Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಬೆಳ್ಳಿಯ ಬೆಲೆ ಕೆಜಿ 3 ಲಕ್ಷ ರೂ. ಗಡಿ ದಾಟಿದೆ. ಜ. 19ರಂದು ಬೆಂಗಳೂರಿನಲ್ಲಿ ಬೆಳ್ಳಿಯು ಪ್ರತಿ ಕೆಜಿಗೆ 3 ಲಕ್ಷದ 5 ಸಾವಿರ ರೂ.ಗಳಿಗೆ ಮುಟ್ಟಿದೆ. ಇದು ಇದೀಗ ನೂರಾರು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.ಯುರೋಪ್ ಮೇಲಿನ ಅಮೆರಿಕದ ಸುಂಕದ ಬೆದರಿಕೆಗಳು ಮತ್ತು ಗ್ರೀನ್ಲ್ಯಾಂಡ್ಗೆ ಬಿಡ್ ಸೇರಿದಂತೆ 2026 ರ ಆರಂಭದಲ್ಲಿ ಹೊಸ ಜಾಗತಿಕ ಉದ್ವಿಗ್ನತೆಗಳಿಂದಾಗಿ ಹೂಡಿಕೆದಾರರು ಹೆಚ್ಚಾಗಿ ಚಿನ್ನ, ಬೆಳ್ಳಿಯ ಮೇಲೆ ಹೂಡಿಕೆ ಮಾಡುತ್ತಿದ್ದಾರೆ. ಇದು ಬೆಳ್ಳಿ ಬೆಲೆ ಹೆಚ್ಚಲು ಕಾರಣವಾಗಿದೆ.2030ರ ವೇಳೆಗೆ 500 ಗಿಗಾ ವ್ಯಾಟ್ ನಷ್ಟು ನವೀಕರಿಸಬಹುದಾದ ಇಂಧನವನ್ನು ಉತ್ಪಾದಿಸುವ ರಾಷ್ಟ್ರವನ್ನಾಗಿಸಲು ಕೇಂದ್ರ ಸರ್ಕಾರ ಟೊಂಕ ಕಟ್ಟಿ ನಿಂತಿದೆ. ಅದಕ್ಕಾಗಿ ವಿದ್ಯುತ್ ಚಾಲಿತ ವಾಹನಗಳ ತಯಾರಿಕೆ – ಮಾರಾಟಕ್ಕೆ ಕೇಂದ್ರ ಸರ್ಕಾರ ಹೆಚ್ಚಿನ ಒತ್ತು ನೀಡುತ್ತಿದೆ. ಈ ಮೊದಲೇ ಹೇಳಿದಂತೆ ವಿದ್ಯುತ್ ವಾಹನ ತಯಾರಿಕೆಯಲ್ಲಿ ಬೆಳ್ಳಿಯ ಪ್ರಮಾಣ ಹೆಚ್ಚಾಗಿದೆ. ಇದು ಭಾರತವು ಬೆಳ್ಳಿಯನ್ನು ಹೆಚ್ಚಾಗಿ ಆಮದು ಮಾಡಿಕೊಳ್ಳಲಿದೆ. ಹಾಗಾಗಿ, ಬೆಳ್ಳಿ ಬೆಲೆ ಸದ್ಯಕ್ಕಂತೂ ಕುಸಿಯುವುದಿಲ್ಲ. ಅಮೆರಿಕನ್ ಡಾಲರ್ ವಿರುದ್ಧ ಭಾರತೀಯ ರೂಪಾಯಿ ದುರ್ಬಲಗೊಳ್ಳುತ್ತಿರುವುದರಿಂದಲೂ ಬೆಳ್ಳಿ ಬೆಲೆ ಏರಲಿದೆ.ಜಗತ್ತಿನ ಅತಿ ದೊಡ್ಡ ಬೆಳ್ಳಿ ಉತ್ಪಾದನಾ ರಾಷ್ಟ್ರಗಳಲ್ಲಿ ಚೀನಾ 2ನೇಯದ್ದು. ಈ ಪಟ್ಟಿಯಲ್ಲಿ ಮೆಕ್ಸಿಕೋ ಮೊದಲ ಸ್ಥಾನದಲ್ಲಿದ್ದರೂ, ಚೀನಾದ ಔಟ್ ಪುಟ್ ಜಾಸ್ತಿಯಿದೆ. ಏಷ್ಯಾದಲ್ಲೇ ದೊಡ್ಡ ಪೂರೈಕೆದಾರ. 2026ರ ಜ. 1ರಿಂದ ಜಾರಿಗೆ ಬರುವಂತೆ, ಚೀನಾ ಬೆಳ್ಳಿ ರಫ್ತಿಗೆ ಕಟ್ಟುನಿಟ್ಟಾದ ಪರವಾನಗಿ ವ್ಯವಸ್ಥೆಯನ್ನು ಜಾರಿಗೆ ತಂದಿತು, ಹಳೆಯ ಕೋಟಾ ವ್ಯವಸ್ಥೆಯನ್ನು ಬದಲಾಯಿಸಿತು.2026–2027 ಅವಧಿಗೆ ಬೆಳ್ಳಿಯನ್ನು ರಫ್ತು ಮಾಡಲು ಚೀನಾದ 44 ಸಂಸ್ಥೆಗಳು ಈಗ ಅಲ್ಲಿನ ಸರ್ಕಾರದಿಂದ ಪರವಾನಗಿ ಪಡೆದಿವೆ. ಇದು ವಿಶ್ವದ ಸಂಸ್ಕರಿಸಿದ ಬೆಳ್ಳಿ ಪೂರೈಕೆಯಲ್ಲಿ ಶೇ. 