newsics.com
ಕ್ಯಾಲಿಫೋರ್ನಿಯಾ : ಒಂದು ವಾರದ ಹಿಂದೆ ಹೊತ್ತಿಕೊಂಡಿರುವ ಕ್ಯಾಲಿಫೋರ್ನಿಯಾ ಕಾಡ್ಗಿಚ್ಚಿಗೆ ಸಾವಿರಾರು ಮನೆಗಳು, ಬಂಗ್ಲೆಗಳು ಸುಟ್ಟುಕರಕಲಾಗಿವೆ. ಇದುವರೆಗೆ ಮೃತ ಪಟ್ಟವರ ಸಂಖ್ಯೆ 16ಕ್ಕೆ ಏರಿಕೆಯಾಗಿದ್ದರೆ, ಸುಮಾರು 12 ಸಾವಿರಕ್ಕೂ ಹೆಚ್ಚು ಬೆಂಕಿಗೆ ಆಹುತಿಯಾಗಿದೆ
ಹಲವಾರು ಜನರನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಗೊಳಿಸಲಾಗಿದೆ. ಈ ಪ್ರಾಕೃತಿಕ ವಿಕೋಪಕ್ಕೆ ಹಲವಾರು ಹಾಲಿವುಡ್ ಕಲಾವಿದರ ಬಂಗ್ಗೆಗಳು ಸುಟ್ಟು ಹೋಗಿವೆ. ಅಗ್ನಿಶಾಮಕ ದಳ ಬೆಂಕಿ ನಂದಿಸುವ ಕೆಲಸಕ್ಕೆ ಮುಂದಾಗಿದೆ. ಆದರೆ, ಜೋರಾಗಿ ಗಾಳಿ ಬೀಸುತ್ತಿರುವ ಹಿನ್ನಲೆಯಲ್ಲಿ ಕಾರ್ಯಾಚರಣೆಗೆ ಅಡ್ಡಿಯಾಗುತ್ತಿದೆ. ಕೆನಡಾ ದೇಶವು, ಈ ವಿಕೋಪದಿಂದ ಹೊರಬರಲು ಅಮೆರಿಕಾಗೆ ಸಹಾಯ ಮಾಡುತ್ತಿದೆ.
ಬುಧವಾರ ( ಜ 8), ಹಾಲಿವುಡ್ ನ ಬೆಟ್ಟ, ಬೆಂಕಿಯ ಕೆನ್ನಾಲೆಗೆ ಸಿಲುಕಿದೆ. ಹಲವಾರು ಸೆಲೆಬ್ರಿಟಿಗಳು ಮನೆ ಬಿಟ್ಟು ಸುರಕ್ಷಿತ ಪ್ರದೇಶಕ್ಕೆ ತೆರಳಿದ್ದಾರೆ. ಈ ಅಗ್ನಿ ವಿಕೋಪದ ಉಪಗ್ರಹ ಚಿತ್ರವನ್ನು ಬಿಡುಗಡೆ ಮಾಡಲಾಗಿದೆ. ಇದು ಭಾರೀ ಪ್ರಮಾಣದ ವಿನಾಶದ ದೃಶ್ಯವನ್ನು ತೋರಿಸುತ್ತಿದೆ.
