newsics.com
ನವದೆಹಲಿ: ಅಹಮದಾಬಾದ್ನಲ್ಲಿ ಜೂನ್ 12 ರಂದು ಸಂಭವಿಸಿದ್ದ ಏರ್ ಇಂಡಿಯಾ ವಿಮಾನ ಅಪಘಾತದ ಪ್ರಾಥಮಿಕ ತನಿಖಾ ವರದಿ ಸಲ್ಲಿಕೆಯಾಗಿದೆ.
ಎಎಐಬಿ ಪ್ರಾಥಮಿಕ ವರದಿಯ ಪ್ರಕಾರ, ಟೇಕಾಫ್ ನಂತರ ಎಂಜಿನ್ಗಳ ಇಂಧನ ಸ್ವಿಚ್ಗಳು ಇದ್ದಕ್ಕಿದ್ದಂತೆ RUN ನಿಂದ CUTOFF ಗೆ ಬದಲಾದವು. ಈ ಘಟನೆ ಕೇವಲ 1 ಸೆಕೆಂಡ್ ಅಂತರದಲ್ಲಿ ಸಂಭವಿಸಿದೆ. ಈ ಸಮಯದಲ್ಲಿ, ಎಂಜಿನ್ಗಳಿಗೆ ಇಂಧನ ಬರುವುದನ್ನು ನಿಂತುಹೋಗಿದೆ.
ವಿಮಾನ ಟೇಕಾಫ್ ಆದ ಕೆಲವೇ ಸೆಕೆಂಡುಗಳಲ್ಲಿ ಇಂಧನ ಸ್ವಿಚ್ ಆಫ್ ಆಗಿವೆ. ಕೂಡಲೇ ಒಬ್ಬ ಪೈಲಟ್ ವೊಬ್ಬರು, ಏಕೆ ಆಫ್ ಮಾಡಿದೆ ಎಂದು ಕೇಳುತ್ತಾರೆ. ಅದಕ್ಕೆ ಮತ್ತೊಬ್ಬರು ನಾನು ಸ್ವಿಚ್ ಆಫ್ ಮಾಡಿಲ್ಲ ಎಂದು ಹೇಳುವುದು ವಿಮಾನದಲ್ಲಿ ರೆಕಾರ್ಡ್ ಆಗಿದೆ. ಇದಾದ ಕೆಲವೇ ಕ್ಷಣದಲ್ಲಿ ಎರಡು ಇಂಜಿನ್ ಗಳು ವಿಫಲವಾಗಿ 32 ಸೆಕೆಂಡ್ ಗಳಲ್ಲಿ ವಿಮಾನ ಪತನವಾಗಿದೆ. ಸದ್ಯಕ್ಕೆ ವಿಧ್ವಂಸಕ ಕೃತ್ಯದ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ವಿಮಾನ ಅಪಘಾತ ತನಿಖಾದಳ ಶುಕ್ರವಾರ ತಡರಾತ್ರಿ ತನಿಖಾ ವರದಿ ಬಿಡುಗಡೆ ಮಾಡಿದೆ.
AAIB ಪ್ರಕಾರ, ದುರದೃಷ್ಟಕರ ವಿಮಾನದ ಎರಡೂ ಎಂಜಿನ್ಗಳು ಆರಂಭಿಕ ಒತ್ತಡದ ನಷ್ಟದ ನಂತರ ಕ್ಷಣಿಕ ಚೇತರಿಕೆಯನ್ನು ಅನುಭವಿಸಿದವು, ಆದರೆ ಅಂತಿಮವಾಗಿ ಸ್ಥಿರಗೊಳ್ಳಲು ವಿಫಲವಾದವು. ಅಪಘಾತವು ಅಂತಿಮವಾಗಿ 260 ಜನರ ಸಾವಿಗೆ ಕಾರಣವಾಯಿತು.
