newsics.com
ಹೈದರಾಬಾದ್: ಕೊ+ಕೇನ್ ಸೇವನೆಗಾಗಿ ಕೋಟಿ ರೂ. ಮೌಲ್ಯದ ಆಸ್ತಿ ಮಾರಿದ್ದ ವೈದ್ಯೆಯೊಬ್ಬಳನ್ನು ತೆಲಂಗಾಣ ಮಾದಕ ದ್ರವ್ಯ ವಿರೋಧಿ ಬ್ಯೂರೋ (ಟಿಜಿಎಎನ್ಬಿ) ಬಂಧಿಸಿದೆ.
ಕೊಕೇ*ನ್ ಹೊಂದಿದ್ದ ಮತ್ತು ಖರೀದಿಸಿದ ಆರೋಪದ ಮೇಲೆ ಹೈದರಾಬಾದ್ನ ಪ್ರಸಿದ್ಧ ಖಾಸಗಿ ಆಸ್ಪತ್ರೆಯ ಮಾಜಿ ಸಿಇಒ, 34 ವರ್ಷದ ವೈದ್ಯೆ ನಮ್ರತಾ ಚಿಗುರುಪತಿ ಬಂಧನಕ್ಕೊಳಗಾಗಿದ್ದಾಳೆ.
53 ಗ್ರಾಂ ಮಾದಕ ದ್ರವ್ಯದೊಂದಿಗೆ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದಾಳೆ.
ಈ ಹಿಂದೆ ನಮ್ರತಾ ಒಮೆಗಾ ಆಸ್ಪತ್ರೆಗಳ ಮುಖ್ಯಸ್ಥರಾಗಿದ್ದರು. ಕೋಟ್ಯಧಿಪತಿ ಆಗಿರುವ ನಮ್ರತಾಗೆ ಡ್ರ*ಗ್ಸ್ ಸೇವಿಸುವ ಚಟವಿತ್ತು. ಈ ಕಾರಣದಿಂದ ಆಕೆ ಕೊಕೇ*ನ್ಗಾಗಿ ವಿಪರೀತ ಹಣ ವ್ಯಯಿಸುತ್ತಿದ್ದಳು.
ಇತ್ತೀಚೆಗೆ ಕೊರಿಯರ್ ಮೂಲಕ ಕೊ*ಕೇನ್ ತೆಗೆದುಕೊಳ್ಳುವ ವೇಳೆ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ. 53 ಗ್ರಾಂ ಕೊ*ಕೇನ್, ಎರಡು ಮೊಬೈಲ್ ಮತ್ತು 10 ಸಾವಿರ ನಗದಿನ ಜತೆ ಆಕೆಯನ್ನು ಸಂಬಂಧಪಟ್ಟ ಅಧಿಕಾರಿಗಳು ಬಂಧಿಸಿದ್ದಾರೆ.
ನಮ್ರತಾ ಮುಂಬೈ ಮೂಲದ ಡ್ರ*ಗ್ಸ್ ಪೂರೈಕೆದಾರ ವಂಶ್ ಧಕ್ಕರ್ ಜತೆ ಪರಿಚಯ ಹೊಂದಿದ್ದಳು. ಆತ ನಮ್ರತಾ ಹೇಳಿದಂತೆ ಡ್ರ*ಗ್ಸ್ ಸಪ್ಲೈ ಮಾಡುತ್ತಿದ್ದ. ಬಾಲಕೃಷ್ಣ ಎನ್ನುವಾತ ನಮ್ರತಾಗೆ ಕೊರಿಯರ್ ಮೂಲಕ ಕೊ*ಕೇನ್ ತಂದುಕೊಡುತ್ತಿದ್ದ. ಇಬ್ಬರ ಹಣದ ವ್ಯವಹಾರ ವಾಟ್ಸಾಪ್ ಮೂಲಕವೇ ನಡೆಯುತ್ತಿತ್ತು ಎಂದು ಪೊಲೀಸರು ಹೇಳಿದ್ದಾರೆ.
ನಮ್ರತಾ ಪ್ರತಿನಿತ್ಯ ಎಂಟರಿಂದ ಹತ್ತು ಬಾರಿ ಕೊ*ಕೇನ್ ಸೇವಿಸುತ್ತಿದ್ದಳು. ರಾತ್ರಿಯಲ್ಲಿ ಪ್ರತಿ ಎರಡು ಮೂರು ಗಂಟೆಗಳಿಗೊಮ್ಮೆ ಕೊ*ಕೇನ್ ತೆಗೆದುಕೊಳ್ಳುತ್ತಿದ್ದಳು. ನಿದ್ರೆ ಮಾತ್ರೆಗಳನ್ನೂ ಬಳಸುತ್ತಿದ್ದಳು. ತನ್ನ ಕೊ*ಕೇನ್ ಸೇವಿಸುವ ಚಟವನ್ನು ಉಳಿಸಿಕೊಳ್ಳಲು ಸುಮಾರು 1 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ಮಾರಾಟ ಮಾಡಿದ್ದಾಳೆ. ಇದುವರೆಗೆ ಕೊ*ಕೇನ್ಗಾಗಿ 70 ಲಕ್ಷ ರೂಪಾಯಿ ವ್ಯಯಿಸಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.
Chat GPT ಗಂಡನ ಬಗ್ಗೆ ಚಾಟ್ ಜಿಪಿಟಿ ಹೇಳಿದ ಮಾತು ಕೇಳಿ ಡಿವೋರ್ಸ್ ಕೊಡಲು ಮುಂದಾದ ಪತ್ನಿ
