newsics.com
ಪಾಕಿಸ್ತಾನ : ಪಾಕಿಸ್ತಾನದ ವೈದ್ಯರ ಮಹತ್ವಾಕಾಂಕ್ಷೆಯ ಹಾಲಿನ ಬ್ಯಾಂಕ್ ಕಾರ್ಯಾಚರಣೆ 12 ದಿನಗಳಲ್ಲೇ ನಿಂತು ಹೋಗಿದೆ. ಸಾವಿರಾರು ನವಜಾತ ಶಿಶುಗಳು ಪ್ರಾಣ ಕಳೆದುಕೊಳ್ಳುವಂತಾಗಿದೆ.
ಇಸ್ಲಾಮಿಕ್ ರಿಪಬ್ಲಿಕ್ ಆಫ್ ಪಾಕಿಸ್ತಾನದ ಕರಾಚಿಯಲ್ಲಿ ಸ್ಥಾಪನೆಯಾಗಿದ್ದ ಮೊದಲ ‘ಎದೆ ಹಾಲಿನ ಬ್ಯಾಂಕ್’ ಅನ್ನು ಉದ್ಘಾಟನೆಯಾದ 12 ದಿನಗಳಲ್ಲೇ ಮುಚ್ಚಲಾಗಿದೆ. ಇಸ್ಲಾಮಿಕ್ ಧರ್ಮಗುರುಗಳು ಮತ್ತು ಸಂಸ್ಥೆಗಳು ಹೊರಡಿಸಿದ ಫತ್ವಾಗಳನ್ನು ಅನುಸರಿಸಿ ಈ ಕ್ರಮವನ್ನು ಕೈಗೊಳ್ಳಲಾಗಿದೆ.
ಯುನಿಸೆಫ್ (UNICEF) ಸಹಯೋಗದೊಂದಿಗೆ ಸಿಂಧ್ ಇನ್ಸ್ಟಿಟ್ಯೂಟ್ ಆಫ್ ಚೈಲ್ಡ್ ಹೆಲ್ತ್ ಅಂಡ್ ನಿಯೋನಾಟಾಲಜಿಯ (SICHN) ವೈದ್ಯರು ಒಂದು ವರ್ಷಕ್ಕೂ ಹೆಚ್ಚು ಕಾಲ ದುಡಿದು ಈ ವರ್ಷದ ಜೂನ್ 12ರಂದು ಈ ಹಾಲಿನ ಬ್ಯಾಂಕ್ ಅನ್ನು ಪ್ರಾರಂಭಿಸಿದ್ದರು. ಈ ಕುರಿತು ಕರಾಚಿಯ ಜಾಮಿಯಾ ದಾರುಲ್ ಉಲೂಮ್ನೊಂದಿಗೆ ನಿರಂತರ ಚರ್ಚೆ ನಡೆಸಿದ್ದರು. ಉದ್ಘಾಟನೆಗೂ ಮುನ್ನ ಅವರ ಎಲ್ಲಾ ಕಳಕಳಿಯ ಬಗ್ಗೆ ಸ್ಪಂದಿಸಿದ್ದರೂ ಇಸ್ಲಾಮಿಕ್ ಸೆಮಿನರಿಯು ಎದೆಹಾಲು ಬ್ಯಾಂಕ್ಗೆ ತನ್ನ ಅನುಮೋದನೆಯನ್ನು ಹಿಂತೆಗೆದುಕೊಂಡು ಸಿಂಧ್ ಇನ್ಸ್ಟಿಟ್ಯೂಟ್ ಆಫ್ ಚೈಲ್ಡ್ ಹೆಲ್ತ್ ಆಂಡ್ ನಿಯೋನಾಟಾಲಜಿಗೆ ಶಾಕ್ ನೀಡಿದೆ.
ಮಾತನಾಡಿರುವ ಪಾಕಿಸ್ತಾನ ಉಲೇಮಾ ಕೌನ್ಸಿಲ್ ಅಧ್ಯಕ್ಷ ಹಫೀಜ್ ಮುಹಮ್ಮದ್ ತಾಹಿರ್ ಮೆಹಮೂದ್ ಅಶ್ರಫಿ, ಮಾನವ ಹಾಲಿನ ಬ್ಯಾಂಕ್ ಅನ್ನು ಸ್ಥಾಪಿಸಲು ಬಯಸಿದ ವೈದ್ಯರ ಉದ್ದೇಶವು ಉತ್ತಮ ನಂಬಿಕೆಯಲ್ಲಿರಬಹುದು. ನಾವು ಜಾಮಿಯಾ ದಾರುಲ್ ಉಲೂಮ್ ಕರಾಚಿಯ ನಿರ್ಧಾರಕ್ಕೆ ಸಮ್ಮತಿಸುತ್ತೇವೆ. ಹೀಗಾಗಿ ವೈದ್ಯರ ನಿರ್ಣಯವನ್ನು ಪ್ರೋತ್ಸಾಹಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ಇದರ ಪರಿಣಾಮವಾಗಿ ಸಿಂಧ್ ಇನ್ಸ್ಟಿಟ್ಯೂಟ್ ಆಫ್ ಚೈಲ್ಡ್ ಹೆಲ್ತ್ ಆಂಡ್ ನಿಯೋನಾಟಾಲಜಿ ತನ್ನ ಕಾರ್ಯಾಚರಣೆಯನ್ನು 2 ವಾರಗಳಿಗಿಂತ ಕಡಿಮೆ ಅವಧಿಯಲ್ಲಿ ಮುಚ್ಚಬೇಕಾಯಿತು.
