Newsics_Kannada
Subscribe and watch video
ನ್ಯೂಸಿಕ್ಸ್ ಕನ್ನಡ
ಬನ್ನಿ ನಮ್ ಸಂಗಡ
newsics.com
ಚೇಳು ವಿಷಕಾರಿ ಪ್ರಾಣಿಗಳಲ್ಲಿ ಒಂದು, ಇವುಗಳಲ್ಲಿ 2000 ಜಾತಿಗಳಿವೆ, ಚೇಳು ನಿಮಗೆ ಕಚ್ಚಿದರೆ, ನೀವು ಸಾಮಾನ್ಯವಾಗಿ ಸಾಯುವುದಿಲ್ಲ, ಆದರೆ ನೀವು ನೋವಿನಿಂದ ಬಳಲುತ್ತೀರಿ.
ಯಾವುದೇ ವಾತಾವರಣದಲ್ಲಿ ಬದುಕುವ ಚೇಳು, ವರ್ಷಕ್ಕೊಮ್ಮೆ ತಿಂದು ಬದುಕುತ್ತದೆ. ಆಹಾರ ಸಿಗದಿದ್ದರೆ ಜೀರ್ಣಕ್ರಿಯೆ ನಿಧಾನವಾಗುತ್ತದೆ. ಆಕಾರ ಮಾತ್ರ ವಿಚಿತ್ರವಲ್ಲ.. ಬದುಕಿನ ದಾರಿಯೂ ವಿಚಿತ್ರ. ಆದರೆ ಈ ಚೇಳಿನ ವಿಷವು ವಿಶ್ವದ ಅತ್ಯಂತ ದುಬಾರಿ ವಿಷಗಳಲ್ಲಿ ಒಂದಾಗಿದೆ.
ಒಂದು ಲೀಟರ್ ಚೇಳಿನ ವಿಷದ ಬೆಲೆ ಸುಮಾರು 120 ಕೆಜಿ ಚಿನ್ನಕ್ಕೆ ಸಮಾನವಾಗಿದೆ. ಅಂದರೆ 10 ಮಿಲಿಯನ್ ಡಾಲರ್ಗಿಂತಲೂ (ರೂ. 80 ಕೋಟಿಗೂ) ಹೆಚ್ಚು.ಚೇಳಿನ ವಿಷದ ಬೆಲೆ ಗಗನಕ್ಕೇರಲು ಮುಖ್ಯ ಕಾರಣವೆಂದರೆ ಅದರ ಉತ್ಪಾದನೆಯ ಕಷ್ಟಕರ ಪ್ರಕ್ರಿಯೆ. ಒಂದು ಚೇಳು ದಿನಕ್ಕೆ ಕೇವಲ 2 ಮಿಲಿಗ್ರಾಂ ವಿಷವನ್ನು ಮಾತ್ರ ಉತ್ಪಾದಿಸುತ್ತದೆ. ಒಂದು ಲೀಟರ್ ವಿಷ ಸಂಗ್ರಹಿಸಲು ಲಕ್ಷಾಂತರ ಚೇಳುಗಳಿಂದ ಎಚ್ಚರಿಕೆಯಿಂದ ವಿಷವನ್ನು ತೆಗೆಯಬೇಕಾಗುತ್ತದೆ. ಅಲ್ಲದೇ, ಇದಕ್ಕೆ ತಾಳ್ಮೆ, ಕೌಶಲ್ಯ ಮತ್ತು ದೊಡ್ಡ ಸಂಖ್ಯೆಯ ಚೇಳುಗಳ ಸಂತಾನೋತ್ಪತ್ತಿ ಅಗತ್ಯ. ಈ ಕಾರಣದಿಂದಾಗಿ, ಚೀನಾದಂತಹ ದೇಶಗಳಲ್ಲಿ ಲಕ್ಷಾಂತರ ಚೇಳುಗಳನ್ನು ಸಾಕಲಾಗುತ್ತದೆ, ಇದು ತುಂಬಾ ಸಂಕೀರ್ಣ ಮತ್ತು ದುಬಾರಿ ಪ್ರಕ್ರಿಯೆಯಾಗಿದೆ.
