Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ತಿರುವನಮಲೈ: ಲೀವ್ ಇನ್ ರಿಲೇಷನ್ನಲ್ಲಿದ್ದ ಜೋಡಿ ವಾಸ ಮಾಡ್ತಿದ್ದ ಗುಡಿಸಲಿಗೆ ಹೊರಗಿನಿಂದ ಲಾಕ್ ಮಾಡಿ ಬೆಂಕಿ ಹಚ್ಚಿ ಕೊಲೆ ಮಾಡಿರುವ ಘಟನೆ ತಮಿಳುನಾಡಿನ ತಿರುನಮಲೈ ಜಿಲ್ಲೆಯ ಚೆಂಗಮ್ನ ಹಳ್ಳಿಯೊಂದರಲ್ಲಿ ನಡೆದಿದೆ.
ಈ ಘಟನೆಯಲ್ಲಿ 53 ವರ್ಷದ ಪುರುಷ ಹಾಗೂ ಆಕೆಯ 40 ವರ್ಷದ ಲೀವಿಂಗ್ ಪಾರ್ಟನರ್ ಮೃತಪಟ್ಟಿದ್ದಾರೆ. ಮೃತರನ್ನು ಚೆಂಗಮ್ ಬಳಿಯ ಪಕ್ಕಿರಿಪಾಳಯಂ ಗ್ರಾಮದ ರೈತ ಪಿ. ಶಕ್ತಿವೇಲ್ ಮತ್ತು ಅವರ ಸಂಗಾತಿ ಎಸ್. ಅಮೃತಮ್ (40) ಎಂದು ಗುರುತಿಸಲಾಗಿದೆ.
ಪ್ರಾಥಮಿಕ ತನಿಖೆಯ ಪ್ರಕಾರ ಈ ಇಬ್ಬರಿಗೂ ಬೇರೆ ಬೇರೆ ಮದುವೆಯಾಗಿದ್ದು, ಇಬ್ಬರೂ ತಮ್ಮ ತಮ್ಮ ಸಂಗಾತಿಯಿಂದ ದೂರಾಗಿದ್ದರು. ಶಕ್ತಿವೇಲ್ ತನ್ನ ಪತ್ನಿ ಎಸ್. ತಮಿಳರಸಿಯಿಂದ ಮೂರು ವರ್ಷಗಳ ಹಿಂದೆ ಬೇರ್ಪಟ್ಟಿದ್ದರು. ಶಕ್ತಿವೇಲ್ ತಮಿಳರಸಿ ದಂಪತಿಗೆ ಇಬ್ಬರು ಗಂಡು ಹಾಗೂ ಒಬ್ಬಳು ಹೆಣ್ಣು ಮಗಳು ಇದ್ದಾರೆ. ಅವರ ಪತ್ನಿ ಈಗ ಬೆಂಗಳೂರಿನಲ್ಲಿ ತಮ್ಮ ಮಕ್ಕಳೊಂದಿಗೆ ವಾಸಿಸುತ್ತಿದ್ದಾರೆ. ಹಾಗೆಯೇ ಶಕ್ತಿವೇಲುವಿನ ಲೀವಿಂಗ್ ಪಾರ್ಟನರ್ ಆಗಿದ್ದ ಅಮೃತಮ್ ಕೂಡ ತನ್ನ ಪತಿಯಿಂದ ಬೇರ್ಪಟಿದ್ದರು. ಅಮೃತಮ್ ಹಾಗೂ ಆಕೆಯ ಪತಿಗೂ ಇಬ್ಬರು ಗಂಡು ಹಾಗೂ ಓರ್ವ ಹೆಣ್ಣು ಮಗಳಿದ್ದಾಳೆ.
ಶಕ್ತಿವೇಲುವಿನ ಮಗಳು ಗುರುವಾರ ರಾತ್ರಿ ಆತನನ್ನು ಭೇಟಿ ಮಾಡಿ ರಾತ್ರಿ ಊಟ ಮಾಡಿದ ನಂತರ 9 ಗಂಟೆಗೆ ಆಕೆ ಹೊರಟು ಹೋಗಿದ್ದಾಳೆ. ಇತ್ತ ಶಕ್ತಿವೇಲು ಅವರು ವಾಸಿಸುವ ಗುಡಿಸಲಿನ ಅಕ್ಕಪಕ್ಕದ ಮನೆಯ ನಿವಾಸಿಗಳು ರಾತ್ರಿ ಸುಟ್ಟ ವಾಸನೆ ಬರುತ್ತಿದೆ ಎಂದು ಎಚ್ಚರವಾಗಿ ನೋಡಿದಾಗ ಶಕ್ತಿವೇಲು ಅವರು ವಾಸವಿದ್ದ ಮನೆ ಹೊತ್ತಿ ಉರಿದಿರುವುದು ಕಂಡು ಬಂದಿದೆ. ನಂತರ ಅಕ್ಕಪಕ್ಕದ ಮನೆಯವರೇ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಪೊಲೀಸರು ಸ್ಥಳಕ್ಕೆ ವಿಧಿವಿಜ್ಞಾನ ತಂಡ ಹಾಗೂ ಶ್ವಾನದಳವನ್ನು ಕರೆಸಿ ಪರಿಶೀಲಿಸಿದೆ. ಸ್ಥಳದಲ್ಲೇ ಮೃತರ ಮರಣೋತ್ತರ ಪರೀಕ್ಷೆಗಳನ್ನು ನಡೆಸಲಾಗಿದೆ.
