newsics.com
ಎಲ್ಲರ ಜೀವನದಲ್ಲೂ ಮದುವೆಗೆ ಮಹತ್ವದ ಸ್ಥಾನವಿದೆ. ಜೀವನದ ಎರಡನೇ ಇನ್ನಿಂಗ್ಸ್ ಎಂದೇ ಭಾವಿಸಲಾಗಿದೆ.
ಮದುವೆ ವಿಷಯದಲ್ಲಿ ಮಹಿಳೆಯರಷ್ಟೇ ಅಲ್ಲ, ಪುರುಷರಲ್ಲೂ ಭಯಗಳಿರುತ್ತವೆ. ಮದುವೆ ನಂತರ ವ್ಯಕ್ತಿಯ ಜೀವನದಲ್ಲಿ ಸಾಕಷ್ಟು ಬದಲಾವಣೆಗಳಾಗುತ್ತವೆ.
ಆದರೆ ಮಹಿಳೆಯರಲ್ಲಿ ಈ ಬದಲಾವಣೆಗಳು ಹೆಚ್ಚಾಗಿ ಕಂಡುಬರುತ್ತವೆ. ತೂಕ ಹೆಚ್ಚಳ, ದಪ್ಪಗಾಗುವುದು ಸೇರಿ ಹಲವು ಬದಲಾವಣೆಗಳಿಗೆ ಮದುವೆ ಕಾರಣವಾಗುತ್ತದೆ.
ಮದುವೆಯೆಂದರೆ ಹೆಣ್ಣು-ಗಂಡು ಇಬ್ಬರಲ್ಲೂ ಭಯ, ಆತಂಕ ಇದ್ದೇ ಇರುತ್ತದೆ. ಮುಖ್ಯವಾಗಿ ಹೆಣ್ಣು ಮಕ್ಕಳಲ್ಲಿ ಇದು ಹೆಚ್ಚು. ಹೆಣ್ಣುಮಕ್ಕಳಲ್ಲಿ ದೈಹಿಕ ಮತ್ತು ಮಾನಸಿಕ ಬದಲಾವಣೆಗಳಾಗುತ್ತವೆ.
ಮದುವೆ ಆದ ಬಳಿಕ ಹೆಣ್ಣುಮಕ್ಕಳು ದಪ್ಪಗಾಗುವುದು ಯಾಕೆ? ತೂಕ ಹೆಚ್ಚಳ ಆಗುವುದೇಕೆ? ಈ ಬಗ್ಗೆ ತಜ್ಞರು ಹೇಳೋದೇನು?
ಮದುವೆ ನಂತರ ಮಹಿಳೆಯರ ಜೀವನಶೈಲಿ, ಆಹಾರ ಪದ್ಧತಿಯಲ್ಲಿ ಬದಲಾಗುತ್ತದೆ. ಹೊಸ ಆಹಾರ ಅಭ್ಯಾಸಗಳು ಹೆಚ್ಚಾಗುತ್ತವೆ. ಮದುವೆ ಆದ ಹೊಸದರಲ್ಲಿ ಹಿಟ್ಟಿನ ತಿಂಡಿ, ಊಟ ಜಾಸ್ತಿ ಮಾಡ್ತಾರೆ. ಬಂಧುಗಳ ಮನೆಗೆ ಹೋಗ್ತಾರೆ. ಈ ಕಾರಣದಿಂದ ಸಹಜವಾಗಿಯೇ ಜಾಸ್ತಿ ತಿನ್ನುತ್ತಾರೆ. ಇದರಿಂದ ಮಹಿಳೆಯರು ದಪ್ಪ
ಆಗುತ್ತಾರೆ.
