ಲಗ್ನ ಪತ್ರಿಕೆ, ಕಲ್ಯಾಣ ಮಂಟಪ ರೆಡಿ ಇದೆ ಎಂದು ಕರೆದ ವಧು -ಚೆಲುವೆಯ ಮಾತು ನಂಬಿ ಮದುವೆಗೆ ಬಂದ ವರನಿಗೆ ಫುಲ್ ಶಾಕ್!

newsics.com

ಯುವತಿಯೊಬ್ಬಳು ಲಗ್ನ ಪತ್ರಿಕೆ, ಕಲ್ಯಾಣ ಮಂಟಪ ರೆಡಿ ಇದೆ ಬಾ ಅಂತ ಕಥೆ ಕಟ್ಟಿದ್ದಳು. ಮದುವೆಗೆ ತನ್ನ ಕುಟುಂಬ, ಗೆಳೆಯರ ಜೊತೆ ತನ್ನದೇ ಮದುವೆಗೆ ಮೆರವಣಿಗೆ ಬಂದ ವರನಿಗೆ ದೊಡ್ಡ ಶಾಕ್ ಕಾದಿತ್ತು. ಅಮೃತಸರದಿಂದ ಮೆರವಣಿಗೆ ಮೂಲಕ ಮೋಗಾ ಗ್ರಾಮಕ್ಕೆ ಮಧುಮಗನಿಗೆ ವಧುವೂ ಇಲ್ಲ, ವಧುವಿನ ಮನೆಯೂ ಸಿಕ್ಕಿಲ್ಲ.

ಅಮೃತಸರದ ಸುಲ್ತಾನ್ವಿಂಡಿಯ ಕುಲಪಿಂದರ್​ ಸಿಂಗ್, ಮೋಗಾದ ಸಹೀಲ್ಮಾನ್​ ಪ್ರೀತ್​​ ಕೌರ್ ಜೊತೆ ಮದುವೆಗೆ ತಯಾರಾಗಿದ್ದ. 110 ಕಿ.ಮೀ ನಿಂದ ಮದುವೆ ದಿಬ್ಬಣದಲ್ಲಿ 45ಕ್ಕೂ ಹೆಚ್ಚು ಜನರನ್ನು ಕರೆ ತಂದಿದ್ದ. ಯುವತಿ ಫೋಟೋ ಹಿಡಿದು ಗ್ರಾಮದಲ್ಲಿ ವಿಚಾರಿಸಿದಾಗ ಮಧುಮಗನಿಗೆ ಅಸಲಿ ವಿಚಾರ ಗೊತ್ತಾಗಿದೆ. ಮೋಗಾ ಗ್ರಾಮದಲ್ಲಿ ವಧುನೂ ಇಲ್ಲ, ವಧುವಿನ ಮನೆಯೂ ಇಲ್ಲ.

ಆ ಪ್ರದೇಶದ ಬಗ್ಗೆ ವರನ ಕುಟುಂಬಕ್ಕೆ ಏನೂ ತಿಳಿದಿರಲಿಲ್ಲ. ಆ ಜಾಗವನ್ನು ವಧುವಿನ ಮನೆಯವರೇ ಬುಕ್ ಮಾಡಿದ್ದರು. ಅಲ್ಲಿದ್ದವರಿಗೆ ವಧುವಿನ ಫೋಟೋವನ್ನು ತೋರಿಸಿದಾಗ, ಯಾರೂ ಅವಳನ್ನು ಗುರುತಿಸಲಿಲ್ಲ. ಆ ಪ್ರದೇಶದಲ್ಲಿ ಆ ಹೆಸರಿನ ಯಾರೂ ವಾಸಿಸುತ್ತಿಲ್ಲ ಎಂದು ಸ್ಥಳೀಯರು ದೃಢಪಡಿಸಿದರು.

ಚೆಂದುಳ್ಳಿ ಹುಡುಗಿಯ ಮಾತು ನಂಬಿ ವರ ಮದುವೆಗೆ ತನ್ನ ಸಂಬಂಧಿಕರ ಜೊತೆ ಬಂದಿದ್ದಾನೆ. ಲಗ್ನಪತ್ರದಲ್ಲಿರೋ ಕಲ್ಯಾಣ ಮಂಟಪ ಇದ್ರು, ಮದುವೆಗೆ ಬುಕ್ ಆಗೇ ಇರಲಿಲ್ಲ. ವಧು ಅಮೆರಿಕಾದಲ್ಲಿದ್ದು, ಮೋಗಾ ತನ್ನ ಊರೆಂದು ಹೇಳಿದ್ದಳಂತೆ. ಆದ್ರೆ ಮೋಗಾ ಗ್ರಾಮದಲ್ಲಿ ಆಕೆಯೂ ಇಲ್ಲ, ಮನೆಯೂ ಇಲ್ಲ. ಹಣಕ್ಕಾಗಿ ಈ ರೀತಿ ವಧು ಮಾಡಿದ್ದಾಳೆ ಎಂದು ವರನ ತಂದೆ ಮೋಗಾ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿದ್ದಾರೆ.