newsics.com
ಐದು ಪಂದ್ಯಗಳ ಟೆಸ್ಟ್ ಸರಣಿಯ ಎರಡನೇ ಪಂದ್ಯ ಭಾರತ ಮತ್ತು ಇಂಗ್ಲೆಂಡ್ ನಡುವೆ ಎಡ್ಜ್ಬಾಸ್ಟನ್ ಕ್ರೀಡಾಂಗಣದಲ್ಲಿ ನಡೆಯುತ್ತಿದ್ದು, ಇದುವರೆಗೆ ಮೂರು ದಿನಗಳ ಆಟ ಮುಗಿದಿದೆ.
catch drop match drop ಲೀಡ್ಸ್ನಲ್ಲಿ ನಡೆದ ಫಸ್ಟ್ ಟೆಸ್ಟ್ನಲ್ಲಿ ಕ್ಯಾಚ್ ಡ್ರಾಪ್ ಮಾಡಿ ಟೀಮ್ ಇಂಡಿಯಾ ಪಂದ್ಯದಲ್ಲಿ ಸೋಲಿಗೆ ಶರಣಾಯಿತು. ಆ ಮಹಾ ಪ್ರಮಾದದಿಂದ ಟೀಮ್ ಇಂಡಿಯಾ ಪಾಠ ಕಲಿತಂತೆ ಕಾಣ್ತಿಲ್ಲ. ಯಾಕಂದ್ರೆ, 2ನೇ ಟೆಸ್ಟ್ನಲ್ಲೂ ಅದೇ ರಾಗ ಅದೇ ಹಾಡು. ಕ್ಯಾಚ್ ಡ್ರಾಪ್ ಮಾಡೋ ಕೆಟ್ಟ ಪರಿಪಾಠ ಮುಂದುವರೆದಿದೆ.ಇದೀಗ 2ನೇ ಟೆಸ್ಟ್ನ ಮೊದಲ ಇನ್ನಿಂಗ್ಸ್ನಲ್ಲಿ 3 ಕ್ಯಾಚ್ಗಳನ್ನ ಟೀಮ್ ಇಂಡಿಯಾ ಆಟಗಾರರು ಕೈ ಚೆಲ್ಲಿದ್ದಾರೆ.ಇವತ್ತು ಎಡ್ಜ್ಬ್ಯಾಸ್ಟನ್ ಟೆಸ್ಟ್ನಲ್ಲಿ ಇಂಗ್ಲೆಂಡ್ ತಂಡ ರೋಚಕ ಕಮ್ಬ್ಯಾಕ್ ಮಾಡಿದೆ ಅಂದ್ರೆ ಅದಕ್ಕೆ ಕಾರಣ ಈ ಕ್ಯಾಚ್ ಡ್ರಾಪ್.
ನಾಯಕನಾಗಿ ಬ್ಯಾಟಿಂಗ್ನಲ್ಲಿ ಉಳಿದ ಆಟಗಾರರಿಗೆ ಎಕ್ಸಾಂಪಲ್ ಸೆಟ್ ಮಾಡ್ತಿರೋ ಶುಭ್ಮನ್ ಗಿಲ್, ಫೀಲ್ಡಿಂಗ್ನಲ್ಲಿ ಫ್ಲಾಪ್ ಆಗಿದ್ದಾರೆ. 37ನೇ ಓವರ್ನ 2ನೇ ಎಸೆತ ಅದು. ರವೀಂದ್ರ ಜಡೇಜಾ ಬೌಲಿಂಗ್ನಲ್ಲಿ ಹ್ಯಾರಿ ಬ್ರೂಕ್ ಬ್ಯಾಟ್ಗೆ ಸವರಿದ ಚೆಂಡು ಸೀದಾ ಸ್ಲಿಪ್ನಲ್ಲಿ ಶುಭಮನ್ ಗಿಲ್ ಕಡೆಗೆ ಬಂತು. ತೀರಾ ಸುಲಭದ ಕ್ಯಾಚ್ ಅದು. ಅದನ್ನ ಶುಭ್ಮನ್ ಗಿಲ್ ಡ್ರಾಪ್ ಮಾಡಿಬಿಟ್ಟರು. ಆಗ ಬ್ರೂಕ್ ಗಳಿಸಿದ್ದಿದ್ದು 63 ರನ್ ಮಾತ್ರ.
