newsics.com
ನವದೆಹಲಿ: ಧುರಂಧರ್’ ಚಿತ್ರದ ಫಸ್ಟ್ ಲುಕ್ ಬಾಲಿವುಡ್ ನಟ ರಣ್ವೀರ್ ಸಿಂಗ್ ಹುಟ್ಟುಹಬ್ಬದಂದು ರಿಲೀಸ್ ಆಗಿದೆ. ಈ ಚಿತ್ರವನ್ನು ʼಉರಿʼ, ‘ಆರ್ಟಿಕಲ್ 370ʼ ಖ್ಯಾತಿಯ ಆದಿತ್ಯ ಧಾರ್ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರ ಬಾಲಿವುಡ್ ಅಂಗಳದಲ್ಲಿ ಸೌಂಡ್ ಮಾಡಿದೆ. ಆದಿತ್ಯ ಧಾರ್ ನಿರ್ದೇಶನದ ಈ ಸ್ಪೈ-ಥ್ರಿಲ್ಲರ್ ಚಿತ್ರದಲ್ಲಿ ಸಂಜಯ್ ದತ್, ಅರ್ಜುನ್ ರಾಂಪಾಲ್, ಅಕ್ಷಯ್ ಖನ್ನಾ ಮತ್ತು ಆರ್ ಮಾಧವನ್ ಸೇರಿದಂತೆ ದೊಡ್ಡ ತಾರಾಗಣವೇ ಇದೆ.
ಉದ್ದ ಕೂದಲು ಬಿಟ್ಟುಕೊಂಡು ರಣ್ವೀರ್ ಗ್ಯಾಂಗ್ಸ್ಟರ್ನಂತೆ ಕಾಣಿಸಿಕೊಂಡಿದ್ದಾರೆ. ಸಿಗರೇಟ್ ಎಳೆಯುತ್ತಾ, ಗನ್ ಹಿಡಿದು ಆರ್ಭಟಿಸಿದ್ದಾರೆ. ರಕ್ತಸಿಕ್ತ ಅವತಾರದಲ್ಲಿ ಕಂಪ್ಲೀಟ್ ಮಾಸ್ ಲುಕ್ನಲ್ಲಿ ರಣ್ವೀರ್ ಕಾಣಿಸಿಕೊಂಡಿದ್ದಾರೆ.
ಈ ಚಿತ್ರದಲ್ಲಿ 40 ವರ್ಷದ ರಣವೀರ್ ಸಿಂಗ್ ತಮ್ಮ ‘ಧುರಂಧರ್’ ಚಿತ್ರದಲ್ಲಿ 20 ವರ್ಷದ ಸಾರಾ ಅರ್ಜುನ್ ಜತೆ ರೋಮ್ಯಾನ್ಸ್ ಮಾಡ್ತಿರೋದು ವೈರಲ್ ಆಗ್ತಿದೆ. ಈ ದೃಶ್ಯ ಎಲ್ಲೆಡೆ ವೈರಲ್ ಆಗಿ ಜನರಲ್ಲಿ ಆಕ್ರೋಶ ಹುಟ್ಟುಹಾಕಿದೆ.
2024ರಲ್ಲಿ 40 ವರ್ಷದ ವ್ಯಕ್ತಿ 18 ವರ್ಷದ ಹುಡುಗಿಯೊಂದಿಗೆ ಪ್ರೇಮ ಸಂಬಂಧ ಹೊಂದುವುದನ್ನು ನೀವು ಊಹಿಸಬಲ್ಲಿರಾ, ಇದು ಬಾಲಿವುಡ್ನಲ್ಲಿ ಮಾತ್ರ ಸಾಧ್ಯʼ ಎಂದು ಟ್ರೋಲ್ ಮಾಡುತ್ತಿದ್ದಾರೆ.
ದೃಶ್ಯಗಳು ಮತ್ತು ರಣವೀರ್ ಸಿಂಗ್ ಅವರ ಪರಿಣಾಮಕಾರಿ ಸ್ಕ್ರೀನ್ ಪ್ರಸೆನ್ಸ್ ಎಲ್ಲಾ ಕಡೆಯಿಂದ ಪ್ರಶಂಸಿಸಲ್ಪಟ್ಟರೂ ರಣವೀರ್ ಸಿಂಗ್ ಮತ್ತು ಚಿತ್ರದ ನಾಯಕಿ ಸಾರಾ ಅರ್ಜುನ್ ನಡುವಿನ 20 ವರ್ಷಗಳ ವಯಸ್ಸಿನ ಅಂತರವು ಚರ್ಚೆಯಾಗುತ್ತಿದೆ. ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಅನೇಕರು ಈ ಜೋಡಿಯನ್ನು ಟೀಕಿಸಿದ್ದಾರೆ.
ಧುರಂಧರ್’ ಚಿತ್ರೀಕರಣ ಮಾಡುವಾಗ ಸಾರಾ ಅವರಿಗೆ 18 ವರ್ಷ ವಯಸ್ಸಾಗಿರಬಹುದು ಎಂದು ಎಕ್ಸ್ ಬಳಕೆದಾರರು ಗಮನಸೆಳೆದಿದ್ದಾರೆ.
ಸಾರಾ ಅರ್ಜುನ್ ದಕ್ಷಿಣದಲ್ಲಿ ಜನಪ್ರಿಯ ಬಾಲ ಕಲಾವಿದೆ, ಮತ್ತು ಅವರು ಹಿಂದಿಯಲ್ಲಿಯೂ ಚಲನಚಿತ್ರಗಳನ್ನು ಮಾಡಿದ್ದಾರೆ. 20 ವರ್ಷ ವಯಸ್ಸಿನ ಸಾರಾ ಅರ್ಜುನ್, 5ನೇ ವಯಸ್ಸಿನಿಂದಲೂ ಚಲನಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಬಾಲ ನಟಿಯಾಗಿ ಅವರ ಅದ್ಭುತ ಪಾತ್ರ ದೈವ ತಿರುಮಗಲ್ (2011) ಎಲ್ಲರ ಗಮನ ಸೆಳೆದಿತ್ತು. ‘ಸೀಕ್ರೆಟ್ ಸೂಪರ್ಸ್ಟಾರ್’ ಮತ್ತು ‘ತಲೈವಿ’ ಸೇರಿದಂತೆ ಹಲವು ಚಿತ್ರಗಳಲ್ಲಿ ರಾಜ್ ಅರ್ಜುನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
https://www.newsics.com/2025/07/12/shivanna-celebrates-his-birthday-with-fans/
