Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಭಾರತದ ಸಿಲಿಕಾನ್ ವ್ಯಾಲಿ, ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ರಾಜಧಾನಿ ಎಂಬೆಲ್ಲಾ ಹಿರಿಮೆಗಳಿಗೆ ಪಾತ್ರವಾಗಿರುವ ಕರುನಾಡಿನ ರಾಜಧಾನಿ ಬೆಂಗಳೂರಿಗೆ ಮತ್ತೊಂದು ಗರಿ ಪ್ರಾಪ್ತವಾಗಿದೆ.ಸಿಲಿಕಾನ್ ಸಿಟಿ, ಐಟಿ ಹಬ್ ಬೆಂಗಳೂರು ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ನಗರವಾಗಿ ಹೊರಹೊಮ್ಮಿದೆ.
ಇದೀಗ ಸ್ಯಾವಿಲ್ಸ್ ಗ್ರೋತ್ ಹಬ್ಸ್ ಇಂಡೆಕ್ಸ್ ವಿಶ್ವದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ನಗರಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಅದ್ರಂತೆ, ಈ ಪಟ್ಟಿಯನುಸಾರ, ರಾಜಧಾನಿ ಬೆಂಗಳೂರು ಟಾಪ್ನಲ್ಲಿದೆ.
230 ನಗರಗಳ ಪಟ್ಟಿಯಲ್ಲಿ ನಮ್ಮ ಬೆಂಗಳೂರು ಅಗ್ರಸ್ಥಾನದಲ್ಲಿದೆ. ವೇಗವಾಗಿ ಅಭಿವೃದ್ಧಿ ಹೊಂದುತ್ತಿರುವ ಟಾಪ್ 15 ನಗರಗಳಲ್ಲಿ 14 ಏಷ್ಯಾದಲ್ಲೇ ಇರೋದು ಮತ್ತೊಂದು ಹೆಮ್ಮೆಯ ವಿಷಯವಾಗಿದೆ.
2033 ರವರೆಗೆ ನಗರ ಮತ್ತು ಆರ್ಥಿಕ ವಿಸ್ತರಣೆಯನ್ನು ಯೋಜಿಸುವ ಈ ಸಮಗ್ರ ಜಾಗತಿಕ ಅಧ್ಯಯನವು, ಆರ್ಥಿಕತೆ, ಜನಸಂಖ್ಯೆ ಮತ್ತು ವೈಯಕ್ತಿಕ ಸಂಪತ್ತಿನ ಬೆಳವಣಿಗೆಯ ಸಾಮರ್ಥ್ಯ ಸೇರಿ ಪ್ರಮುಖ ಬೆಳವಣಿಗೆಯ ಸೂಚಕಗಳ ಆಧಾರದ ಮೇಲೆ ನಗರಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಭಾರತದ ಸಿಲಿಕಾನ್ ವ್ಯಾಲಿ ಎಂದು ಕರೆಯಲ್ಪಡುವ ಬೆಂಗಳೂರು, ಜಾಗತಿಕ ತಂತ್ರಜ್ಞಾನ ಕಂಪನಿಗಳು, ಸ್ಟಾರ್ಟ್ಅಪ್ಗಳು ಮತ್ತು ಗಣ್ಯ ಶಿಕ್ಷಣ ಸಂಸ್ಥೆಗಳ ಕ್ರಿಯಾತ್ಮಕ ಪರಿಸರ ವ್ಯವಸ್ಥೆಯಿಂದಾಗಿ ಶ್ರೇಯಾಂಕಗಳಲ್ಲಿ ಮುಂಚೂಣಿಯಲ್ಲಿದೆ. ನಗರದ ವೆಚ್ಚ ದಕ್ಷತೆ ಮತ್ತು ಹೆಚ್ಚು ಕೌಶಲ್ಯಪೂರ್ಣ ಕಾರ್ಯಪಡೆಯ ಮಿಶ್ರಣವು ಬೆಂಗಳೂರನ್ನು ಭವಿಷ್ಯದ ನಗರವನ್ನಾಗಿ ತೋರಿಸಿದೆ.
https://www.newsics.com/2025/11/15/cm-siddaramaiah-left-for-delhi-with-minister-h-c-mahadevappa/