ಮದುವೆಗೂ ಮುಂಚೆ ಹೆಣ್ಣುಮಕ್ಕಳು ಸ್ವಲ್ಪ ಮಟ್ಟಿಗೆ ಸ್ವತಂತ್ರವಾಗಿರುತ್ತಾರೆ. ಹೊರಗಡೆಯ ಓಡಾಟ ಹೆಚ್ಚಿರುತ್ತದೆ. ವ್ಯಾಯಾಮ, ವಾಕಿಂಗ್ ಮಾಡುತ್ತಾರೆ. ಮದುವೆ ಬಳಿಕ ಸಾಮಾನ್ಯವಾಗಿ ಇದನ್ನೆಲ್ಲ ಬಿಡುತ್ತಾರೆ. ದೈಹಿಕ ಚಟುವಟಿಕೆ ಕಡಿಮೆಯಾಗುತ್ತದೆ. ಒಂದೇ ಕಡೆ ಹೆಚ್ಚು ಹೊತ್ತು ಕುಳಿತು ಕೆಲಸ ಮಾಡ್ತಾರೆ. ಇದರಿಂದಲೂ ಮದುವೆ ಆದ ಹೊಸದರಲ್ಲಿ ಹೆಣ್ಣುಮಕ್ಕಳು ದಪ್ಪ ಆಗುತ್ತಾರೆ.
ಮದುವೆಗೆ ಮೊದಲು ಹೆಣ್ಣುಮಕ್ಕಳಲ್ಲಿ ವಿವಿಧ ಒತ್ತಡಗಳಿರುತ್ತವೆ. ಚೆನ್ನಾಗಿ ಕಾಣಬೇಕು ಎಂಬ ಕಾರಣಕ್ಕೆ ಕಡಿಮೆ ತಿನ್ನುತ್ತಾರೆ. ಅಲ್ಲದೆ ಮದುವೆ ನಂತರ ಭಾವನೆಗಳಲ್ಲಿ ಆಗುವ ಬದಲಾವಣೆಯಿಂದ ಹಾರ್ಮೋನ್ಗಳಲ್ಲೂ ಬದಲಾವಣೆ ಆಗುತ್ತದೆ. ಭದ್ರತೆಯ ಭಾವನೆ ಬಲಿಷ್ಟವಾಗುತ್ತದೆ. ಹೀಗಾಗಿ ಮದುವೆ ನಂತರ ಜಾಸ್ತಿ ತಿನ್ನುತ್ತಾರೆ. ಇದೂ ಕೂಡ ಮದುವೆ ಆದ ನಂತರ ದಪ್ಪ ಆಗೋದಕ್ಕೆ ಕಾರಣ.
ದೈಹಿಕ ಸಂಬಂಧ:
ಮದುವೆ ಆದ್ಮೇಲೆ ಗಂಡ-ಹೆಂಡತಿಯ ನಡುವೆ ದೈಹಿಕ ಸಂಬಂಧ ಇರುತ್ತದೆ. ಈ ಸಮಯದಲ್ಲಿ ಈಸ್ಟ್ರೋಜನ್ ಹಾರ್ಮೋನ್ ಜಾಸ್ತಿ ಉತ್ಪತ್ತಿ ಆಗುತ್ತದೆ. ಈ ಹಾರ್ಮೋನ್ನಿಂದ ದೇಹದಲ್ಲಿ ಬದಲಾವಣೆಗಳಾಗಿ ದಪ್ಪ ಆಗ್ತಾರೆ ಎನ್ನುವ ಅಭಿಪ್ರಾಯವೂ ಇದೆ. ಆದರೆ ಈ ಅಭಿಪ್ರಾಯವನ್ನು ತಜ್ಞರು ಅಲ್ಲಗಳೆಯುತ್ತಾರೆ. ಭಾವನಾತ್ಮಕ ಬದಲಾವಣೆಗಳೇ ಮದುವೆ ನಂತರ ಹೆಣ್ಣುಮಕ್ಕಳು ದಪ್ಪವಾಗಲು, ತೂಕ ಹೆಚ್ಚಳಕ್ಕೆ ಕಾರಣ ಎಂಬ ಅಭಿಪ್ರಾಯ ತಜ್ಞರದು.
Weight loss ತೂಕ ಇಳಿಸಿಕೊಳ್ಳಲು ಬಯಸುವವರು ಯಾವ ಸಮಯದಲ್ಲಿ ಎಷ್ಟು ತಿನ್ನಬೇಕು..?
Health tips ಒಂದು ಚಮಚ ಮಜ್ಜಿಗೆಯಲ್ಲಿ ಇದನ್ನು ಸೇರಿಸಿ ಕುಡಿದರೆ ತೂಕ, ಕೊಬ್ಬು ಕಡಿಮೆಯಾಗತ್ತೆ…
