newsics.com
ಭಾರತದಲ್ಲಿ ಕಳೆದ ಕೆಲವು ವರ್ಷಗಳಲ್ಲಿ ಸ್ಮಾರ್ಟ್ ಟಿವಿಗಳ ಬಳಕೆ ವೇಗವಾಗಿ ಹೆಚ್ಚಾಗಿದ್ದು, ಟಿವಿ ವೀಕ್ಷಿಸುವ ವಿಧಾನವನ್ನೇ ಬದಲಿಸಿದೆ. ವಿಶೇಷವಾಗಿ ಇಂಟರ್ನೆಟ್ ಸಂಪರ್ಕದ ಮೂಲಕವೇ ನೂರಾರು ಉಚಿತ ಚಾನಲ್ಗಳನ್ನು ಒದಗಿಸುವ ಆಪ್ಗಳು ಗ್ರಾಹಕರನ್ನು ಆಕರ್ಷಿಸಿವೆ. ಆದರೆ, ಈಗ ಈ ಉಚಿತ ಸೇವೆಗಳಿಗೆ ಅಡ್ಡಿ ಉಂಟಾಗುವ ಸಾಧ್ಯತೆ ಕಾಣುತ್ತಿದೆ.
TRAI ಶೀಘ್ರದಲ್ಲೇ ತೆಗೆದುಕೊಳ್ಳಲಿರುವ ಪ್ರಮುಖ ನಿರ್ಧಾರದಿಂದಾಗಿ, ಸ್ಮಾರ್ಟ್ ಟಿವಿಗಳಲ್ಲಿ ಲಭ್ಯವಿರುವ 150ಕ್ಕೂ ಹೆಚ್ಚು ಉಚಿತ ಚಾನಲ್ಗಳು ಶುಲ್ಕದ ವ್ಯಾಪ್ತಿಗೆ ಬರುವ ಸಾಧ್ಯತೆಯಿದೆ ಎಂಬ ಮಾಹಿತಿಯಿದೆ.
ಪ್ರಸ್ತುತ ದೇಶದಲ್ಲಿ 12.9 ಕೋಟಿಗೂ ಹೆಚ್ಚು ಸ್ಮಾರ್ಟ್ ಟಿವಿ ಬಳಕೆದಾರರಿದ್ದಾರೆ.ಇವರಲ್ಲಿ ಹೆಚ್ಚಿನವರು ಕೇಬಲ್ ಅಥವಾ ಡಿಟಿಎಚ್ (DTH) ಸಂಪರ್ಕವಿಲ್ಲದೆಯೇ, ವಿವಿಧ ಆಪ್ಗಳ ಮೂಲಕ ಉಚಿತವಾಗಿ ಚಾನಲ್ಗಳನ್ನು ವೀಕ್ಷಿಸುತ್ತಿದ್ದಾರೆ.
ಡಿಟಿಎಚ್ ಮತ್ತು ಕೇಬಲ್ ಕಂಪನಿಗಳು ಚಾನಲ್ಗಳಿಗೆ ಶುಲ್ಕ ವಸೂಲಿ ಮಾಡುವುದರ ಜೊತೆಗೆ ಸರ್ಕಾರಕ್ಕೆ ತೆರಿಗೆ ಪಾವತಿಸುತ್ತಿವೆ ಮತ್ತು ಕಟ್ಟುನಿಟ್ಟಾದ ನಿಯಮಗಳನ್ನು ಪಾಲಿಸುತ್ತಿವೆ. ಆದರೆ ಸ್ಮಾರ್ಟ್ ಟಿವಿ ಆಪ್ಗಳ ವಿಷಯದಲ್ಲಿ ಇದುವರೆಗೆ ಅಂತಹ ಯಾವುದೇ ಕಟ್ಟುಪಾಡುಗಳಿಲ್ಲ.
ಸ್ಮಾರ್ಟ್ ಟಿವಿ ಆಪ್ಗಳು ಕೂಡ ಡಿಟಿಎಚ್ ಮಾದರಿಯಲ್ಲೇ ನಿಯಂತ್ರಣಕ್ಕೆ ಬರಬೇಕೇ ಅಥವಾ ಬೇಡವೇ ಎಂಬ ಬಗ್ಗೆ ಮೇ 4, 2026 ರಂದು ಅಂತಿಮ ನಿರ್ಧಾರ ಹೊರಬೀಳುವ ಸಾಧ್ಯತೆಯಿದೆ.
https://www.newsics.com/2026/04/13/mahakumbhs-viral-girl-monalisa-goes-missing/
