Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಮಕ್ಕಳಿಗೆ ಹಣದ ಮೌಲ್ಯ, ಜೀವನ ಮೌಲ್ಯ ಬದುಕಿನ ಅರ್ಥವನ್ನು ಎಳೆಯ ಪ್ರಾಯದಲ್ಲೇ ತಿಳಿಸುವುದಕ್ಕೆ ಹೋದರೆ ಅವರು ಕೂಡ ಸ್ವತಂತ್ರ ಹಾಗೂ ಸ್ವಾಭಿಮಾನದಿಂದ ಬೆಳೆಯಬಹುದು ಎಂಬುದಕ್ಕೆ ಚೀನಾದ ಘಟನೆ ಸಾಕ್ಷಿಯಾಗಿದೆ.
ಮಹಿಳೆಯೊಬ್ಬರು ತಮ್ಮ 17 ವರ್ಷದ ಮಗನಿಗೆ ಜೀವನ ಪಾಠ ಕಲಿಸುವ ಉದ್ದೇಶದಿಂದ ಆತನನ್ನು ಉಪಹಾರ ಗೃಹವೊಂದರಲ್ಲಿ ಕೆಲಸಕ್ಕೆ ಕಳುಹಿಸಿದ್ದಾರೆ. ಮಗನಿಗೆ ಶಿಕ್ಷಣ ಹಾಗೂ ಪೋಷಕರು ನೀಡುದ ಹಣದ ಬಗ್ಗೆ ಅರಿವಿರಬೇಕು ಎಂಬ ಉದ್ದೇಶದಿಂದ ತಾಯಿ ಈ ಪ್ಲಾನ್ ಮಾಡಿ ಮಗನನ್ನು ಕೆಲಸಕ್ಕೆ ಕಳುಹಿಸಿದ್ದಾಳೆ. ತಾಯಿಯ ಆಸೆಯಂತೆ ಮಗ ಸ್ವಂತವಾಗಿ ದುಡಿದು ತಿನ್ನುವುದನ್ನು ಬಹಳ ಸುಲಭವಾಗಿ ಕಲಿತುಕೊಂಡಿದ್ದು, ಈಗ ಶಾಲೆ ಬಿಟ್ಟು ಪೂರ್ಣ ಪ್ರಮಾಣದಲ್ಲಿ ವ್ಯವಹಾರ ಮಾಡುವುದಕ್ಕೆ ಯೋಜನೆ ರೂಪಿಸಿದ್ದಾನೆ ಎಂದು ತಿಳಿದು ಬಂದಿದೆ.
ಶಾಲಾ ಶಿಕ್ಷಣವಿಲ್ಲದೆ ಹಣ ಸಂಪಾದಿಸುವುದು ಎಷ್ಟು ಕಷ್ಟ ಎಂಬುದನ್ನು ಅವನಿಗೆ ತೋರಿಸಬೇಕೆಂದು ಬಯಸಿ ತಾಯಿ ಈ ಕೆಲಸ ಮಾಡಿದ್ದಾಳೆ. ಆದರೆ ಆ ಬಾಲಕ ತನ್ನ ಬುದ್ಧಿವಂತಿಕೆಯಿಂದ ಎಲ್ಲರಿಗೂ ಸರ್ಫ್ರೈಸ್ ನೀಡಿದ್ದು, ಆತ ತಾನು ಕೆಲಸ ಮಾಡುತ್ತಿದ್ದ ಆಹಾರ ಮಳಿಗೆಯಲ್ಲಿ ಫ್ರೈಡ್ ಚಿಕನ್ ಮಾರಾಟ ಮಾಡುವ ಮೂಲಕ ಕೇವಲ 10 ದಿನದಲ್ಲಿ 10,000 ಹಣವನ್ನು ಗಳಿಸಿದ್ದಾನೆ. ಅಂದರೆ ಸುಮಾರು 1,400 ಅಮೆರಿಕನ್ ಡಾಲರ್ ನಷ್ಟು ಹಣ ಸಂಪಾದನೆ ಮಾಡಿ ಆತ ಎಲ್ಲರಿಗೂ ಅಚ್ಚರಿ ನೀಡಿದ್ದಾನೆ.
ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ಅವನು ತನ್ನ ಯಶಸ್ಸಿನಿಂದ ಎಷ್ಟು ಪ್ರೇರಿತನಾಗಿದ್ದನೆಂದರೆ, ಅವನ ತಾಯಿ ಅವನನ್ನು ಬೇರೆ ರೀತಿಯಲ್ಲಿ ಮನವೊಲಿಸಲು ಪ್ರಯತ್ನಿಸಿದರೂ ಸಹ, ಅವನು ಶಾಲೆಯನ್ನು ಬಿಟ್ಟು ಪೂರ್ಣ ಪ್ರಮಾಣದಲ್ಲಿ ವ್ಯವಹಾರ ಮುಂದುವರಿಸಲು ನಿರ್ಧರಿಸಿದ್ದಾನೆ ಎಂದು ವರದಿಯಾಗಿದೆ. ಈ ವಿಚಾರ ಈಗ ಇಂಟರ್ನೆಟ್ನಲ್ಲಿ ಭಾರಿ ವೈರಲ್ ಆಗುತ್ತಿದ್ದು, ಅನೇಕರು ಹಲವು ಕಾಮೆಂಟ್ ಮಾಡ್ತಿದ್ದಾರೆ.
