newsics.com
ಶಾಲಾ ಹಾಸ್ಟೆಲ್ನಲ್ಲಿ ರಾತ್ರಿ ಆಳವಾದ ನಿದ್ದೆಯಲ್ಲಿದ್ದ 8 ಮುಗ್ಧ ಮಕ್ಕಳ ಕಣ್ಣುಗಳಿಗೆ ಅವರದ್ದೇ ಸಹಪಾಠಿಗಳು ಫೆವಿಕ್ವಿಕ್ ಅಂಟನ್ನು ಸುರಿದು ವಿಕೃತಿ ಮೆರೆದಿರುವ ಘಟನೆ ಕಂಧಮಾಲ್ ಜಿಲ್ಲೆಯ ಫಿರಿಂಗಿಯಾ ಬ್ಲಾಕ್ನಲ್ಲಿರುವ ಸಲಗುಡ ಸೇಬಾಶ್ರಮ್ ಶಾಲೆಯಲ್ಲಿ ನಡೆದಿದೆ
ಇದರಿಂದಾಗಿ ಎಲ್ಲಾ 8 ಮಕ್ಕಳ ಕಣ್ಣುಗಳು ಅಂಟಿಕೊಂಡು, ತೆರೆಯಲಾಗದ ಸ್ಥಿತಿಯಲ್ಲಿ ನರಕಯಾತನೆ ಅನುಭವಿಸುತ್ತಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಬುಡಕಟ್ಟು ಮಕ್ಕಳಿಗಾಗಿಯೇ ಇರುವ ಈ ವಸತಿ ಶಾಲೆಯಲ್ಲಿ, ರಾತ್ರಿ ಎಲ್ಲರೂ ಮಲಗಿದ ನಂತರ ಕೆಲ ವಿದ್ಯಾರ್ಥಿಗಳು ಈ ಪೈಶಾಚಿಕ ಕೃತ್ಯ ಎಸಗಿದ್ದಾರೆ. ಫೆವಿಕ್ವಿಕ್ನಂತಹ ಬಲವಾದ ರಾಸಾಯನಿಕ ಅಂಟು ಕಣ್ಣಿಗೆ ಬಿದ್ದ ತಕ್ಷಣ, ಮಕ್ಕಳು ನೋವಿನಿಂದ ಕಿರುಚಾಡಲು ಆರಂಭಿಸಿದ್ದಾರೆ. ಅವರ ಕಣ್ಣಿನ ರೆಪ್ಪೆಗಳು ಒಂದಕ್ಕೊಂದು ಅಂಟಿಕೊಂಡು, ಕಣ್ಣು ತೆರೆಯಲು ಸಾಧ್ಯವಾಗದ ಸ್ಥಿತಿ ನಿರ್ಮಾಣವಾಗಿತ್ತು
