Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTub
newsics.com
Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTub
newsics.com
ಹೊಸದಿಲ್ಲಿ: ಮೊದಲ ಬಾರಿಗೆ ಐಸಿಸಿ ಏಕದಿನ ವಿಶ್ವಕಪ್ ಗೆದ್ದ ಭಾರತೀಯ ವನಿತಾ ತಂಡವು ಸದ್ಯ ಸಂಭ್ರಮಾಚರಣೆಯಲ್ಲಿ ತೊಡಗಿದೆ. ಇನ್ನು ಬುಧವಾರ ಪ್ರಧಾನಿ ಮೋದಿ ಅವರು ವಿಶ್ವ ವಿಜೇತ ಭಾರತ ತಂಡವನ್ನು ಭೇಟಿಯಾಗಿ ಮಾತುಕತೆ ನಡೆಸಿದರು.
ಇನ್ನು ಈ ಔತಣಕೂಡಕ್ಕೂ ಮುನ್ನ ಮೋಧಿ ಅವರು ಇಡೀ ತಂಡದೊಂದಿಗೆ ಮಾತುಕತೆ ನಡೆಸಿದರು. ಆ ಬಳಿಕ ಆಟಗಾರ್ತಿಯರು ಔತಣಕೂಟದಲ್ಲಿ ಭಾಗಿಯಾದರು. ಈ ವೇಳೆ ವ್ಹೀಲ್ ಚೇರ್ನಲ್ಲಿ ಕುಳಿತು ಭೋಜನ ಸವಿಯುತ್ತಿದ್ದ ಟೀಂ ಇಂಡಿಯಾ ಆಟಗಾರ್ತಿ ಪ್ರತೀಕಾ ರಾವಲ್ ಅವರಿಗೆ ಸ್ವತಃ ಪ್ರಧಾನಿ ಮೋದಿ ಅವರೇ ಸಿಹಿ ತಿನಿಸು ನೀಡಿ ಸತ್ಕರಿಸಿದರು. ಇದೀಗ ಅದರ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಈ ವೇಳೆ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ ಮೋದಿ, ಪಂದ್ಯಾವಳಿಯ ಅದ್ಭುತ ಕ್ಷಣಗಳನ್ನು ಆಟಗಾರರೊಂದಿಗೆ ಮೆಲುಕು ಹಾಕಿದರು. ಸತತ ಮೂರು ಸೋಲುಗಳ ಬಳಿಕವೂ ಟ್ರೋಫಿ ಗೆದ್ದ ತಂಡದ ಸಾಧನೆ ಮರೆಯಲಾಗದ್ದು ಎಂದು ಮೋದಿ ಹೇಳಿದರು. ಇದೇ ವೇಳೆ ಇತರ ಆಟಗಾರ್ತಿಯರು ಕೂಡಾ ಪ್ರಧಾನಿ ಮೋದಿ ಅವರನ್ನು ಪ್ರಶ್ನೆ ಕೇಳಿದರು. ಈ ವೇಳೆ ಕ್ರಿಕೆಟರ್ ಹರ್ಲೀನ್ ಡಿಯೋಲ್ ಅವರು ತನ್ನ ಪ್ರಶ್ನೆಯಿಂದ ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿದರು.
”ಸರ್, ನಿಮ್ಮ ಸ್ಕಿನ್ ಕೇರ್ ರುಟೀನ್ ಏನು?” ಇದು ಪ್ರಧಾನಿ ಮೋದಿಗೆ ಹರ್ಲೀನ್ ಡಿಯೋಲ್ ಕೇಳಿದ ಪ್ರಶ್ನೆ. ಅಲ್ಲದೆ “ನೀವು ತುಂಬಾ ಹೊಳೆಯುತ್ತೀರಿ” ಎಂದು ಡಿಲೋಲ್ ಹೇಳಿದರು. ಇದಕ್ಕೆ ನಗುತ್ತಲೇ ಉತ್ತರಿಸಿದ ಪ್ರಧಾನಿ ಮೋದಿ, “ನಾನು ಇದರ ಬಗ್ಗೆ ಇಷ್ಟೊಂದು ಯೋಚಿಸಿರಲಿಲ್ಲ” ಎಂದು ಹೇಳಿದರು.
ಈ ವೇಳೆ ಆಲ್ರೌಂಡರ್ ಸ್ನೇಹ್ ರಾಣಾ “ದೇಶವಾಸಿಗಳ ಪ್ರೀತಿಯೇ ಪ್ರಧಾನಿಯವರನ್ನು ಹೊಳೆಯುವಂತೆ ಮಾಡುತ್ತದೆ” ಎಂದು ಹೇಳಿದಾಗ, ಪಿಎಂ ಮೋದಿ “ಖಂಡಿತ ಹೌದು. ಇದು ಶಕ್ತಿಯ ದೊಡ್ಡ ಮೂಲವಾಗಿದೆ ಎಂದು ಪ್ರತಿಕ್ರಿಯಿಸಿದರು.
ಭಾರೀ ಸರಣಿ ದಾಳಿಗಳಿಗೆ ಉಗ್ರ ಸಂಘಟನೆಗಳ ಸಂಚು, ಜಮ್ಮು- ಕಾಶ್ಮೀರ ಸೇರಿ ದೇಶದೆಲ್ಲೆಡೆ ಕಟ್ಟೆಚ್ಚರ
