newsics.com
ನವದೆಹಲಿ: ಮುಸ್ಲಿಮರ ಪವಿತ್ರ ಹಬ್ಬ ರಂಜಾನ್ ಹಿನ್ನಲೆಯಲ್ಲಿ ಮುಸ್ಲಿಂರಿಗೆ BJP ಸಿಹಿಸುದ್ದಿ ನೀಡಿದ್ದು, ‘ಸೌಗತ್-ಎ-ಮೋದಿ’ ಅಭಿಯಾನದಡಿ 32 ಲಕ್ಷ ಕುಟುಂಬಗಳಿಗೆ ಈದ್ ಕಿಟ್ ವಿತರಿಸುವ ಕಾರ್ಯ ಕೈಗೊಂಡಿದೆ.
ಪವಿತ್ರ ರಮ್ಜಾನ್ ಮಾಸದ ಕೊನೆಯ ದಿನ ಆಚರಿಸಲಾಗುವ ಈದ್ ಉಲ್ ಫಿತರ್ ಸಲುವಾಗಿ ಈ ಕಿಟ್ ನೀಡಲಾಗುತ್ತಿದ್ದು, ಇದು ಹಬ್ಬದ ಆಚರಣೆಗೆ ಬೇಕಿರುವ ಸಾಮಗ್ರಿಗಳನ್ನು ಹೊಂದಿರಲಿದೆ. ಶ್ಯಾವಿಗೆ, ಖರ್ಜೂರ, ಒಣ ಹಣ್ಣುಗಳು, ಸಕ್ಕರೆ ಸಹಿತ ಹಲವು ಆಹಾರ ಪದಾರ್ಥಗಳು, ಮಹಿಳೆಯರ ಕಿಟ್ನಲ್ಲಿ ಸಲ್ವಾರ್ ಸೂಟ್, ಪುರುಷರ ಕಿಟ್ನಲ್ಲಿ ಕುರ್ತಾ ಪೈಜಾಮ ಇರಲಿದೆ ಎಂದು ವರದಿಯಾಗಿದೆ.
ಈ ಅಭಿಯಾನಕ್ಕೆ ದಿಲ್ಲಿಯ ನಿಜಾಮುದ್ದೀನ್ ಪ್ರದೇಶದಲ್ಲಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ. ನಡ್ಡಾ ಚಾಲನೆ ನೀಡಿದ್ದಾರೆ. ಈ ಅಭಿಯಾನಕ್ಕಾಗಿ ಅಲ್ಪಸಂಖ್ಯಾಕರ ಘಟಕದ 32 ಸಾವಿರ ಕಾರ್ಯಕರ್ತರು ಕಾರ್ಯನಿರ್ವಹಿಸುತ್ತಿದ್ದು, ದೇಶದ 32 ಸಾವಿರ ಮಸೀದಿಗಳ ವ್ಯಾಪ್ತಿಯಲ್ಲಿ ವಿತರಿಸಲಾಗುವುದು. ಮಸೀದಿ ಆಡಳಿತಗಳ ಸಹಯೋಗದೊಂದಿಗೆ ಬಡ ಮುಸ್ಲಿಮರನ್ನು ಗುರುತಿಸಿ ಈ ಕಿಟ್ಗಳನ್ನು ನೀಡಲಾಗುವುದು ಎನ್ನಲಾಗಿದೆ.
ಕಿಟ್ನಲ್ಲಿ ಏನಿರಲಿದೆ?
– ಶ್ಯಾವಿಗೆ, ಖರ್ಜೂರ, ಒಣಹಣ್ಣು ಮತ್ತಿತರ ಆಹಾರ ಪದಾರ್ಥ
– ಮಹಿಳೆಯರ ಕಿಟ್ನಲ್ಲಿ ಸಲ್ವಾರ್, ಪುರುಷರಿಗೆ ಕುರ್ತಾ- ಪೈಜಾಮ
– ಗುಡ್ ಫ್ರೈಡೇ, ನವರೋಜ್, ಈಸ್ಟರ್ ವೇಳೆಯೂ ಇಂಥದ್ದೇ ಕಿಟ್
Bhupesh Baghel; ಮಾಜಿ ಸಿಎಂ ಭೂಪೇಶ್ ಬಘೇಲ್ ನಿವಾಸದ ಮೇಲೆ ಸಿಬಿಐ ದಾಳಿ
