https://youtube.com/shorts/9RsasXrq5aU?si=7o1s1Fcwa742mk87
Subscribe ನ್ಯೂಸಿಕ್ಸ್ ಕನ್ನಡ
newsics.com
ಇತ್ತೀಚಿನ ದಿನಗಳಲ್ಲಿ ಲ್ಯಾಪ್ಟಾಪ್ ಮತ್ತು ಕಂಪ್ಯೂಟರ್ ಆಧಾರಿತ ಕೆಲಸ ಸಾಮಾನ್ಯವಾಗಿದ್ದು, ಬೆಳಗ್ಗೆ ಏಳುವುದರಿಂದ ಮಲಗುವವರೆಗೆ ಅನೇಕರು ಪರದೆ ಮುಂದೆ ಸಮಯ ಕಳೆಯುತ್ತಿದ್ದಾರೆ. ವಿಶೇಷವಾಗಿ ಸಾಫ್ಟ್ವೇರ್ ಸೇರಿದಂತೆ ಕಚೇರಿ ಕೆಲಸಗಳಲ್ಲಿ ತೊಡಗಿರುವವರಿಗೆ ಇದು ಅನಿವಾರ್ಯವಾಗಿದೆ.
ಆದರೆ ಆರೋಗ್ಯ ತಜ್ಞರ ಪ್ರಕಾರ, ದೀರ್ಘಕಾಲ ಲ್ಯಾಪ್ಟಾಪ್ ಮುಂದೆ ಕುಳಿತುಕೊಳ್ಳುವುದು ಹಲವು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಕಣ್ಣಿನ ಅಸ್ವಸ್ಥತೆ ಹೆಚ್ಚಳ
ಪರದೆಯ ಮೇಲೆ ಹೆಚ್ಚು ಹೊತ್ತು ಕಣ್ಣು ನೆಟ್ಟಗಿಡುವುದರಿಂದ ಕಣ್ಣು ಒಣಗುವುದು, ಉರಿಯೂತ, ಆಯಾಸ ಹಾಗೂ ತಲೆನೋವು ಕಾಣಿಸಿಕೊಳ್ಳಬಹುದು. ನೀಲಿ ಬೆಳಕಿನ ಪರಿಣಾಮದಿಂದ ನಿದ್ರೆಯ ಮೇಲೂ ದುಷ್ಪರಿಣಾಮ ಉಂಟಾಗುವ ಸಾಧ್ಯತೆ ಇದೆ.
ಕುತ್ತಿಗೆ, ಭುಜ ಮತ್ತು ಬೆನ್ನುನೋವು
ಕಳಪೆ ಭಂಗಿಯಲ್ಲಿ ಕುಳಿತುಕೊಳ್ಳುವುದು ಕುತ್ತಿಗೆ ಮತ್ತು ಭುಜಗಳ ಮೇಲೆ ಒತ್ತಡ ಹೆಚ್ಚಿಸುತ್ತದೆ. ಇದರಿಂದ ನೋವು ಹಾಗೂ ಅಸ್ವಸ್ಥತೆ ಉಂಟಾಗುತ್ತದೆ. ಸರಿಯಾದ ಬೆಂಬಲವಿಲ್ಲದೆ ದೀರ್ಘಕಾಲ ಕುಳಿತುಕೊಳ್ಳುವುದರಿಂದ ಬೆನ್ನುನೋವು ಹೆಚ್ಚಾಗಬಹುದು. ನಿರಂತರ ಟೈಪಿಂಗ್ ಮತ್ತು ಮೌಸ್ ಬಳಕೆಯಿಂದ ಕಾರ್ಪಲ್ ಟನಲ್ ಸಿಂಡ್ರೋಮ್, ಟೆಂಡೊನಿಟಿಸ್ ಸೇರಿದಂತೆ ಮಸ್ಕ್ಯುಲೋಸ್ಕೆಲಿಟಲ್ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.
