ಸಾಲ ತೀರಿಸಿಲ್ಲ ಅಂದ್ರೂ ಇಲ್ಲಿ ಆರಾಂ ಆಗಿ ಇರಿ ಅಂತಿದೆ ಈ ಕಂಪನಿ! ಏನಿದು ಮಾಸ್ಟರ್‌ ಪ್ಲ್ಯಾನ್?

newsics.com

ಸಾಲ ತೀರಿಸಿಲ್ಲ ಅಂದ್ರೂ ಇಲ್ಲಿ ಆರಾಂ ಆಗಿ ಇರಬಹುದಂತೆ. ಸಾಲದಿಂದ ಬಚಾವಾಗಲು ಜಪಾನ್ ಕಂಪನಿ ಮಾಸ್ಟರ್ ಪ್ಲಾನ್ ಮಾಡಿದೆಯಂತೆ.

ಹೌದು, ಜೋಕಾಟ್ಸು’ ಎಂದರೆ, ಯಾರಿಗೂ ತಿಳಿಯದ ರೀತಿಯಲ್ಲಿ ಕಣ್ಮರೆಯಾಗುವುದು. ಜಪಾನ್‌ನಲ್ಲಿ ‘ನೈಟ್ ಮೂವರ್ಸ್’ ಎಂಬ ಕಂಪನಿಗಳು ಇಂಥ ಸೇವೆಯನ್ನು ಒದಗಿಸುತ್ತವೆ. ಈ ಸಂಸ್ಥೆಗಳು ತಮ್ಮ ಹಳೆಯ ಬದುಕಿನಿಂದ ಪಾರಾಗಲು ಬಯಸುವವರಿಗೆ ಎಲ್ಲಾ ರೀತಿಯ ಸಹಾಯ ಒದಗಿಸುತ್ತವೆ. ಇವುಗಳಲ್ಲಿ ಯಾವುದೇ ಅಡಚಣೆ, ಕುರುಹು ಅಥವಾ ಕಾನೂನು ಪ್ರಕ್ರಿಯೆಯೂ ಇರದು.

ಈ ಕಂಪನಿಗಳು ಒಂದು ವ್ಯಕ್ತಿಗೆ ಹೊಸ ಜೀವನದ ದಾರಿ ಕಲ್ಪಿಸುತ್ತವೆ. ಹೊಸ ಸ್ಥಳ, ಹೊಸ ಗುರುತು, ಹೊಸ ವಸತಿ ಹಾಗೂ ಕೆಲವೊಮ್ಮೆ ಉದ್ಯೋಗದ ವ್ಯವಸ್ಥೆಯನ್ನೂ ಮಾಡಿಕೊಡುತ್ತವೆ. ಇಡೀ ಪ್ರಕ್ರಿಯೆ ರಾತ್ರಿಯಲ್ಲಿ ನಡೆಯುತ್ತದೆ. ಅವರು ತಮ್ಮ ಹಳೆಯ ಸ್ಥಳದಿಂದ ಎದ್ದು, ಹೊಸ ಊರಿಗೆ ತೆರಳಿ ಅಲ್ಲೇ ಹೊಸ ಬದುಕು ಪ್ರಾರಂಭಿಸುತ್ತಾರೆ.

ಈ ರೀತಿಯ ಪ್ರಕ್ರಿಯೆಯನ್ನು ಜಪಾನಿನಲ್ಲಿ ಆರಂಭಿಸಿದವರು ನವೋಕಿ ಇವಾಬುಚಿ. ಅವರು ‘ನೈಟ್ ಮೂವರ್ಸ್’ ಸೇವೆಯ ಸ್ಥಾಪಕರಾಗಿದ್ದು, ಇದನ್ನು ಮೊದಲಿಗೆ ಮಹಿಳೆಯರ ರಕ್ಷಣೆಗೆಂದು ಆರಂಭಿಸಿದರು. ಇವಾಬುಚಿಯವರು ಅನೇಕ ಮಹಿಳೆಯರು ತಮ್ಮ ಪತಿ ಅಥವಾ ಕುಟುಂಬದ ದೌರ್ಜನ್ಯದಿಂದ ನರಳುತ್ತಿದ್ದುದನ್ನು ಕಂಡು, ಅವರು ಸುರಕ್ಷಿತ ಸ್ಥಳದಲ್ಲಿ ಬದುಕನ್ನು ಮತ್ತೆ ಕಟ್ಟಿಕೊಳ್ಳುವ ಅವಕಾಶಕ್ಕಾಗಿ ಈ ಮಾರ್ಗವನ್ನು ರೂಪಿಸಿದರು.

ಈ ಸೇವೆಗೆ ಶೀಘ್ರವೇ ಬೇಡಿಕೆ ಹೆಚ್ಚಾಯಿತು. ಈ ಸೇವೆಯನ್ನು ಬಳಸಿಕೊಳ್ಳುವವರಲ್ಲಿ ದೌರ್ಜನ್ಯ ಪೀಡಿತರು, ಸಾಲದಿಂದ ಬೇಸತ್ತವರು, ಅಥವಾ ವೈಯಕ್ತಿಕ ಜೀವನದಲ್ಲಿ ಆಳವಾದ ತೊಂದರೆ ಎದುರಿಸುತ್ತಿರುವವರು ಇದ್ದಾರೆ.

ಮನೆಯ ಗೋಡೆ ಕುಸಿದು ಕಾರ್ಮಿಕ ಮಹಿಳೆ ಸಾವು