Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಕ್ಯಾನ್ಸರ್ನಂತಹ ಮಾರಕ ರೋಗಕ್ಕೆ ಕಾರಣವಾಗುವ ಆನುವಂಶಿಕ ದೋಷ ಹೊಂದಿದ್ದ ದಾನಿಯ ವೀರ್ಯ ಬಳಸಿ ಯುರೋಪ್ ಖಂಡದಾದ್ಯಂತ ಸುಮಾರು 200 ಮಕ್ಕಳು ಜನಿಸಿದ್ದಾರೆ ಎಂದು ಯುರೋಪಿಯನ್ ಬ್ರಾಡ್ಕಾಸ್ಟಿಂಗ್ ಯೂನಿಯನ್ನ (EBU) ತನಿಖೆ ವರದಿ ಹೇಳಿದೆ.
ಈ ದಾನಿಯು ಅರಿವಿಲ್ಲದೆ ತಮ್ಮ ವೀರ್ಯದ ಮೂಲಕ TP53 ಜೀನ್ನ ರೂಪಾಂತರವನ್ನು ರವಾನಿಸಿದ್ದಾರೆ. ಈ ಜೀನ್, ಮಕ್ಕಳಿಗೆ ಕ್ಯಾನ್ಸರ್ ಅಪಾಯವನ್ನು ಗಣನೀಯವಾಗಿ ಹೆಚ್ಚಿಸುತ್ತದೆ. ಈ ಜೀನ್ ಪಡೆದ ಮಕ್ಕಳಲ್ಲಿ ಅನೇಕರು ತಮ್ಮ ಜೀವನದಲ್ಲಿ ಕ್ಯಾನ್ಸರ್ ರೋಗಕ್ಕೆ ಒಳಗಾಗುವ ಸಾಧ್ಯತೆ ಇದೆ.
ತನಿಖೆಯ ಪ್ರಕಾರ ಕೆಲವು ಮಕ್ಕಳು ಈಗಾಗಲೇ ಕ್ಯಾನ್ಸರ್ನಿಂದಾಗಿ ಸಾವನ್ನಪ್ಪಿದ್ದಾರೆ.
ಕನಿಷ್ಠ 14 ದೇಶಗಳಲ್ಲಿನ 197 ಮಕ್ಕಳು ಈ ವೀರ್ಯದಿಂದ ಜನಿಸಿದ್ದಾರೆ. ಮಾಹಿತಿ ಬಿಡುಗಡೆ ಮಾಡದ ಕೆಲವು ದೇಶಗಳನ್ನು ಸೇರಿಸಿದರೆ, ನಿಜವಾದ ಸಂಖ್ಯೆ ಇನ್ನೂ ಹೆಚ್ಚಿರಬಹುದು. ಬೆಲ್ಜಿಯಂನಲ್ಲಿ 53 ಮಕ್ಕಳು, ಡೆನ್ಮಾರ್ಕ್ನಲ್ಲಿ 99 ಮತ್ತು ಸ್ಪೇನ್ನಲ್ಲಿ 35 ಮಕ್ಕಳು ಗರ್ಭ ಧರಿಸಿದ್ದಾರೆ. ದೇಶಗರ್ಭ ಧರಿಸಿದ ಮಕ್ಕಳ ಸಂಖ್ಯೆ ಡೆನ್ಮಾರ್ಕ್ 99, ಬೆಲ್ಜಿಯಂ 53, ಸ್ಪೇನ್ 35. ಬೆಲ್ಜಿಯಂನಲ್ಲಿ, ಒಬ್ಬ ದಾನಿಯಿಂದ ಕೇವಲ 6 ಮಹಿಳೆಯರಿಗೆ ಮಾತ್ರ ಮಕ್ಕಳು ಜನಿಸಬೇಕು ಎಂಬ ನಿಯಮವಿದೆ. ಆದರೆ ಈ ದಾನಿಯ ವೀರ್ಯವನ್ನು ಬಳಸಿ 38 ಮಹಿಳೆಯರು ಮಕ್ಕಳಿಗೆ ಜನ್ಮ ನೀಡಿದ್ದಾರೆ! ಹೀಗೆ ಸ್ಪೇನ್ನಲ್ಲೂ ನಿಯಮಗಳನ್ನು ಮುರಿದು ಈ ದಾನಿಯ ವೀರ್ಯ ಬಳಸಲಾಗಿದೆ.
