Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಜಿರಳೆ ಎಂದ್ರೆ ಸಾಕು ಹಲವರಿಗೆ ಮೈಯೆಲ್ಲಾ ಝುಂ ಎನ್ನುತ್ತದೆ. ಹೊಸ ಮನೆ ಮಾಡಿದ್ರೂ ಕೆಲವೇ ದಿನಗಳಲ್ಲಿ ಜಿರಳೆಗಳು ಹೇಳದೇ ಕೇಳದೆ ನಿಮ್ಮ ಮನೆಯ ಅತಿಥಿಯಾಗಿ ಬಿಡುತ್ತವೆ. ಎಷ್ಟೋ ಬಾರಿ ಜಿರಳೆಗಳು ಓಡಾಡಿದ ಆಹಾರ ತಿಂದು ಫುಡ್ ಪಾಯ್ಸನಿಂಗ್ ಆಗುವುದೂ ಇದೆ. ಅದಕ್ಕಾಘಿಯೇ ಮನೆಯಲ್ಲಿ ಜಿರಲೆಗಳು ಇದ್ದರೆ ಅನಾರೋಗ್ಯ ಸಮಸ್ಯೆ ತಪ್ಪಿದ್ದಲ್ಲ. ಸುಮಾರು 70 ದಶಲಕ್ಷ ವರ್ಷಗಳ ಹಿಂದೆ ಜಿರಳೆಗಳು ಪರಮಾಣು ಸ್ಫೋಟದಿಂದ ಬದುಕುಳಿದ ಏಕೈಕ ಜೀವಿಗಳು ಎಂದು ನಂಬಲಾಗಿದೆ.
ಇನ್ನೂ ಕೆಲವರು ಅವುಗಳನ್ನು ನೇರವಾಗಿ ತಮ್ಮ ಪಾದಗಳಿಂದ ತುಳಿದು ಕೊಲ್ಲುತ್ತಾರೆ. ಆದರೆ ಇದರಿಂದ ಯಾವುದೇ ರೀತಿಯ ಸಮಸ್ಯೆಗಳಾಗುವುದಿಲ್ಲ ಎಂದು ನೀವು ಭಾವಿಸಬಹುದು. ಆದರೆ ನಂತರ ಜಿರಳೆಗಳ ಗುಂಪು ಹೆಚ್ಚಾಗಿ ಮನೆಯಲ್ಲಿ ಹರಿದಾಡುತ್ತವೆ. ಈ ಸಮಯದಲ್ಲಿ ಒಂದೇ ಬಾರಿಗೆ ಎಲ್ಲವನ್ನೂ ಕೊಲ್ಲಲು ಸಾಧ್ಯವಾಗುವುದಿಲ್ಲ.
ಇನ್ನೂ ಈ ಬಗ್ಗೆ ತಜ್ಞರು ಒಂದಷ್ಟು ಮಾಹಿತಿ ನೀಡಿದ್ದು, ಜಿರಳೆ ಹೆಚ್ಚಳಕ್ಕೆ ಕಾರಣ ಬೇರೇನೂ ಅಲ್ಲ. ನಾವು ಜಿರಳೆಗಳನ್ನು ನೇರವಾಗಿ ಕೊಂದರೆ ಅವುಗಳ ಸಂಖ್ಯೆ ಹೆಚ್ಚಾಗುತ್ತದೆಯೋ ಹೊರತು ಕಡಿಮೆ ಆಗುವುದಿಲ್ಲ.
ಜಿರಳೆಗಳು ಹೊರಾಂಗಣದಲ್ಲಿ ತೇವಾಂಶವುಳ್ಳ ಸ್ಥಳಗಳಲ್ಲಿ ವಾಸಿಸುತ್ತವೆ. ಇದರ ಪರಿಣಾಮದಿಂದಾಗಿ ಅವು ಉಷ್ಣತೆಗಾಗಿ ಮನೆಗಳನ್ನು ಪ್ರವೇಶಿಸುತ್ತವೆ ಮತ್ತು ಉತ್ತಮ ವಾತಾವರಣವನ್ನು ಕಂಡು ಕೊಳ್ಳುತ್ತವೆ. ಈ ಮೂಲಕ ಜಿರಳೆಗಳು ಅಡುಗೆಮನೆ ಮತ್ತು ಸ್ನಾನಗೃಹ ಕೊಳಕಾಗಿದ್ದರೆ ಮಾತ್ರ ಬರುತ್ತವೆ ಎಂದು ನಾವು ಭಾವಿಸುತ್ತೇವೆ. ಆದರೆ, ಕೊಳಕಿಗಿಂತ ಬೆಚ್ಚಗಿನ ವಾತಾವರಣವೇ ಜಿರಳೆಗಳಿಗೆ ಹೆಚ್ಚು ಸೂಕ್ತವಾಗಿರುವುದರಿಂದ ಈ ಸ್ಥಳಗಳು ಸಾಮಾನ್ಯವಾಗಿ ಅವು ಆಶ್ರಯಿಸುತ್ತವೆ. ಇಲ್ಲಿ ವಾಸಿಸಲು ಸೂಕ್ತವಾದ ಪರಿಸರವಾಗಿರುವುದರಿಂದ ಜಿರಳೆಗಳು ಹೆಚ್ಚು ಹರಡುತ್ತವೆ.
