newsics.com
ಲಕ್ನೋ :ಆನ್ಲೈನ್ ಕ್ಲಾಸ್ಗಳು ಶುರುವಾದ ಬಳಿಕ ಮಕ್ಕಳ ಕೈಗೆ ಮೊಬೈಲ್ ಸಿಗಲು ಅಧಿಕೃತ ಕಾರಣವೊಂದು ಸಿಕ್ಕಂತಾಗಿದೆ. ಮೊಬೈಲ್ ಹಿಡಿದು ದಿನವಿಡೀ ಆನ್ಲೈನ್ ಗೇಮ್ ಆಡುತ್ತಿದ್ದ ಬಿಐಪಿಎಸ್ ಶಾಲೆಯಲ್ಲಿ ಓದುತ್ತಿರುವ 6ನೇ ತರಗತಿ ವಿದ್ಯಾರ್ಥಿ ಯಶ್ ಕುಮಾರ್ ಆನ್ಲೈನ್ ಆಟಗಳಲ್ಲಿ ಭಾರಿ ಮೊತ್ತವನ್ನು ಕಳೆದುಕೊಂಡ ನಂತರ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಘಟನೆ ಉತ್ತರ ಪ್ರದೇಶದ ಲಕ್ನೋದ ಮೋಹನ್ ಲಾಲ್ಗಂಜ್ ಪ್ರದೇಶದಲ್ಲಿ ನಡೆದಿದೆ.
ಯಶ್ ತಂದೆ ಸುರೇಶ್ ಕುಮಾರ್ ಯಾದವ್ ಪೇಂಟರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಅವರು ಸುಮಾರು ಎರಡು ವರ್ಷಗಳ ಹಿಂದೆ ಭೂಮಿಯನ್ನು ಮಾರಾಟ ಮಾಡಿ ಯೂನಿಯನ್ ಬ್ಯಾಂಕಿನ ಬಿಜ್ನೋರ್ ಶಾಖೆಯಲ್ಲಿ 13 ಲಕ್ಷ ರೂ. ಠೇವಣಿ ಇಟ್ಟಿದ್ದರು.
ಸೋಮವಾರ ಪಾಸ್ಬುಕ್ ನವೀಕರಿಸಿದ ನಂತರ ಖಾತೆಯಿಂದ 13 ಲಕ್ಷ ರೂ. ಕಡಿಮೆಯಾಗಿದೆ ಎಂಬ ಮಾಹಿತಿ ಬಂದಾಗ, ಅವರು ಆಘಾತಕ್ಕೊಳಗಾದರು. ತನಿಖೆಯಲ್ಲಿ, ಈ ಮೊತ್ತವನ್ನು ಆನ್ಲೈನ್ ಆಟಗಳ ಮೂಲಕ ಖರ್ಚು ಮಾಡಲಾಗಿದೆ ಎಂದು ಕಂಡುಬಂದಿದೆ. ಮನೆಗೆ ಹಿಂದಿರುಗಿದ ಸುರೇಶ್ ಈ ಬಗ್ಗೆ ಮಗ ಯಶ್ ಅವರನ್ನು ಕೇಳಿದರು. ಮೊದಲಿಗೆ ಯಶ್ ಈ ವಿಷಯವನ್ನು ತಪ್ಪಿಸಿದರು, ಆದರೆ ನಂತರ ಫ್ರೀ ಫೈರ್ ಆಟ ಆಡುವಾಗ ಎಲ್ಲಾ ಹಣವನ್ನು ಕಳೆದುಕೊಂಡಿದ್ದೇನೆ ಎಂದು ಒಪ್ಪಿಕೊಂಡರು.
ಇದರ ಬಗ್ಗೆಯೂ ತಂದೆ ಮಗನನ್ನು ಗದರಿಸಲಿಲ್ಲ, ಆದರೆ ಇದಾದ ಕೂಡಲೇ ಯಶ್ ತನ್ನ ಕೋಣೆಗೆ ಹೋಗಿ ಫ್ಯಾನ್ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂದಿದ್ದಾರೆ.
