newsics.com
ಕೊಹಿಮಾ: ವ್ಯಕ್ತಿಯೊಬ್ಬ ನಾಯಿಗೆ ಬಿಯರ್ ಕುಡಿಸಿದ ವಿಡಿಯೊವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ವೈರಲ್ ಆಗಿದೆ.
ನಾಗಾಲ್ಯಾಂಡ್ನಲ್ಲಿ ಈ ಘಟನೆ ನಡೆದಿದ್ದು, ಈತನ ಕೃತ್ಯಕ್ಕೆ ನೆಟ್ಟಿಗರು ಕಿಡಿಕಾರಿದ್ದಾರೆ. ಕೂಡಲೇ ಪೊಲೀಸರು ಆತನ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.
ವಿಡಿಯೊದಲ್ಲಿ, ಆ ವ್ಯಕ್ತಿ ನಾಯಿಯ ಬಾಯಿಯನ್ನು ತೆರೆದು ಅದರ ಗಂಟಲಿಗೆ ಬಿಯರ್ ಸುರಿಯುವುದನ್ನು ಮತ್ತು ಬಲವಂತವಾಗಿ ಬಾಯಿ ಮುಚ್ಚುವುದನ್ನು ಕಾಣಬಹುದು. ನಾಯಿಯು ತೊಂದರೆಗೀಡಾಗಿರುವುದು, ಕಷ್ಟಪಡುವುದನ್ನು ವಿಡಿಯೊದಲ್ಲಿ ಗಮನಿಸಬಹುದು. ಒಂದು ಹಂತದಲ್ಲಿ, ಮದ್ಯ ಕುಡಿದು ಅದರ ರುಚಿ ಹಗಾಊ ವಾಸನೆ ತಾಳಲಾರದೆ ಅದು ವಾಂತಿ ಮಾಡುವ ಪರಿಸ್ಥಿತಿಯಲ್ಲಿರುವಂತೆ ತೋರುತ್ತದೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಾಣಿ ಪ್ರಿಯರು ನಾಯಿಯ ಬಗ್ಗೆ ತೋರಿಸಲಾದ ಸಹಾನುಭೂತಿಯ ಕೊರತೆಯ ಬಗ್ಗೆ ಆಘಾತ ಮತ್ತು ನಿರಾಶೆಯನ್ನು ವ್ಯಕ್ತಪಡಿಸಿದ್ದಾರೆ. ಇಲ್ಲಿಯವರೆಗೆ, ಆ ವ್ಯಕ್ತಿಯ ವಿರುದ್ಧ ಯಾವುದೇ ಬಂಧನ ಅಥವಾ ಅಧಿಕೃತ ಕ್ರಮ ಕೈಗೊಂಡ ಬಗ್ಗೆ ಯಾವುದೇ ವರದಿಗಳು ಬಂದಿಲ್ಲ.
ನಾಗಾಲ್ಯಾಂಡ್ನಲ್ಲಿ, ಕೊಹಿಮಾ ಆಡಳಿತವು ಪ್ರಾಣಿಗಳ ಮೇಲಿನ ಕ್ರೌರ್ಯ ತಡೆ ಕಾಯ್ದೆಗೆ ಅನುಸಾರವಾಗಿ ಬೀದಿ ನಾಯಿಗಳು ಸೇರಿದಂತೆ ಪ್ರಾಣಿಗಳನ್ನು ಕೊಲ್ಲುವುದರ ವಿರುದ್ಧ ಎಚ್ಚರಿಕೆಗಳನ್ನು ನೀಡಿದೆ. ಇದನ್ನು ಉಲ್ಲಂಘಿಸುವವರು ಸಂಬಂಧಿತ ನಿಬಂಧನೆಗಳ ಅಡಿಯಲ್ಲಿ ಕಠಿಣ ಕಾನೂನು ಕ್ರಮಕ್ಕೆ ಒಳಪಡುತ್ತಾರೆ.
https://www.instagram.com/reel/DPY_q4TgVYj/?igsh=dWpvajQyNDNrNHJu
