newsics.com
ಬೆಂಗಳೂರು: ಪಹಲ್ಗಾಂ ಉಗ್ರ ದಾಳಿಯ ನಂತರ ಕಾಶ್ಮೀರದಿಂದ ಬರುವ ಎಲ್ಲ ಡ್ರೈಫ್ರೂಟ್ಗಳ ಬೆಲೆ ಏರಿಕೆಯಾಗಿದೆ.
ಕಾಶ್ಮೀರದಿಂದ ಡ್ರೈ ಫ್ರೂಟ್ಸ್ ಸಾಗಾಟ ಬಹುತೇಕ ಸ್ಥಗಿತಗೊಂಡಿರುವ ಪರಿಣಾಮ ಡ್ರೈಫ್ರೂಟ್ಸ್ ಮಾರುಕಟ್ಟೆಗೆ ಬಿಸಿ ತಟ್ಟಿದೆ.
ಪ್ರಮುಖವಾಗಿ ಕಾಶ್ಮೀರದಿಂದ ಬರುವ ಕೇಸರಿ, ಏಪ್ರಿಕಾಟ್, ವಾಲ್ನಟ್, ವಾಲ್ನಟ್ ಎಣ್ಣೆ, ಸೇರಿ ಇತರೆ ಪ್ಲಮ್ ಡ್ರೈಫ್ರೂಟ್ ಉತ್ಪನ್ನಗಳ ಸಾಗಾಟದಲ್ಲಿ ವ್ಯತ್ಯಯವಾಗಿದೆ.
ಕಳೆದ ತಿಂಗಳು ಕೇಸರಿ ಒಂದು ಕೇಜಿಗೆ ₹3ಲಕ್ಷ ಇತ್ತು. ಈಗ ಕೇಜಿಗೆ ₹4ಲಕ್ಷ ಆಗಿದ್ದು, ಗ್ರಾಂ ಲೆಕ್ಕದಲ್ಲಿ ಗ್ರಾಹಕರು ಖರೀದಿ ಮಾಡುವಾಗ 1ಗ್ರಾಂ ₹ 400 ಆಗಲಿದೆ. ಏಪ್ರಿಕಾಟ್ ₹ 480- ₹ 500 ಇದ್ದು, ಈಗಲೇ ದರ ಹೆಚ್ಚಾಗಿ ₹700 ತಲುಪಿದೆ. ಕಾಶ್ಮೀರಿ ಗಾರ್ಲಿಕ್ 1ಕೇಜಿ 1800 ಇದ್ದುದು ₹2500 ಆಗಿದೆ. ಕಾಶ್ಮೀರ ವಾಲ್ನಟ್ ಕೇಜಿಗೆ ₹500 ಇದ್ದುದು ₹800 ಆಗಿದೆ. ಕಾಶ್ಮೀರ ಅಂಜುರ ₹1200 ಇದ್ದುದು ₹ 1800 ಆಗಿದೆ ಎಂದು ತಿಳಿಸಿದರು. ಮಾಮ್ರಾ ಬಾದಾಮ್ ₹1200 ಇದ್ದುದು 1800 ಆಗಿದೆ. 600-700 ಗ್ರಾಂ ಗುಲ್ಕನ್ ಹನಿ ₹200 ಇದ್ದುದು ಈಗ ₹300 , ಶಿಲಾಜಿತ್ 1ಗ್ರಾಂ ₹ 400 ಇದ್ದುದು ಈಗ ₹900 ಆಗಿದೆ. ಪೂರೈಕೆ ವ್ಯತ್ಯಯ ಮುಂದುವರಿದರೆ ದರ ಇನ್ನಷ್ಟು ಹೆಚ್ಚಾಗಲಿದೆ.
