Subscribe ನ್ಯೂಸಿಕ್ಸ್ ಕನ್ನಡ
newsics.com
ಇನ್ಸ್ಟಾದಲ್ಲಿ ರೀಲ್ಸ್ ಹಾಕುತ್ತಾ ನನ್ನ ಗಂಡನೇ ಅನೇಕ ಹುಡುಗಿಯರಿಗೆ ಗಾಳ ಹಾಕಿ ಮೋಸ ಮಾಡಿದ್ದಾನೆ ಎಂದು ಪತ್ನಿ ಆರೋಪ ಮಾಡ್ತಿದ್ದಾಳೆ. ಅಷ್ಟೇ ಅಲ್ಲದೇ ಗಂಡನ ಕಳ್ಳಾಟವನ್ನ ಪತ್ನಿಯೇ ಬಯಲು ಮಾಡಿದ್ದಾಳೆ. ಗಂಡನಿಗಿದ್ದ ಹುಡುಗಿಯರ ಹುಚ್ಚಿಗೆ ಬೇಸತ್ತ ಯುವತಿ, ಇಂಥ ಗಂಡ ಯಾರಿಗೂ ಬೇಡ ಅಂತ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಬಜಪೆ ನಿವಾಸಿ ಮನೀಶ್ ವಿದೇಶದಲ್ಲಿ ಉದ್ಯೋಗದಲ್ಲಿದ್ದಾನೆ. ಫಾರಿನ್ನಲ್ಲಿ ಕುಳಿತುಕೊಂಡೇ ಮಂಗಳೂರು ಮೂಲದ ಯುವತಿಯರಿಗೆ ಗಾಳ ಹಾಕ್ತಿದ್ದ ಎನ್ನುವ ಆರೋಪ ಈತನ ಮೇಲಿದೆ. ಮನೀಶ್ ಆಟೋಟಾಪಕ್ಕೆ ಪತ್ನಿಯೇ ಬ್ರೇಕ್ ಹಾಕಲು ಮುಂದಾಗಿದ್ದಾಳೆ. ವಿದೇಶದಲ್ಲಿ ವಾಸವಿರೋ ಕರಾವಳಿ ಭಾಗದ ಹಾಗೂ ಮಂಗಳೂರು ಯುವತಿಯರೇ ಟಾರ್ಗೆಟ್ ಮಾಡ್ತಿದ್ದ ಈತ ಮರಳು ಮಾಡುವಂತೆ ಮಾತಾಡಿ ಬುಟ್ಟಿಗೆ ಹಾಕಿಕೊಳ್ತಿದ್ದನಂತೆ.
ಗಂಡನ ಆಟೋಟಾಪಕ್ಕೆ ರೋಸಿ ಹೋದ ಪತ್ನಿ ಇದೀಗ ಆತನ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ. ಆರಂಭದಲ್ಲಿ ಪತ್ನಿಗೆ ಈತ ಫೇಸ್ ಬುಕ್ ಮೂಲಕ ಪರಿಚಯವಾಗಿದ್ದನಂತೆ. ಮದುವೆಗೆ ಮೂರು ದಿನ ಇರುವಾಗ ಆತ್ಮಹತ್ಯೆ ನಾಟಕವಾಡಿದ್ದ. ಹಣ ಇಲ್ಲ ಅಂದಾಗ ನನ್ನ ಪೋಷಕರೇ ಮದುವೆಯ ಸಂಪೂರ್ಣ ಖರ್ಚು ತಾವೇ ಹಾಕಿ ಮದುವೆ ಮಾಡಿಕೊಟ್ಟಿದ್ದರು ಎಂದು ಸಂತ್ರಸ್ತೆ ದೂರಿನಲ್ಲಿ ತಿಳಿಸಿದ್ದಾರೆ.
ಅಷ್ಟೇ ಅಲ್ಲದೇ ಮದುವೆಯಾದ ಬಳಿಕ ಎರಡು ಲಕ್ಷ ಕೊಟ್ಟು ವಿದೇಶದಲ್ಲಿ ಕೆಲಸ ಸಿಗಲಿ ಪತ್ನಿ ಕೂಡ ಸಹಾಯ ಮಾಡಿದ್ದಾಳೆ. ಬಳಿಕ ಈತ ದುಬೈಗೆ ಹೋಗಿ ಬಹರೇನ್ ನಲ್ಲಿರೋ ಮಹಿಳೆ ಜೊತೆ ಲವ್ವಿಡವ್ವಿ ಶುರು ಮಾಡಿದ್ದ, ವಿಚಾರ ತಿಳಿದು ಈತನ ಇತಿಹಾಸ ಕೆದಕಿದ ಬಳಿಕ ಹಲವರಿಗೆ ಮೋಸ ಮಾಡಿರುವ ವಿಚಾರ ಬಯಲಾಯ್ತು ಎಂದು ಯುವತಿ ಹೇಳಿಕೆ ನೀಡಿದ್ದಾರೆ.
ರೀಲ್ಸ್ ಮೂಲಕ ಯುವತಿಯರಿಗೆ ಗಾಳ ಹಾಕುವ ಮನೀಶ್ ವಿರುದ್ಧ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾರೆ.
