newsics.com
ನಾಯಿ ದಾಳಿಯಿಂದ ತಪ್ಪಿಸಿಕೊಳ್ಳಲು ಮಹಿಳೆ 20 ಅಡಿ ಆಳಕ್ಕೆ ಬಿದ್ದಂತಹ ಘಟನೆ ಗ್ರೇಟರ್ ನೋಯ್ಡಾದ ಇಕೋ ವಿಲೇಜ್ -1 ಸೊಸೈಟಿ ಸಮೀಪ ನಡೆದಿದೆ. ಈ ಅಘಾತಕಾರಿ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಾಕಿಂಗ್ ಕರೆದುಕೊಂಡು ಬಂದ ನಾಯಿಯೊಂದು ಮಾಲೀಕನನ್ನು ಎಳೆದುಕೊಂಡು ತಮ್ಮತ್ತ ಬರುತ್ತಿದ್ದಿದ್ದರಿಂದ ಅದು ದಾಳಿ ಮಾಡಬಹುದು ಎಂದು ಭಯಗೊಂಡ 37 ವರ್ಷದ ಮಹಿಳೆ ಅಕ್ಕಪಕ್ಕ ಏನಿದೆ ಎಂಬುದನ್ನು ಕೂಡ ಗಮನಿಸದೇ ಪಕ್ಕಕ್ಕೆ ಕಾಲಿಟಿದ್ದಾರೆ. ಪರಿಣಾಮ ಅವರು 20 ಅಡಿ ಆಳಕ್ಕೆ ಬಿದ್ದಿದ್ದಾರೆ. ಅಷ್ಟು ಎತ್ತರದಿಂದ ಕೆಳಗೆ ಬಿದ್ದಿದ್ದರಿಂದ ಅವರ ಬೆನ್ನು ಮೂಳೆಗೆ ಗಾಯವಾಗಿದೆ ಎಂದು ತಿಳಿದು ಬಂದಿದೆ. ಘಟನೆಯಲ್ಲಿ ಮಹಿಳೆ ಗಂಭೀರವಾಗಿ ಗಾಯಗೊಂಡಿದ್ದು, ಅವರ ಸ್ಥಿತಿ ಚಿಂತಾಜನಕವಾಗಿದೆ. ಅವರ ಬೆನ್ನುಹುರಿಗೆ ಗಾಯವಾಗಿದ್ದು, ಅವರನ್ನು ಕೂಡಲೇ ಆಪರೇಷನ್ ಥಿಯೇಟರ್ಗೆ ಶಿಫ್ಟ್ ಮಾಡಲಾಗಿದೆ. ಈ ಘಟನೆಯ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
