ಮೆನ್ಸ್ ಸಲೂನ್ ಗೆ ಕೋತಿಯೊಂದು ಹೋಗಿ ಕನ್ನಡಿಯಲ್ಲಿ ತಾನು ನೋಡಿ ಫಿದಾ ಆಗಿ ಶಾಂತವಾಗಿ ಹೇರ್ ಕಟ್ ಮಾಡಿಸಿಕೊಂಡ ಘಟನೆ ಚಾಮರಾಜನಗರದ ಸಂತೇಮರಹಳ್ಳಿಯಲ್ಲಿ ನಡೆದಿದೆ. ಈ ಸಂಬಂಧ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗ್ತಿದೆ.
ಕಳೆದ ಕೆಲವು ದಿನಗಳಿಂದ ಈ ಮಂಗ ಸಲೂನ್ ಬಳಿ ಸುಳಿಯುತ್ತಿತ್ತು. ಆದರೆ, ಇತ್ತೀಚೆಗೆ ನೇರವಾಗಿ ಸಲೂನ್ ಒಳಕ್ಕೆ ಬಂದ ಮಂಗ, ಅಲ್ಲಿನ ಕನ್ನಡಿಯ ಮುಂದೆ ನಿಂತು ತನ್ನ ಪ್ರತಿಬಿಂಬವನ್ನು ನೋಡಿ ವಿಚಿತ್ರವಾಗಿ ಚೇಷ್ಟೆ ಮಾಡಲು ಶುರು ಮಾಡಿದೆ. ಕನ್ನಡಿಯೊಳಗೆ ಇರುವ ತನ್ನನ್ನು ತಾನೇ ನೋಡಿ ಸಂಭ್ರಮಿಸಿದ ಮಂಗನ ವರ್ತನೆ ನೋಡಿ ಮಾಲೀಕ ದೇವು ಅವರಿಗೆ ಮೊದಲು ಆತಂಕವಾದರೂ, ನಂತರ ಆ ಮಂಗನ ಶಾಂತ ಸ್ವಭಾವ ಕಂಡು ಅಚ್ಚರಿಗೊಂಡಿದ್ದಾರೆ.
