newsics.com
ಬಾಲಿವುಡ್ ಬಾಕ್ಸಆಫೀಸ್ ಸುಲ್ತಾನ ಸಲ್ಮಾನ್ ಖಾನ್ ಮತ್ತು ನ್ಯಾಷನಲ್ ಕ್ರಷ್ ರಶ್ಮಿಕಾ ಮಂದಣ್ಣ ಅಭಿನಯದ ‘ಸಿಕಂದರ್’ ಸಿನಿಮಾ ಬಗ್ಗೆ ಈಗಾಗಲೇ ಸಿಕ್ಕಾಪಟ್ಟೆ ಕುತೂಹಲ ನಿರ್ಮಾಣವಾಗಿದೆ. ಈ ಬಗ್ಗೆ ಎಲ್ಲೆಡೆ ಟಾಕ್ ಶುರುವಾಗಿದೆ.
ಅಭಿಮಾನಿಗಳನ್ನು ಇನ್ನು ಕಾಯಿಸುವುದು ಸರಿಯಲ್ಲ ಅಂತಾ ಚಿತ್ರತಂಡ ಡಿಸಂಬರ್ 27ಕ್ಕೆ ‘ಸಿಕಂದರ್’ ಸಿನಿಮಾ ಟೀಸರ್ ಬಿಡುಗಡೆ ಮಾಡಲಿದೆ.
ಈಗಾಗಲೇ ಹಿಟ್ ಮೇಲೆ ಹಿಟ್ ಚಿತ್ರ ಕೊಟ್ಟು ಬಾಲಿವುಡ್ ಅನ್ನು ಬೆರಗುಗೊಳಿಸಿರುವ ಬೆಡಗಿ ರಶ್ಮಿಕಾ ಮಂದಣ್ಣ ‘ಹಿಂದಿ ಚಿತ್ರರಂಗ’ವನ್ನು ‘ತಕ ಥೈ’ ಅಂತಾ ಕುಣಿಸಲು ‘ಸಿಕಂದರ್’ ಸಹಾಯ ಮಾಡಬಹುದು.
ಸಲ್ಮಾನ್ ಖಾನ್ ಅಭಿಮಾನಿಗಳಿಗೆ ಖುಷಿಪಡಿಸಬೇಕೆಂದೇ ಸಿನಿಮಾ ನಿರ್ಮಾಪಕ ಸಾಜಿದ್ ಮತ್ತು ನಿರ್ದೇಶಕ ಎ.ಆರ್. ಮುರುಗಾಡೋಸ್ ‘ಸಿಕಂದರ್’ ಟೀಸರ್ ರಿಲೀಸ್ ಅನ್ನು ಡಿಸಂಬರ್ 27ಕ್ಕೆ ಇಟ್ಟುಕೊಂಡಿದೆ. ಏಕೆಂದರೆ ಅಂದು ಸಲ್ಮಾನ್ ಖಾನ್ ಅವರ 57ನೇ ಹುಟ್ಟುಹಬ್ಬ. ಅಂದಿನಿಂದಲೇ ಚಿತ್ರದ ಪ್ರೊಮೋಷನ್ ಕೂಡ ಶುರುವಾಗಲಿದೆ.
