newsics.com
ಬ್ಯಾಡ್ಮಿಂಟನ್ ಆಟಗಾರ ಮಥಿಯಾಸ್ ಬೋಯ್ ಸುಮಾರು 10 ವರ್ಷಗಳಿಂದ ಡೇಟಿಂಗ್ ಬಳಿಕ ಕಳೆದ ಮಾರ್ಚ್ನಲ್ಲಿ ಮದುವೆಯಾಗಿದ್ದರು. ತಿಂಗಳ ಬಳಿಕ ಇವರ ಮದುವೆ ವಿಡಿಯೋಗಳು ಸೋಷಿಯಲ್ ಮೀಡಿಯಾ ದಲ್ಲಿ ವೈರಲ್ ಆಗಿತ್ತು. ನಟಿ ತಾಪ್ಸಿ ಮದುವೆಗೆ ಸೆಲೆಬ್ರಿಟಿಗಳಿಗೂ ಕೂಡ ಆಹ್ವಾನ ನೀಡಲಿಲ್ಲ. ಫ್ಯಾಮಿಲಿ, ಫ್ರೆಂಡ್ ಸಮ್ಮುಖದಲ್ಲಿ ಮದುವೆ ನಡೆದಿತ್ತು.
ಸದ್ಯ ಸಿನಿಮಾ ಪ್ರಚಾರದ ವೇಳೆ ನಟಿ ತಾಪ್ಸಿ ಮದುವೆ ಹಾಗೂ ಪತಿಯ ಬಗ್ಗೆ ಮಾತಾಡಿದ್ದಾರೆ. ಮಥಿಯಾಸ್ ಜೊತೆ ತಾಪ್ಸಿ ಹಲವು ವರ್ಷಗಳ ಕಾಲ ಡೇಟಿಂಗ್ ಮಾಡಿದ್ರು. ನಾವಿಬ್ಬರೂ ಮೊದಲು ಡೇಟಿಂಗ್ ಆರಂಭಿಸಿದಾಗ ಮಥಿಯಾಸ್ ಅವರು ನನ್ನನ್ನು ಡೆನ್ಮಾರ್ಕ್ ಅಥವಾ ದುಬೈಗೆ ಹೋಗೋಣ ಎಂದು ಕರೆಯುತ್ತಿದ್ರು. ಆದ್ರೆ ನನಗೆ ಭಯವಾಗ್ತಿತ್ತು. ಆತನ ಜೊತೆ ವಿದೇಶಗಳಿಗೆ ಹೋಗುವ ಬಗ್ಗೆ ನನ್ನಲ್ಲಿ ಭಯವಿತ್ತು. ಇವನ್ಯಾಕೆ ವಿದೇಶಕ್ಕೆ ಕರೆದುಕೊಂಡು ಹೋಗುತ್ತಾನೆ ಎನ್ನುವ ಆತಂಕವೂ ಇತ್ತು. ಹೇಳಿ ಕೇಳಿ ಬಿಳಿ ಹುಡುಗ ಬೇರೆ. ಏನ್ಮಾಡ್ತಾನೋ ಎನ್ನುವ ಭಯ ಇತ್ತು. ಈ ಬಗ್ಗೆ ಸ್ನೇಹಿತರ ಜೊತೆ ಚರ್ಚೆ ಕೂಡ ನಡೆಸಿದ್ದೆ. ಮಥಿಯಾಸ್ ಜೊತೆ ವಿದೇಶಕ್ಕೆ ಹೋಗುವೆ ಎಂದು ಹೇಳಿದಾಗ ಅವರು ಕೂಡ ನನ್ನಲ್ಲಿ ಭಯ ಹುಟ್ಟಿಸಿದ್ರು. ಅವನು ದುಬೈನಲ್ಲಿ ನಿನ್ನನ್ನು ಶೇಖ್ ಗೆ ಮಾರಾಟ ಮಾಡುತ್ತಾನೆ. ಹುಷಾರಾಗಿರು ಒಬ್ಬಳೆ ಹೋಗ್ಬೇಡ ಎಂದ್ರು. ನನಗೂ ಆಗ ತುಂಬಾ ಭಯವಾಗಿಬಿಟ್ಟಿತ್ತು. ಆಮೇಲೆ ಮಥಿಯಾಸ್ ಮೇಲೆ ನಂಬಿಕೆ ಮೂಡಿತು. ಈಗ ಸ್ನೇಹಿತರ ಆ ಮಾತುಗಳನ್ನು ನೆನಪಿಸಿಕೊಂಡ್ರೆ ನಗು ಬರುತ್ತದೆ ಎಂದು ತಾಪ್ಸಿ ಹೇಳಿದ್ದಾರೆ.