60–70ರಷ್ಟು ಬೆಳ್ಳಿಯ ಕೊರತೆಯನ್ನು ಉಂಟು ಮಾಡಿದೆ. ಚೀನಾ ತನ್ನ ವಿಶ್ವದ ಪ್ರಮುಖ ಸೌರ ಫಲಕ ಮತ್ತು ವಿದ್ಯುತ್ ವಾಹನ (ಇವಿ) ಉತ್ಪಾದನಾ ವಲಯಗಳಿಗೆ ದೇಶೀಯ ಪೂರೈಕೆಗೆ ಆದ್ಯತೆ ನೀಡುತ್ತಿದೆ. ಹಾಗಾಗಿ, ಬೆಳ್ಳಿಯನ್ನು ರಫ್ತಿಗೆ ಕಡಿವಾಣ ಹಾಕಿದೆ.ಜಗತ್ತಿನ ಹಲವು ದೇಶಗಳ ನಡುವೆ ಯುದ್ಧ, ಹಲವು ರಾಷ್ಟ್ರಗಳು ತಮ್ಮ ಖಜಾನೆಯಲ್ಲಿ ಬೆಳ್ಳಿಯನ್ನು ಸಂಗ್ರಹಿಸುತ್ತಿರುವುದು, ನೈಸರ್ಗಿಕ ಇಂಧನಗಳಾದ ಸೋಲಾರ್ ಹಾಗೂ ವಿದ್ಯುತ್ ಚಾಲಿತ ವಾಹನಗಳ ತಯಾರಿಕೆಯಲ್ಲಿ ಆಗಿರುವ ಪ್ರಗತಿ ಮುಂತಾದ ಕಾರಣಗಲಿಂದಾಗಿ ಜಾಗತಿಕ ಮಾರುಕಟ್ಟೆಗಳಲ್ಲಿ ಬೆಳ್ಳಿಗೆ ಇದ್ದ ಡಿಮ್ಯಾಂಡ್ ಜಾಸ್ತಿಯಾಗಿದೆ. ಹಲವು ರಾಷ್ಟ್ರಗಳ ನಡುವಿನ ಯುದ್ಧದ ಕಾರ್ಮೋಡಗಳಿರುವ ಕಾರಣ, ಮಾರುಕಟ್ಟೆಗಳಲ್ಲಿ ಹೊಸ ಆತಂಕಗಳು ಕಾಣಿಸಿಕೊಂಡಿವೆ.ಈಗ ಬೆಳ್ಳಿಯ ದರ 3 ಲಕ್ಷ ರೂ. ಗಡಿಯನ್ನು ದಾಟಲು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಯುರೋಪಿಯನ್ ದೇಶಗಳ ಮೇಲೆ ಶೇಕಡಾ 10ರಷ್ಟು ಸುಂಕವನ್ನು ಹೇರಿದ್ದಾರೆ. ಗ್ರೀನ್ ಲ್ಯಾಂಡ್ ಅನ್ನು ಅಮೆರಿಕಕ್ಕೆ ಬಿಟ್ಟು ಕೊಡುವ ಒಪ್ಪಂದಕ್ಕೆ ಸಹಿ ಹಾಕದಿದ್ದರೆ ಆ ಸುಂಕವನ್ನು ಶೇ. 25ಕ್ಕೆ ಹೆಚ್ಚಿಸುವುದಾಗಿ ಹೇಳಿದ್ದಾರೆ. ಜೂನ್ ವೇಳೆಗೆ ಒಪ್ಪಂದವಾಗದಿದ್ದರೆ ಈ ಕ್ರಮ ಕೈಗೊಳ್ಳುವುದಾಗಿ ಹೇಳಿದ್ದಾರೆ. ಈ ಹೇಳಿಕೆಗಳಿಂದ ಹೂಡಿಕೆದಾರರು ತಮ್ಮಲ್ಲಿನ ಅಪಾರವಾದ ಧನಸಂಪತ್ತನ್ನು ಭೂಮಿ, ಚಿನ್ನ, ಬೆಳ್ಳಿಯ ಮೇಲೆ ಹೂಡಿಕೆ ಮಾಡಲಾರಂಭಿಸಿದ್ದಾರೆ. ಇದೇ ಬೆಳ್ಳಿಯ ಬೆಲೆಯೇರಿಕೆಗೆ ಮತ್ತೊಂದ ಕಾರಣ.
ಬ್ಲೂಟೂತ್ ಇಯರ್ ಫೋನ್’ ಬಳಸುವುದರಿಂದ ಕ್ಯಾನ್ಸರ್ ಬರುತ್ತದೆಯೇ? ತಜ್ಞರು ಹೇಳಿದ್ದೇನು?
