newsics.com
ಕೆಂಬ್ರಿಡ್ಜ್/ ನವದೆಹಲಿ: ಅನ್ಯಗ್ರಹ ಜೀವಿಗಳ ಬಗ್ಗೆ ಎಲ್ಲಿಲ್ಲದ ಕುತೂಹಲ ಸದಾ ಕಾಡುತ್ತಲೇ ಇರುತ್ತದೆ. ನಿಜಕ್ಕೂ ಭೂಮಿಯನ್ನು ಬಿಟ್ಟು ಬೇರೆ ಗ್ರಹಗಳಲ್ಲಿ ಜೀವಿಗಳು ವಾಸ ಮಾಡುತ್ತಿಯೇ? ಇದ್ದರೆ ಅವುಗಳ ಸ್ಥಿತಿಗತಿಗಳೇನು? ಆ ಗ್ರಹದ ವಾತಾವರಣ ಹೇಗಿದೆ? ಅಲ್ಲಿಯ ಜೀವಿಗಳು ಮನುಷ್ಯರಿಗಿಂತ ಹೆಚ್ಚು ಅಭಿವೃದ್ಧಿ ಆಗಿವೆಯೇ? ಹೀಗೆ ಪ್ರಶ್ನೆಗಳ ಸರಮಾಲೆಯೇ ಆವರಿಸುತ್ತದೆ.
ಅನ್ಯಗ್ರಹ ಜೀವಿಗಳ ಬಗ್ಗೆ ಮನುಷ್ಯನಲ್ಲಿ ತೀರದ ಕುತೂಹಲವಿದೆ. ಈ ಬಗ್ಗೆ ಪಾಶ್ಚಾತ್ಯ ವಿಜ್ಞಾನಿಗಳು ನಿರಂತರವಾಗಿ ಹುಡುಕಾಡುತ್ತಲೇ ಇದ್ದಾರೆ. ಇದೀಗ ಅಮೆರಿಕದ ಹಾರ್ವರ್ಡ್ ವಿಶ್ವವಿದ್ಯಾಲಯದ ಸಂಶೋಧಕರು ಹಲವು ಊಹೆಗಳನ್ನು ಮಂಡಿಸಿದ್ದಾರೆ. ಮಾನವ ವಿಕಾಸ ಕಾರ್ಯಕ್ರಮ ದಡಿ ಹಲವು ಕುತೂಹಲಕರ ಸಾಧ್ಯತೆಗಳನ್ನು ಮಂಡಿಸಲಾಗಿದೆ.
ಅನ್ಯಗ್ರಹ ಜೀವಿಗಳು ಮನುಷ್ಯನ ನಡುವೆಯೇ ವೇಷ ಮರೆಸಿಕೊಂಡು ಮನುಷ್ಯನಂತೆಯೇ ಬದುಕುತ್ತಿರಬಹುದು. ಇಲ್ಲವೇ ಭೂಗತವಾಗಿರಬಹುದು, ಚಂದ್ರಲೋಕದಲ್ಲೂ ಇರಬಹುದು ಎಂದು ಹೇಳಲಾಗಿದೆ.
ತಮ್ಮ ಶೋಧ ಫಲಿತಾಂಶಗಳೆಲ್ಲ ಕೇವಲ ಊಹೆಗಳ ಆಧಾರದಲ್ಲಿ ರೂಪಿತಗೊಂಡಿರುವಂತಹವು ಎಂದು ವಿಜ್ಞಾನಿಗಳು ತಿರಸ್ಕರಿಸಬಹುದು. ಆದರೂ ಇವನ್ನು ಗಂಭೀರವಾಗಿ ಪರಿಗಣಿಸಬೇಕೆಂದು ಸಂಶೋಧಕರು ವಿನಂತಿ ಮಾಡಿದ್ದಾರೆ.
ಆದರೆ ಇದರ ನಡುವೆ ಬೇರೆ ಗ್ರಹಗಳಿಂದ ಅನ್ಯಗ್ರಹ ಜೀವಿಗಳು ಭೂಮಿಗೆ ಆಗಮಿಸಬಹುದು. ಈ ಜೀವಿಗಳು ವಾಸಿಸಲು ಯೋಗ್ಯವಿರುವ ಗ್ರಹಗಳಲ್ಲಿ ಮರೆ ಮಾಚಿಕೊಂಡು ಜೀವಿಸಬಹುದು ಎಂದು ಹಾರ್ವರ್ಡ್ ವಿಶ್ವವಿದ್ಯಾಲಯ ಅಧ್ಯಯನ ಹೇಳುತ್ತಿದೆ.