ಈ ತಪ್ಪನ್ನು ಒಪ್ಪಿಕೊಂಡಿರುವ ಡೆನ್ಮಾರ್ಕ್ನ ಯುರೋಪಿಯನ್ ಸ್ಪರ್ಮ್ ಬ್ಯಾಂಕ್ ಅತಿ ಹೆಚ್ಚು ಮಕ್ಕಳನ್ನು ಮಾಡಲಾಗಿದೆ ಎಂದು ಹೇಳಿ, ಬಾಧಿತ ಕುಟುಂಬಗಳಿಗೆ ವಿಷಾದ ವ್ಯಕ್ತಪಡಿಸಿದೆ.
ವಿದ್ಯಾರ್ಥಿಯಾಗಿದ್ದಾಗ ವೀರ್ಯ ದಾನ ಮಾಡಲು ಶುರು ಮಾಡಿದ ಈ ವ್ಯಕ್ತಿಯ ವೀರ್ಯವನ್ನು ಸುಮಾರು 17 ವರ್ಷ ಕಾಲ ಬಳಸಲಾಗಿದೆ.
ಈ ವ್ಯಕ್ತಿಯ ವೀರ್ಯದ ಒಂದು ಭಾಗದಲ್ಲಿ (ಶೇ.20 ರಷ್ಟು) ಮಾತ್ರ ಈ ರೂಪಾಂತರಿತ TP53 ಜೀನ್ ಇದೆ. ದಾನಿ ಆರೋಗ್ಯವಾಗಿದ್ದರೂ, ಈ ದೋಷವು ಹೊಸದು ಮತ್ತು ಹಿಂದೆ ತಿಳಿದಿರದ ಕಾರಣ, ಮೊದಲಿಗೆ ಮಾಡಿದ ವೈದ್ಯಕೀಯ ಪರೀಕ್ಷೆಗಳಲ್ಲಿ ಇದು ಪತ್ತೆಯಾಗಲಿಲ್ಲ.
ಈ ದೋಷವಿರುವ ವೀರ್ಯದಿಂದ ಜನಿಸಿದ ಮಕ್ಕಳ ದೇಹದ ಪ್ರತಿ ಜೀವಕೋಶದಲ್ಲೂ ಈ ಕ್ಯಾನ್ಸರ್ ತರುವ ಜೀನ್ ಇರುತ್ತದೆ.
ತಡವಾಗಿಯಾದರೂ ನವೆಂಬರ್ 2023 ರಲ್ಲಿ ಸ್ಪರ್ಮ್ ಬ್ಯಾಂಕ್ ಈ ದಾನಿಯನ್ನು ಗುರುತಿಸಿ, ಎಲ್ಲರಿಗೂ ಮಾಹಿತಿ ನೀಡಿದೆ. ಪ್ರತಿ ದಾನಿಯಿಂದ ಗರಿಷ್ಠ 50 ಕುಟುಂಬಗಳಿಗೆ ಮಾತ್ರ ದಾನ ಮಾಡಲು ಹೊಸದಾಗಿ ಶಿಫಾರಸು ಮಾಡಲಾಗಿದೆ.
ಹೊಸ ವರ್ಷದಿಂದ ಗ್ರಾಹಕರ ಜೇಬಿಗೆ ಕತ್ತರಿ – ಮೊಬೈಲ್ ರೀಚಾರ್ಜ್ ದರ ಭಾರಿ ಏರಿಕೆ