ಸ್ಥೂಲಕಾಯದ ಅಪಾಯ
ಗಂಟೆಗಳ ಕಾಲ ಕುಳಿತಿರುವುದರಿಂದ ದೈಹಿಕ ಚಟುವಟಿಕೆ ಕಡಿಮೆಯಾಗುತ್ತದೆ. ಇದರಿಂದ ತೂಕ ಹೆಚ್ಚಳ ಮತ್ತು ಬೊಜ್ಜಿನ ಸಮಸ್ಯೆ ಎದುರಾಗಬಹುದು. ತಜ್ಞರ ಸಲಹೆಯಂತೆ, ಅರ್ಧಗಂಟೆಗೆ ಒಮ್ಮೆಯಾದರೂ ಎದ್ದು ಐದು ನಿಮಿಷ ನಡೆಯುವುದು ಅಥವಾ ಸರಳ ವ್ಯಾಯಾಮ ಮಾಡುವುದು ಆರೋಗ್ಯಕರ.
ನಿದ್ರಾಹೀನತೆ ಮತ್ತು ಚರ್ಮ ಸಮಸ್ಯೆಗಳು
ಪರದೆಯ ಮುಂದೆ ಹೆಚ್ಚು ಸಮಯ ಕಳೆಯುವುದರಿಂದ ನಿದ್ರಾಹೀನತೆ, ಮಲಗಲು ತೊಂದರೆ ಉಂಟಾಗಬಹುದು. ಅಲ್ಲದೆ, ಕಣ್ಣಿನ ಸಮಸ್ಯೆಗಳ ಜೊತೆಗೆ ಚರ್ಮಕ್ಕೆ ಸಂಬಂಧಿಸಿದ ತೊಂದರೆಗಳೂ ಕಾಣಿಸಿಕೊಳ್ಳಬಹುದು.
ಆರೋಗ್ಯ ಕಾಪಾಡಲು ಸಲಹೆಗಳು
ಪರದೆ ನಮ್ಮ ಕಣ್ಣಿನ ಮಟ್ಟಕ್ಕೆ ಸಮನಾಗಿರಲಿ.
ಯಾವಾಗಲೂ ಆರಾಮದಾಯಕ ಮತ್ತು ಬೆಂಬಲ ನೀಡುವ ಕುರ್ಚಿಯಲ್ಲಿ ಕುಳಿತುಕೊಳ್ಳಿ.
ಪ್ರತಿಯೊಂದು 30 ನಿಮಿಷಗಳಿಗೊಮ್ಮೆ ವಿರಾಮ ತೆಗೆದುಕೊಳ್ಳಿ.
ಸರಳ ಸ್ಟ್ರೆಚಿಂಗ್ ಮತ್ತು ಕುಳಿತು ಮಾಡುವ ವ್ಯಾಯಾಮಗಳನ್ನು ಅನುಸರಿಸಿ.
ನೀಲಿ ಬೆಳಕಿನ ಫಿಲ್ಟರ್ ಬಳಸಿ ಅಥವಾ ಪರದೆ ಸೆಟ್ಟಿಂಗ್ಗಳನ್ನು ಹೊಂದಿಸಿ.
ತಂತ್ರಜ್ಞಾನ ಬಳಕೆ ಮತ್ತು ದೈಹಿಕ ಚಟುವಟಿಕೆ ನಡುವೆ ಸಮತೋಲನ ಕಾಯ್ದುಕೊಳ್ಳಿ.
ಆರೋಗ್ಯಕರ ಜೀವನಶೈಲಿಯನ್ನು ಅನುಸರಿಸುವ ಮೂಲಕ ಲ್ಯಾಪ್ಟಾಪ್ ಬಳಕೆಯಿಂದ ಉಂಟಾಗುವ ದುಷ್ಪರಿಣಾಮಗಳನ್ನು ಕಡಿಮೆ ಮಾಡಬಹುದು ಎಂದು ತಜ್ಞರು ಸಲಹೆ ನೀಡಿದ್ದಾರೆ.
ಬಕೆಟ್, ಮಗ್ ಗಲೀಜಾದ್ರೆ ಉಜ್ಜಿ ಉಜ್ಜಿ ಕೈ ನೋಯಿಸಕೊಳ್ಳಬೇಡಿ ಈ ರೀತಿ ಮಾಡಿ
