಸ ಮುಂದುವರಿದಿದ್ದು, ಗ್ರೀಸ್ ಒಡೆತನದ ಕಲ್ಲಿದ್ದಲು ಹಡಗಿನ ಮೇಲೆ ರಿಮೋಟ್-ನಿಯಂತ್ರಿತ ‘ಸೀ ಡ್ರೋನ್’ ಬಳಸಿ ದಾಳಿ ಮಾಡಲಾಗಿದೆ ಎಂದು ವರದಿಯಾಗಿದೆ.
ಹೌತಿ ಬಂಡುಕೋರರ ದಾಳಿಯ ಬಗ್ಗೆ ಅಮೆರಿಕದ ಜರ್ನಲ್ನಲ್ಲಿ ವರದಿಯಾಗಿದ್ದು, ಹೌತಿ ಉಗ್ರರು ಸೀ ಡ್ರೋನ್ ಬಳಸಿ ವಾಣಿಜ್ಯ ಹಡಗಿನ ಮೇಲೆ ದಾಳಿ ನಡೆಸಿರುವುದು ಇದೇ ಮೊದಲು ಎಂದು ಸ್ಫೋಟಕ ಮಾಹಿತಿ ನೀಡಿದ್ದಾರೆ.
ಕೆಂಪು ಸಮುದ್ರದಲ್ಲಿ ವಾಣಿಜ್ಯ ಹಡಗುಗಳ ಮೇಲೆ ಇರಾನ್ ಬೆಂಬಲಿತ ಹೌತಿ ಉಗ್ರರು ನಿರಂತರವಾಗಿ ದಾಳಿ ನಡೆಸುತ್ತಿದ್ದು, ಅಮೆರಿಕ ಮತ್ತು ಅದರ ಮಿತ್ರರಾಷ್ಟ್ರಗಳ ನೌಕಾ ಒಕ್ಕೂಟಕ್ಕೆ ಸವಾಲಾಗಿ ಪರಿಣಮಿಸಿದೆ.
ಇದೀಗ ಸೀ ಡ್ರೋನ್ ಶಸ್ತ್ರ ಕೂಡ ಹೌತಿ ಉಗ್ರರ ಕೈಗೆ ಸಿಕ್ಕಿದ್ದು, ಇದರಲ್ಲಿ ಚೀನಾದ ಕೈವಾಡವಿರಬಹುದು ಎಂಬ ಅನುಮಾನ ಮೂಡಿವೆ.
ಸೀ ಡ್ರೋನ್ ನೀರಿನ ಮೇಲೆ ಮತ್ತು ನೀರಿನೊಳಗೆ ಕಾರ್ಯನಿರ್ವಹಿಸುವ ಕ್ಷಮತೆಯನ್ನು ಹೊಂದಿವೆ. ಈ ಏರಿಯಲ್ ವೆಹಿಕಲ್ ಗಳನ್ನು ಕಣ್ಗಾವಲು, ಮತ್ತು ಮಿಲಿಟರಿ ಉಪಕರಣಗಳ ಸಾಗಣೆಯಲ್ಲೂ ಬಳಸಲಾಗುತ್ತದೆ. ಸಮುದ್ರದಲ್ಲಿ ದೂರದಿಂದಲೇ ಹಡಗುಗಳ ಮೇಲೆ ದಾಳಿ ಮಾಡಲು ಈ ಸೀ ಡ್ರೋನ್ ನೆರವಾಗುತ್ತವೆ.
ಹಾರ್ವರ್ಡ್ ವಿವಿ ಸಂಶೋಧಕರ ವರದಿಗೆ ಬೆಚ್ಚಿಬಿದ್ದ ಜಗತ್ತು: ನಮ್ಮ ನಡುವೆಯೇ ಅನ್ಯಗ್ರಹ ಜೀವಿಗಳ ವಾಸ!
