ಪ್ರೀತಿ ಮಾಡಬಾರದು, ಮಾಡಿದರೆ ಜಗಕೆ ಹೆದರಬಾರದು ಅಂತಾರೆ ಕವಿಗಳು. ಹಾಗೆಯೇ ಪ್ರೀತಿ ಮಾಡಲು ವಯಸ್ಸು ಬೇಕಾಗಿಲ್ಲ. ಇಂತಹ ಘಟನೆಗಳು ನಾವು ದಿನನಿತ್ಯ ನೋಡುತ್ತಾ ಇರುತ್ತೇವೆ. ಇದೀಗ ಅಂತಹುದ್ದೆ ಒಂದು ಘಟನೆಉತ್ತರ ಪ್ರದೇಶದ ಬುಂದೇಲ್ಖಂಡ್ನಲ್ಲಿ ನಡೆದಿದೆ.
55 ವರ್ಷದ ನಾಲ್ವರು ಸೊಸೆಯಂದಿರ ಅತ್ತೆಯೊಬ್ಬರು 30 ವರ್ಷದ ವ್ಯಕ್ತಿಯೊಂದಿಗೆ ಓಡಿಹೋಗಿದ್ದಾರೆ.ವೃದ್ಧ ಮಹಿಳೆಗೆ ಸುಮಾರು 55 ವರ್ಷ. ಅವರಿಗೆ ನಾಲ್ಕು ಗಂಡು ಮಕ್ಕಳಿದ್ದಾರೆ ಮತ್ತು ಎಲ್ಲರೂ ವಿವಾಹಿತರಾಗಿದ್ದಾರೆ. ಆದರೆ ಈ ವೇಳೆ ಆಕೆಯ ಪತಿ ಕಳೆದ ಕೆಲವು ತಿಂಗಳುಗಳಿಂದ ತನ್ನ ಪತ್ನಿ 30 ವರ್ಷದ ಯುವಕನನ್ನು ಪ್ರೀತಿಸುತ್ತಿದ್ದಳು ಎಂದು ಆರೋಪಿಸಿದ್ದಾರೆ.
ಆ ವ್ಯಕ್ತಿ ಅದೇ ಗ್ರಾಮದ ನಿವಾಸಿಯಾಗಿದ್ದು, ಈಗಾಗಲೇ ವಿವಾಹಿತನಾಗಿದ್ದಾನೆ ಎಂವುದನ್ನು ಹೇಳಿದ್ದಾರೆ.
ಸುಮಾರು 20 ದಿನಗಳ ಹಿಂದೆ ಆ ಮಹಿಳೆ ಮನೆಯಿಂದ ಇದ್ದಕ್ಕಿದ್ದಂತೆ ಕಾಣೆಯಾಗಿದ್ದರು. ಆರಂಭದಲ್ಲಿ ಅವರು ಸಂಬಂಧಿಕರನ್ನು ಭೇಟಿ ಮಾಡಲು ಹೋಗಿದ್ದಾರೆಂದು ಕುಟುಂಬದವರು ಭಾವಿಸಿದ್ದರು, ಆದರೆ ಹಲವು ದಿನಗಳ ನಂತರ ಯಾವುದೇ ಸುದ್ದಿ ಬರದಿದ್ದಾಗ, ಅವರು ಹುಡುಕಾಟ ಆರಂಭಿಸಿದರು. ಈ ಸಮಯದಲ್ಲಿ, ಆ ಮಹಿಳೆ ಗ್ರಾಮದ ವ್ಯಕ್ತಿಯೊಂದಿಗೆ ಓಡಿಹೋಗಿರುವುದು ಬಹಿರಂಗವಾಗಿದೆ.
ವೃದ್ಧ ಮಹಿಳೆಯ ಪತಿ ಪೊಲೀಸರಿಗೆ ತಿಳಿಸಿದ್ದು, ತನ್ನ ಪತ್ನಿ ಮನೆಯಿಂದ ಓಡಿಹೋಗಿದ್ದಲ್ಲದೆ, ತನ್ನ ನಾಲ್ವರು ಸೊಸೆಯಂದಿರ ಆಭರಣಗಳನ್ನು ಸಹ ತನ್ನೊಂದಿಗೆ ತೆಗೆದುಕೊಂಡು ಹೋಗಿದ್ದಾಳೆ ಎಂದಿದ್ದಾರೆ. ಇದರಲ್ಲಿ ಚಿನ್ನದ ಬಳೆಗಳು, ಸರಗಳು, ಕಿವಿಯೋಲೆಗಳು ಮತ್ತು ಇತರ ಬೆಲೆಬಾಳುವ ವಸ್ತುಗಳು ಸೇರಿವೆ. ಇವುಗಳ ಒಟ್ಟು ಮೌಲ್ಯ ಲಕ್ಷಾಂತರ ರೂಪಾಯಿಗಳೆಂದು ಹೇಳಲಾಗುತ್ತದೆ. ಮನೆಯಿಂದ ನಗದು ಕೂಡ ಕಾಣೆಯಾಗಿದೆ ಎಂದು ಕುಟುಂಬ ತಿಳಿಸಿದೆ.
ಪೊಲೀಸರು ಈಗ ಮಹಿಳೆ ಮತ್ತು ಆಕೆಯ ಪ್ರಿಯಕರನಿಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ. ಗ್ರಾಮ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಹುಡುಕಾಟ ನಡೆಸಲಾಗುತ್ತಿದೆ. ಅವರ ಕಾಣೆಯಾದ ಫೋಟೋಗಳನ್ನು ರೈಲ್ವೆ ನಿಲ್ದಾಣ, ಬಸ್, ವಿಮಾನ ನಿಲ್ದಾಣ ಮತ್ತು ಹೋಟೆಲ್ ಸೇರಿದಂತೆ ಎಲ್ಲೆಡೆ ಪೋಸ್ಟ್ ಮಾಡಲಾಗಿದೆ. ಆದರೆ ಇಲ್ಲಿಯವರೆಗೆ ಯಾವುದೇ ಸುಳಿವು ಪತ್ತೆಯಾಗಿಲ್ಲ.