ಜಿರಳೆಗಳನ್ನು ಹಿಸುಕಿ ಸಾಯಿಸುವುದರಿಂದ ಸಮಸ್ಯೆ ಕಡಿಮೆಯಾಗುವುದಿಲ್ಲ. ಅವುಗಳನ್ನು ಹಿಸುಕುವುದರಿಂದ ಅವುಗಳ ದೇಹಗಳು ಒಡೆಯುತ್ತವೆ ಮತ್ತು ಅವುಗಳ ದೇಹದ ಒಳಗಿರುವ ದ್ರವಗಳು ಮೇಲ್ಮೈಗೆ ಬಿಡುಗಡೆಯಾಗುತ್ತವೆ. ಜಿರಳೆಗಳು ಕೊಳಚೆನೀರು, ತ್ಯಾಜ್ಯ ಮತ್ತು ಕೊಳೆಯುತ್ತಿರುವ ವಸ್ತುಗಳಿಂದ ಬ್ಯಾಕ್ಟೀರಿಯಾ ಮತ್ತು ಇತರ ಸೂಕ್ಷ್ಮಜೀವಿಗಳನ್ನು ಒಯ್ಯುತ್ತವೆ.
ಈ ರೀತಿ ಜಿರಳೆಗಳನ್ನು ಹಿಸುಕಿದರೆ, ಸೂಕ್ಷ್ಮಜೀವಿಗಳು ನೆಲ ಅಥವಾ ಪಾದರಕ್ಷೆಗಳನ್ನು ತಲುಪುತ್ತವೆ. ಅಲ್ಲಿಂದ ಅವು ಮತ್ತಷ್ಟು ಚಲಿಸಿ ಗಾಳಿ ಮತ್ತು ಆಹಾರವನ್ನು ತಲುಪುತ್ತವೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಇ. ಕೋಲಿ ಮತ್ತು ಸಾಲ್ಮೊನೆಲ್ಲಾದಂತಹ ಅಪಾಯಕಾರಿ ಬ್ಯಾಕ್ಟೀರಿಯಾಗಳು ಫುಡ್ ಪಾಯ್ಸನಿಂಗ್ ಮತ್ತು ಕರುಳಿನ ಸೋಂಕನ್ನು ಉಂಟು ಮಾಡಬಹುದು. ಕೆಲವೊಮ್ಮೆ ಅವು ಆಸ್ತಮಾ ಮತ್ತು ಅಲರ್ಜಿ ಸಮಸ್ಯೆಯನ್ನು ಸಹ ಹರಡಬಹುದು. ಈ ಸಮಸ್ಯೆಗೆ ಹೆಚ್ಚಾಗಿ ಮಕ್ಕಳು ಗುರಿಯಾಗುತ್ತಾರೆ.
ಗಾಯಗೊಂಡಾಗ ಅಥವಾ ಹಿಸುಕಿದಾಗ ಜಿರಳೆಗಳ ಬಲವಾದ ವಾಸನೆ ಇತರ ಜಿರಳೆಗಳನ್ನು ಆಕರ್ಷಿಸುವ ವಸ್ತುಗಳನ್ನು ಬಿಡುಗಡೆ ಮಾಡುತ್ತವೆ. ಆ ವಾಸನೆಯು ಇತರ ಜಿರಳೆಗಳಿಗೆ ಸುರಕ್ಷತೆ ಮತ್ತು ಆಹಾರವನ್ನು ಸೂಚಿಸುತ್ತದೆ.
ಜಿರಳೆಗಳಿಂದಾಗುವ ಅಪಾಯವನ್ನು ಕಡಿಮೆ ಮಾಡಲು ಸುರಕ್ಷತಾ ಸಲಹೆಗಳನ್ನು ಅನುಸರಿಸಿ. ನೇರವಾಗಿ ಅವುಗಳ ಮೇಲೆ ದಾಳಿ ಮಾಡುವ ಬದಲು, ಜೆಲ್ ಬೆಟ್ಗಳನ್ನು ಬಳಸಿ. ಈ ಜೆಲ್ ಬಲೆಯಂತೆ ಕಾರ್ಯನಿರ್ವಹಿಸುತ್ತದೆ ಮತ್ತು ಅವು ಇತರ ಸ್ಥಳಗಳಿಗೆ ಚಲಿಸುವುದನ್ನು ಮತ್ತು ಇತರರಿಗೆ ಸಂಕೇತ ನೀಡುವುದನ್ನು ತಡೆಯುತ್ತದೆ. ಮತ್ತೊಂದೆಡೆ, ಜಿರಳೆಗಳ ಪ್ರವೇಶ ಬಿಂದುಗಳನ್ನು ಮುಚ್ಚುವುದು, ಆಹಾರವನ್ನು ಸರಿಯಾಗಿ ಸಂಗ್ರಹಿಸುವುದು ಮತ್ತು ತೇವಾಂಶವನ್ನು ಕಡಿಮೆ ಮಾಡುವುದು ಸಹ ಸಹಾಯ ಅವುಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
https://www.newsics.com/2026/01/07/two-people-burned-alive-after-car-overturns-and-catches-fire/