ಚೇಳಿನ ವಿಷದ ಕೆಲವು ಅಂಶಗಳು ಕ್ಯಾನ್ಸರ್ ಕೋಶಗಳನ್ನು ಗುರುತಿಸಿ, ಅವುಗಳ ಬೆಳವಣಿಗೆಯನ್ನು ತಡೆಯುವ ಸಾಮರ್ಥ್ಯವನ್ನು ಹೊಂದಿವೆ. ಇದು ಗುರಿಯಿಟ್ಟ ಕ್ಯಾನ್ಸರ್ ಚಿಕಿತ್ಸೆಗಳಿಗೆ ಆಧಾರವಾಗಿದೆ.
ಚೀನಾದಂತಹ ದೇಶಗಳಲ್ಲಿ ಚೇಳು ಸಾಕಾಣಿಕೆ ಒಂದು ಲಾಭದಾಯಕ ವ್ಯವಹಾರವಾಗಿದೆ. ಲಕ್ಷಾಂತರ ಚೇಳುಗಳನ್ನು ಸಾಕಿ, ಎಚ್ಚರಿಕೆಯಿಂದ ವಿಷವನ್ನು ಸಂಗ್ರಹಿಸುವ ಪ್ರಕ್ರಿಯೆಗೆ ತಾಂತ್ರಿಕ ಕೌಶಲ್ಯ ಮತ್ತು ಸುಧಾರಿತ ವಿಧಾನಗಳ ಅಗತ್ಯವಿದೆ. ಇದರ ಜೊತೆಗೆ, ವಿಷವನ್ನು ಔಷಧೀಯ ಸಂಯುಕ್ತಗಳಾಗಿ ಶುದ್ಧೀಕರಿಸುವ ಪ್ರಕ್ರಿಯೆಗೆ ಅತ್ಯಾಧುನಿಕ ಪ್ರಯೋಗಾಲಯಗಳು ಮತ್ತು ವಿಜ್ಞಾನಿಗಳ ಪರಿಣತಿಯೂ ಬೇಕಾಗುತ್ತದೆ, ಇದು ಈ ಉದ್ಯಮದ ವೆಚ್ಚವನ್ನು ಇನ್ನಷ್ಟು ಹೆಚ್ಚಿಸುತ್ತದೆ.
ಈ ವಿಷದಿಂದ ಅಪಸ್ಮಾರ (ಫಿಟ್ಸ್) ತಡೆಗಟ್ಟಲು ಮತ್ತು ನರವೈಜ್ಞಾನಿಕ ಸ್ಥಿತಿಗಳಿಗೆ ಚಿಕಿತ್ಸೆ ನೀಡಲು ಉಪಯುಕ್ತವಾಗಿವೆ.
ಚೇಳಿನ ವಿಷವನ್ನು ದೀರ್ಘಕಾಲದ ನೋವಿನಿಂದ ಪರಿಹಾರ ನೀಡುವ ಶಕ್ತಿಶಾಲಿ ನೋವು ನಿವಾರಕವಾಗಿ ಬಳಸಲಾಗುತ್ತದೆ.
ಚೇಳುಗಳಿಂದ ಸಂಗ್ರಹಿಸಿದ ವಿಷವನ್ನು ಮೊದಲು ಘನೀಕರಿಸಲಾಗುತ್ತದೆ , ಹೆಪ್ಪುಗಟ್ಟಿದ ವಿಷವನ್ನು ಪುಡಿಯಾಗಿ ಪರಿವರ್ತಿಸಿ ಮಾರಾಟ ಮಾಡುತ್ತಾರೆ ಎನ್ನಲಾಗಿದೆ.
ಈ ಚೇಳಿನ ವಿಷವನ್ನು ಪ್ರತಿಜೀವಕಗಳು, ಸೌಂದರ್ಯವರ್ಧಕಗಳು, ನೋವು ನಿವಾರಕಗಳ ತಯಾರಿಕೆಯಲ್ಲಿ ಬಳಸಲಾಗುತ್ತದೆ. ಒಂದು ಚೇಳು 2 ಮಿಲಿಗ್ರಾಂ ವಿಷವನ್ನು ಹೊಂದಿರುತ್ತದೆ.
